بسم الله الرحمن الرحيم اللهم صلي وسلم على نبينا محمد 🥰
♡♡♡♡♡♡♡♡♡♡♡♡♡♡♡
يارا: انا هروح اجيب ليلي من الحمام وهاجي لأنها كانت منهاره البنت دي ياعمر مش بتاعت مشاكل وبجد ربنا يستر من الصحافه انت عارفهم مابيصدقه يلاقوا حاجه تخص حد معروف زيك ويمسكه فيها وانت المره دي المشكله ماتخصكش ده تخص حد تاني وفي بهارات هتتحط حطيط نفسك..
عمر بمقاطعه: يارا انا مش عاوز كلام كتير خلاص اللي حصل وبعدين مشاكل ايه اللي دخلتها فيها انا دفعت عنها
يارا بإستغراب: انت مش عاجبني بجد ياعمر باقي لك فتره ومابقتش فهماك ده انت دماغك توزن بلد وبتحسب كل خطوه ايه التهور اللي انت فيه ده
عمر بعصبيه: يارا
يارا: اهو انت كده لما مايعجبكش الكلام تتعصب بس انا عارفه اللي هيحصل
سبيته يارا ومشيت وكلامها لسه بيتردد في ودانه انه من امتي كان متهور بشكل ده من امتي وهو أناني وبيفكر في نفسه وليه للحظه مافكرش فيها وفكر في شعوره وغيرته هو ومافكرش انها ممكن تتأذي بسببه دخلت يارا الحمام لقيت ليلي واقفه مستنايها ودموعها بتنزل وايدها بتترعش مسكتها يارا وحضنتها: ششش اهدي يابنتي مافيش حاجه
ليلي : انا آسفه بجد جيت قلبتلكم الدنيا
يارا بإبتسامه: هو من ناحية قلبتي الدنيا فعلا بس قلبتيها بجمالك يلا اغسلي وشك علشان نمشي
هزت ليلي راسها: حاضر
يارا مسكت تليفونها ترن علي مازن واخيرا رد: انت فين يامتخلف انت
مازن بتوتر : انا خرجت شويه بره المعرض بقضي كام حاجه كده خير
يارا: الدنيا مقلوبه هنا وحصل مشكله بين عمر وحد من المعرض وكانت خناقه كبيره والصحافه صورت وقعد ادور عليك أن الاقيك اختفيت
مازن بفضول: وايه السبب بقي
يارا ببرائه: مافيش شاف حد بيعاكس ليلي في العربيه راح شد معاه
مازن بشماته: والله لاء حمش اوي بقولك ايه سبيه بقي يشيل الليله بتاعته وبطلي تقفي له وتلمي وراه وكويس اصلا ان ماكنتش موجود
يارا بإستغراب: ايه ده ثواني انت بتتكلم كده ليه يامازن ومن امتي وانت بتتكلم بشكل ده اصلا علي عمر
مازن بسخريه: انتو اللي في ايه انتي وماما عاملينه تمثال ومحسسني انه ملاك وممنوع حد ينتقده ويطلعه غلطان وبقولك ايه بقي ماتشغلنيش بيه وكل شويه الحق عمر عمل كذا الحق عمر أصله حصله معرفش ايه انتو حرين مع بعض انا مش فاضلكم سلام
بصت يارا للموبايل وهي مصدومه : وده ايه حصله كمان استر يارب
ليلي : انا خلصت ممكن نخرج
أنت تقرأ
أحضان القلب
Lãng mạnتتحداها الحياة كل يوم وتصفعها عدة صفعات واحدة تلو الآخري ولكن مازلت صامدة أمامها بكل شجاعه فهل ستسحقها الحياه وتكون نهايتها ام سيبتسم لها القدر؟
