عائله الحاج خليفه 💓 .

part 13 💓

عـائلة الـحاج خـليفه 💓 .
للكاتبه رغد محمد 💓 .
الحلقه 13 :

قصر ألخليفه

- فصبح 6:00 ص وأعين كلهم عشان الاستراحه وكلهم عند الباب ويخش حد وكلهم انصدمو وفاطمه طالعه من الكوجينه انصدممتتت وطاحت منها السفره
فاطمه : انت
فارس  : فاطمه 🥺
الحاج خليفه مصدوممم كيفف .
مؤيد : كنك هكي ووين كنت بنفهممم يراجل ؟؟؟
فارس عيونه في فاطمه وشاف للحاج خليفه : موضوع يبي قعده يمؤيد
سند  : يراجل منحسبوك الا انك عفست معش تبيها
فارس شاف للفاطمه : نا نسيبها مستحيل

- تذكرو قتلكن فبدايه الروايه ان فاطمه ترفض للسبب ؟ فارس السببب حبيبها وخطيبها الي حارب عشانها هله وجدها  مكنش راضي عليه نهائيآ لانه ع قد حاله بس يقرا فطب بشري ومش عاجب ولما وافق جدها كلهم استغربوا قعدو حوالي خمس شهور ويوم الفاتحه الرسميه اختفى ومعش عرفو عليه شي ومن سعتها فاطمه تحسابه سابها وعدا وكانت مكسوره منه واي حد يجي مكنتش توافق ع امل انه يجي وجى واول مشفاته ردت روحها ❤️ .
فاطمه بصوت واطي وقعدت تبكي : فارس
فارس يشوفلها ويبي يجيها كان مخوتها قاعدين : فطومتي

سند : احمممم ههي يفارس

( غيرة الخوت شرينها 😂 )

مؤيد : وفهمني وينن كنت وكنك متبهدل هكي وامتى وكيف ههي
فارس  : تمام ههي

- الحاج خليفه نزل راسه ع العاكوز وقال : مستحيل
جيهان جت تجري لفاطمه : فطوممممم مُبارك ردلك يروحي
جيانا ماسكه جنبهاا : مش قتلك في حاجه غلط سعتها
فاطمه : مش مصدقه رد يبنات شفتنا كيف متبهدل وين كان وينهه  ... وتبكي
أمنيه طبست عليها : يبت مش هكي افرحي وزغرتي ردلك
فاطمه : جيهان بنشوفه اصرفي كيف قبل
جيهان. : تمام معندش فون هوا اكيد ع الحاله ههذي
فاطمه  : اهاا واخيرآ يبنات مش مصدقهه مش مصدقه فارس ردلي مش مسيبني 🥺
لُجين : مش مسيبك افرحي يروحيي

الجده باشات جت وقمعزت يلاها ومسكت ايديها وضحكت : وتوا موافقه تجوزي
فاطمه ضحت بدموع : موافقه يشوشو 🫂
الجده باشات : ءَنشالله نفرح بيكن كلكن مع الي تبنه ياربب
البنات صوت وأحد  : ياررببببب
الجده باشات : ي ملولبات 😂
البنات " 🤣 .

------------------------
فالسور الشباب كلهمم مع فارس 🫶🏻 .
مؤيد : هي يفارس احكي وين كنت .
فارس : يوم الفاتحه فالصبح كنت نوتي فروحي رن عليا الحاج خليفه  وقالي تعالي نبيك قبل الفاتحه في أمور نبيك تمم عليهن ... قتله تمام جايك وقلت نروح حنكمل 
سند : باهي ؟
فارس : اول ما مشيت قالي فالمخزن خشيت معش شفت قدامي من الضربه فتحت عيوني بعد فتره قاعده فطرابلس شنو ومن جابني غادي مشعارف
مُهاب : باهي وداك لطرابلس كنك مروحتش طول
فارس : منقدرش نطلع كنت محبوس غادي
الشباب شافو لبعضهم ونزلوا روسهم من اللي داره جدهم :

فارس : لا متنزلوش روسكم انتو مدخلكمش وفاطمه مدخلهش ولو تحسابوني حنسيبها مستحيله  را
مؤيد : ابتسم
فارس : حتى بعد وصلت اول مكان جيته هنا عشان نوري فاطمه اني مهربتش اني نبيها جدياتتت ومستحيل نسيبها
سند : للقانك راجل يبو نسيب
... وخبط ظهره
مؤيد : يبقى حتخش للمربوعه دير حمام ونعطيك دبش وتمشي معانا للشاليه وبكرا  روح
فارس : لا والله خليني نروح
مُهاب جى وراه  : مش مرايف ع فاطمه 😉
فارس ضحك : نكذب كان قلت عادي
مُهاب : يبقى صبي هي