#حكاية_وعد (4)
اول ما دخلوا الطريق دا زين بعد عن وعد وفك الشريطه اللي علي عينها واول ما فتحت عينها وبصت لاقت الطريق نور بأنوار كتيره اوي وكان منظر حلو اوي وفضلت تمشي وكل ما تمشي الأرض تنور من تحتها لحد ما وصلت لاخر الطريق وبتبص حواليها لاقت كميه ورد نازله من فوقها وشوكولاته كتيره اوي بالانواع ال هيا بتحبها ولاقت زين ظهر وقرب منها وقالها : حلوه مش كدا
وعد : اي حاجه منك حلوه
وبعد كدا مسك ايديها وقالها : وانا اعمل اي حاجه عشانك لحد ما ليان تيجي وانا مش هعبرك تاني اصلا
وعد ضحكت وقالت : كل دا عشاني
زين : ولو مش هيبقي عشانك هيبقي عشان مين
وعد : بجد انا مبسوطه اوي
زين ابتسم وقضو وقت حلو اوي مع بعض فالمكان دا وبعد كدا زين اخد وعد وروحوا وراحوا علي الڤيلا
نروح علي الڤيلا
"داخل اوضه تمام"
تمام كان رايح جاي فالاوضه
تمام : ما هو انا اكيد مش بحبها اكيد مش بحبها اومال انا حاسس ان في حاجه نقصاني لي
وبعد كدا فضل رايح جاي لحد ما زهق وراح قاعد علي كرسي المكتب بتاعوا وقال : اعرف اني بحبها ازاي طيب
وبعد كدا قام من مكانوا وطلع برا اوضتوا وراح لتميم وفتح الباب ودخل
تميم : اي ال جابك تاني
تمام : لو عايز تعرف انت بتحب حد ولا لا بتعرف ازاي
تميم : وانت بتسأل لي
تمام : وانت مال اهلك ما ترد وانت ساكت
تميم : لو متكلمتوش مثلا وانت ادايقت لو حصل حاجه وانت ادايقت بردو لو بتغير مثلا كدا يعني
تمام : اه ماشي
تميم : انت بتحب مين؟
تمام : ميخصكش
تميم : مش انت اخويا ف اكيد يخصني
تمام : كدا كدا مش مهم
تميم بثقه : ايسل صح
تمام : وانت عرفت منين
تميم : عشان هيا جت وقالت انكوا مبتتكلموش وقالت السبب كمان
تمام : بس انا مش بحب ايسل ومش هحبها
تميم : ما انا عارف
تمام : طب كويس ان انت عارف
وبعدها سابوا ومشيَ وطلع برا الاوضه ودخل اوضتوا من تاني
تمام في نفسو : في ما بينا رهان وانا مش هينفع احبها حتي لو حصل اي وانا متاكد اني مش بحبها ومش هحبها
وبعد كدا قعد علي المكتب من تاني وفضل يشغل نفسو ب اي حاجه وبعد شويه وقت باب اوضتوا خبط
