الطَـسَـم والدَعجـاء

- بارت اضافي - بَدِر الدُجى

الكاتبة أَمارِلَّس
البارت الاضافي

• بدر الدُجى

وحرفياً
كلنا منصدمين من حمزة حتا احمد تعارك ويا اكثر من مرة يگلة هية رايدتة شعليك انتَ بس هوَ قافل

باوعلي بنظرة اخيـرة وگال
بحر:- استودعتچ الله، يا راحتي وامل روحـي.

و طِلع من البيـت، حمزة يباوع بوجهي ينتظر مني كلمة عفتة و دخلت للغـرفة

ايـام حالتي حـالة ليش انكر؟ حبيتة
عجزت افهم حمزة ليش رافضة الاعذار الي ينطيها اقبح من رفضـة

كُل يوم ادخل على حسـابة بالانسـتا
وكأنُ اريد اتطمن عليَّ چـان حـاط صورة لـ عينة
و كاتب شعر يمها

منين نجَيب مثلك
حتى ننساك
ومنِو يعوض مكانك لو خِسرناك ؟

اخـذت سكرين للـصورة و خرجت من الانستـا دفنت راسي بالمخـدة و ابچي بـ حيرة

انتهـينا قبل لا نبـدي

التعب اخذ ثلثين حيلي تعـبت بـ اكثر فتـرة ماريسا چانت تحتاجني بيهـا لـ درجة أجلـت عرسها

بدر الدُجى:- عيب من زمان ينتـظرون

ماريسا:- تحلمين اتزوج اذا ماترجعين توگفين على حيـلچ العـرس يتعوض بس ماگدر اخليـچ ورة ظهري وانتِ بـ هيچ وضع

فقـدت رغبتـي بـ الكلام اخواني و اختي وحتا زمزم لاحـظت تغييري تحـاول تجيني بالليل تغيرلي جو ابقى صافنـة بوجهـة و تروح

و بيـوم چنت افتـر بالمطبخ اسـوي گهـوة فـات حمزة ما عبـرتة بعد ما چنت من يجـي من دوامة اگلة
:- الله يساعدك، الله يهون عليك، اصبلك غدة، تريد مي

فـقد كُل هـذني بسبب همجيـتة لزمني من زندي ودارني عليَّ
حمزة:- شوكت تبـطلين سوالفچ هاي

اتجـاهلتة و درت وجهي اكمل بيهـا صرخ بية
حمزة:- بدر الدُجى لا تتجاهلينن كُل هذاااا علموددد بَحر؟

انـداريت عليَّ وحچيت بـ جدية
بدر الدُجى:- بـس اسئلك سؤال؟

ضـل يباوع بعيوني بدون مايحچي كلمة
بدر الدُجى:- من حبيت، احد منة وگف بـطريقك؟ بيـوم جيت وگلتلنا رايـد زمزم بـالحلال احـد اعترض؟ واحنا چنة نـدري بيك تحبها؟ ليـش تقبلها الك وماتقبلها لـ غيرك؟ الله شـاهد عليَّ ما سوة شي غلـط ويـاي و اكثـر من مرة گال اجـي اخطب واني مـعاندة رُغم چنت احبة بس گلت عادي الحگ دراستي اهم شي مو وقت كل هذني، چنت واثقـة من أنُ احنا راح نصـير سوا لأن اعرف تفكيرك وكلامك بـس شوف الصار؟ هاي نتيجة ثقتي الزايـدة بيك، الحُب لا عيب و لا حرام مدام بـالحلال كُلكم تدورون الحلال بس من تصـير صدگ تضـلون تبيعون شـرفيات واذا حبني؟ انتَ مو حبيت؟