أحضان القلب

الفصل التاني

بسم الله الرحمن الرحيم اللهم صلي وسلم على نبينا محمد 🥰
..............................................
كمل عمر طريقه ووصل للمصنع وهو في حاله غضب وكبريائه أن لأول مره بنت تكسره وبيلوم نفسه انه ازاي ماردش عليها والفكره مسيطره عليه واتمني بس لو يلمحها او يقابلها تاني علشان ينتقم منها مسح علي وشه وبيحاول يهدي ودخل للمصنع وكان العاملين معظمهم شغال ومعظهم قاعد بيدخن وبيشرب قهوه ومش علي المكن بتاعهم وطبعا اتفاجأه بدخول عمر فكل واحد ساب اللي في ايده وقام بسرعه اتعصب عمر وقال بصوت عالي : ايه المهزله اللي شايفها دي فين المشرف بتاعكم
رد واحد من العمال وقال بخوف: استاذ مازن خرج ياخد بريك يافندم

رفع عمر حواجبه بإستغراب : بياخد ايه بريك

اتصل عمر عليه وحاول يختبره : ها يامازن فينك

مازن بكدب: انا في المصنع هكون فين

عمر بإستدراج: اه طيب والشغل عندك عامل ايه

مازن: كله تمام ماتقلقش

عمر بسخرية: لاء انا مش قلقان انا مرعوب صراحه وفجأه عمر زعق : انت مفكرني مختوم علي قفايا ايه الاستهتار اللي شايفه في المصنع ده ياعديم المسؤوليه اتفضل دقايق والاقيك قدامي

قفل عمر الموبايل في وشه ورمي مازن الموبايل بعصبيه : بقي انا عديم المسؤوليه ماشي ياعمر اظاهر ان سكتلك كتير تشخط وتنطر وديتك اكبر من حجمك

بص عمر للعمال وقال: وان شاءالله بسبب اللي شوفته النهارده ده انته مخصوم منكم يومين الظاهر ان دلعناكم ولقيته الحبل سايب اتفضله علي شغلكم
..................................................
وصلوا للفيلا وتالا سانده ليلي لأنها مش قادره تمشي كويس وقالت ليلي بعصبية: انسان حيوان أعمي معندهوش ذوق مش متربي قال هو اللي كان هيموتنا ويقولك في حد يخرج فجأه كده

ضحكت تالا: بس تعرفي كان مز اوي زي الممثلين بتوع التلفزيون جامد آخر حاجه

بصتلها ليلي بإستغراب: والله ؟ وايه تاني بقولك كنا هنموت وانتي تقولي لي مز وجامد

تالا: ماهو بصراحه انتي بهدلتيه والراجل ماتكلمش كان واقف متنح كأن سهم الله نزل عليه

ليلي: هو كان لسه شاف مني حاجه انا بس مكنتش قادره اتكلم اه بس لو اشوفه تاني هطبق في زمارة رقبته

تالا لفت نظرها الفيلا اللي واقفين قدامها وتاهت فيها : بصي يابت ياليلي ايه ده كله ايه الفخامه وايه الحراسه دي كلها ده ولا قصر عابدين ربنا يوعدنا

ليلي: ماشاء الله ربنا يبارك طيب يلا اتصلي علي يارا دي تطلع تاخدنا علشان ماتأخرش علي تيتا

تالا: سيبك سيبك هو احنا بنشوف الحاجات دي كل يوم وبعدين تيتا جيهان قاعده مع ماما ماتقلقيش عليها

ليلي: ماهو برضو في مواعيد علاج وحاجات لازم تتاخد ومامتك مش هتقدر الله يعينها هي هتاخد بالها من اخواتك ولا من تيته