سُكان القصر

البارت الأول ( القصر )

في أحدي الكافيهات في القاهرة نري بعض الشباب وهم يجلسون يتداولون أطراف الحديث لتردف هي فجأة " لقيتها !! "

أردف الجميع بأستغراب " هي إيه دي يا خدوج ؟ "

أردفت المدعوة خدوج بحماس " أسمعوا كده ، قصر مهجور منذ سنين تكثر حوله الشائعات والأساطير لا يجرئ أحد علي دخوله وأستكشافه من الداخل حتى الآن .

أردفت أبرار بأستغراب " وده معناه إيه ؟ "

خدوج بحماس أكبر " يعني مغامرة جديدة ده غير أننا لو عرفنا سر القصر ده مقولكوش علي الشهرة اللي هنبقي فيها ، ها إيه رأيكم ؟ "

أردف عمار بتشنج " وأحنا لو متنا جوة القصر ده حد هيلحقنا ولا هيعرفوا حاجه عننا أصلاً . "

زياد " قولها بالله عليك ، قال مغامرة قال . "

أبرار " طب والله هتبقي مغامرة جامدة فعلاً ، مش هيحصل حاجه يعني . "

خدوج " بالظبط ولو حصل حاجه هنخرج بسرعة مش حوار يعني ، ها !؟ "

زياد " مش عارف ... ماشي خلاص  معاكم وربنا يستر . "

أردف عمار وهو يلتهم شطيرته " مع نفسكم ، وأهو حتى يبقي فاضل حد يدعيلكم بعد ما تتكلوا . "

خدوج " يعني مش هتيجي ؟ "

عمار " علي جثتي . "

_____________

ذهبت خدوج إلي منزلها بعد توديع أصدقاءها وأتفاقهم بأن يلتقوا  في مساء الغد للذهاب إلي القصر ، جلست خدوج علي أريكتها وهي تفتح الحاسوب لتبحث أكثر عن هذا القصر حتى تجمع كافة المعلومات عنه لتسمع فجأة صوت أرتطام شئ لتجد صورة والدها ووالدتها ملقاه علي الأرض لتقوم بإعادتها كما كانت ، لتدعوا لهم بالرحمة وتذهب لتخلد إلي النوم ........

<< يُتْبَعْ >>