#حكاية_وعد (3)
"نهار يوم جديد"
وعد صحيت بدري ونزلت دخلت المطبخ عشان تحضر الفطار
وبدأت بتحضيرو ولاحظت إن في حد وقف جمبها وبيمد ايدو عشان يجيب حاجه من قدامها وعد بعدت وبصت وقالت : في اي
كريم : ناوليني الطبق دا كدا
وعد بعدت وقالت : اتفضل الطبق اهو روح خدو
وبعدت عن المكان دا وراحت وقفت وبدأت تجهز الفطار
كريم : متغيره معايا لي
وعد مردتش
كريم : انا بكلمك
وعد : وانا من امتي مش هبقي متغيره معاك ولي اتكلم معاك عادي اصلا انا مالي بيك انت متعتبرش حاجه ليا غير انك جوز اخت جوزي وانا بحب زين ومش عايزه اخسرو لاي سبب من الأسباب
كريم : حبتيه امتي وعرفتي تنسيني اصلا امتي
وعد : دي اكيد حاجه متخصكش واظن انت كمان بتحب حسناء اوي وانا بحب زين وهيا كدا خلصت ما بينا ومن زمان اوي من ساعت ما انت كت بتشفق عليا عشان بنت عمك
كريم : اي الطريقه ال بتتكلمي بيها دي يا وعد
وعد : طريقتي وعجباني ويلا بقي معطلكش ورايا حاجات كتير اعملها
وبدأت في تحضير باقي الفطار وخلصت وطلعت وحطت الفطار وجهزت كل حاجه
وبعدها طلعت علي اوضتها هيا وزين
وفتحت الباب ودخلت
وقربت منو وهوا كان نايم حطت ايديها علي شعرو وبصتلو بهدوء وبعدها مع لمساتها لشعرو زين فتح عينو وبصلها وقال : دا احلي صباح الخير والله
وعد ابتسمت وقالت : يلا عشان تفطر وتنزل الشركه بقالك كتير مروحتش
زين : هنزل واسيبك ازاي
وعد : متخافش انا بقيت زي الفل
زين : طيب ماشي
وقام ودخل خد شاور وطلع تاني ولبس ونزلوا سوا
وتميم وتمام ومديحه واسماعيل وايسل وكلهم نزلوا
وكريم كان قاعد علي السفره مستنيهم
وبعد كدا كلهم قعدوا وبدائوا ياكلوا
وبعد شويه وقت
زين قام واستأذن منهم عشان يمشي
زين : تعالي يا تمام اوصلك ف طريقي
تمام : لا لا هروح انا
زين : طيب ماشي
وبعدها زين طلع وساق عربيتو وراح علي الشركه
وتمام قام وطلع برا الڤيلا وكان لسه هيسوق
ايسل فتحت الباب وقعدت جمبو
تمام ببرود : اخرجي تاني
ايسل : مش هتوصلني
