في احضان الـضّرام

بـارت 6

. بـِسم الله الرحمن الرحيم .
==============================

رفل ـ

باجر العقد واني ماريد اروح بس هيا لحت عليه

هيا: حاولي حتى تنسي وتتخطي بعد هاهيه طَلعي من بالج وروحي تحضري وكشخي وهسه كلها حتسألج شنو تكلين الهم ها؟ ماكدر اشوفه وي غيري لو شنو فهمين؟

ـ فكرت بكلامها زين وقررت اروح وابعد من بالي واتجاهله

ـ كعدنه الصبح وبدينه بالترتيب والبيت هوسه وجوي عمام جلال، واني مالي واهس بكلشي حرفياً مر الوكت وصعدنه نتحضر طلعت فستان بيجي مستور اخذته من ايدي لُجين ونطتني واحد منها وجبرني البسه ولبسته جان فُستان وردي فاتح وضاب ع الجسم ودلعه ع شكل مربع وكلش بسيط وهادى حطتلي هيا مكياج خفيف وشعري عفته نازل ..

لُجين: ها بنات شوفونيييي شلوني؟

توليا: طالعه تضوين ضَوي

لُجين: حبيبي انت التضوي والله

ـ لُجين لبست فستان احمر فوك الرگبه وكلش ضاب ع جسمها وبـارز مَفاتنها وخيوط نازلات ع الكتف ع شكل كرستال وحُمره حَمر ماشاءلله صدك طالعه تضوي ..

ـ توليـا ـ
جا يوم العَقد ولبست فُستان نـِيلي ع طول جسمي وبي فَتحه لحد الرگُبه وحمالاته مثل الخيط ينشد ع الكتف ومن ورا يبين نص ضهري جانت الحركة اكثرها من ورا فـَرفعت شعري كعكة ونزلات كم خصله ومكياج مو كلش قوي وسويت مكس بألون الحُمر لما طلع لون حلو واخر شي ترست نفسي عطر ولبست البشت ونزلت ركض لان بدو يطلعون ..

ـ توزعنة ع السيارات واني رحت ويا اهلي وجوي ويانه هيا ورفل، وصلنه البيت العروس وبيتهم طبيعي مثل اي بيت، استقبلونه ودخلنه لجوه ونزعنه البشتات ع كولت سوسو راح التستر، دخلنه للصاله جانت العروس جايبه كوشة وراحت يمها لُجين تحجي وياها وعقد الهم الشيخ وتم كلشي ع خير وتعالت الهلاهل والهوسات طلعو اغاني واني بديت اتمايل وامي تباوعلي وتخز بيه من بعيد جتي لُجين بنصهن وماقصرت وكل شوي عمة تعيط بيها اني بعدني مستحيه ومناك امي تخزر جرتنه لُجين اني والبنات واحنا بس نصفك ونتمايل عاد اني مااتحملت وركص بس ركص خفيف يعني ورا شوي كالو رح يلبسها الذهب رحنه تسترنه وكفنه دخل جلال وجان طالع يجنن والكاع مسايعته من الفرحه لبسها الذهب وركصو سويا وطلع، ورفل عيونها مدمعه وتبتسم بس هي داخلها مو هيج ابداً ..

هيا ـ
واكفه يمها واباع الها شلون تباوع عليه وهو يبوسها براسها ويضحك الها وركصو سويا وهي مدمعه لزمت ايدي وهمست

رفل: هيا طلعيني بعد ماكدر

ـ اخذت ايدها وطلعتها من يمهم ودخلتها بغرفه فارغة حضنتها وهي نزلت دموعها اوفف يا رفل اوف شلون وياج انعل ابو هيج حُـب

رفل: ماكدر هيا والله احبـه

هيا: اش اش لحد يسمعج شو باعيلي