" ليتنا تقابلنا زمان كان صار حبك اسهل "

٤

بداية السالفه يوم كان عمري ١٠ سنين
فلاش باك قبل ١٠ سنوات
كان الجد والجده وجنى وشريفه وبناتها نايمين عند أبوهم وبيوم قرر الجد ياخذهم للخيمه (الي لقو بها يوسف يوم يضيع) وراحو الخيمه وكان بالليل وكأنو متجمعين حول النار جنى : جدي
الجد :عيوني يابعدي
جنى : عادي تقول قصه حلو قصصك
الجد : تبشرين
وبدا يقولهم القصه :وجلست تدور امها يمين ويسار مالقتها وحست في احد وراها و...
جنى : وايش جدي
الجد بصوت عالي : ولفت عليه وهجم عليها
وكلهم صارخو من الخوف ضحك الجد عليهم رقيه : بس عاد يابوعبدالله خلاص خرعت البزارين
جنى : جدي قول قصص بس ماتخوف خرعت قلبي
الجد : اسم الله على قلبك ياحبيبت جدك
ضحكو من دلع الجد لجنى وبعد فتره توجه الكل ينام وبصباح قامو الجده وجنى رقيه : جنى روحي قومي جدك
جنى : ابشري وراحت جنى لم الخيمه الي نايم بها الجد ودخلت عليه بشويش وتقدمت تقبله من خده : جدي قوم يلا الغداء
وماكان في أجابه من الجد وعادت كلامها جنى ولا فيه رد استغربت لان نوم جدها خفيف وهزته بس برضو مايقوم خافت عليه وبدت تهزه زياده عشان يقوم بس مافيه استجابه بدت تبكي : جدي تكفى رد علي تكفى وماكان في استجابه راحت تركض طلعت برا الخيمه وبعدت مره وصقعة وطاعت وجلست تصيح زياده وبعد فتره بدت الشمس تغرب وماتدري وش تسوي ترجع ولا ايش بس بدت تسمع صوت ذيب وخافت ورجعت وماشافت ان فيه احد من امها او جدتها بس شافت ابوها وهو واقف مع خوالها وتج جنبه : يبه
لف عليها يوم سمع صوتها وحضنها على طول: وينك خرعتينا عليك
بدت تبكي : رحت أقوم جدي ماكان يرد علي مادري شفيه
أبوها : جدك راح للي احسن مننا
وبدت تبكي زياده بعد عنها أبوها : لازم نروح البيت امك خايفه عليك وامسحي دموعك طيب هزت راسها ومسحت دموعها وراحو البيت ودخلو المجلس شافت امها الي تبكي هي وجدتها واخواتها وكل الي موجودين جنى : ماما لفت عليها شريفه الي كانت تبكي وتقدمت تحضنها وبعدت عنها : بسم الله عليك وين كنتي فيك شيء انتي بخير
جنى بكت زياده : ابي جدي
قامت رقيه بعصبيه : وين كنتي هاه مو قلتلك قومي جدك هاه تكلمي
ناطرتها جنى الي كانت تصيح وبكت اكثر مع شهقات وكملت كلامها رقيه : لو جيتي وقلتيلنا ماكان صار الي صار كلو بسببك ياغبيه لو معلمتنا كان انقذنا جدك