في احضان الـضّرام

بـارت 1

[ بـسمِ الله الرحمـَن الرحَـيـﻤ ]
___________________________

● ڪرڪوك ـ سـاعة 1 ظُهرا

مَيسون: لولييي لولي يلا ماما كعدي 

توليـا: ها ماما شبيج

مَيسون: شبيه داكعدج موتني صارلي ساعه اصيح عليج ابوج رح يجي من دوامه وانتِ لهسه نايمة

تولـيا: اي اي ماما هسه شويه

ميسون: اخ منج بعد فلا اخليج تسهرين والتلفون اخذه منج بس نوم لا شغله ولاعمله

توليـا: اهوو ماما يعني واحد خلص امتحانات ويرتاح وين يروح غير يشبع نومم

ميسون: مو صار اسبوعين من خلصتي ماشبعتي،و يلا كومي غسلي حتى يجي ابوج وناكُل

توليـا: راحت امي وكمت غسلت وعزلت فراشي وصليت الظهر ونزلت رحت للمطبخ شربت مَي وكعدت صافنه هاي الصفنه لازم ورا الكعده من النوم اصفنها ع صفنتي وجا بابا ابتسمت ورحت عليه

كمال: هلا هلا هاي منو اليوم كاعد من وكت

توليـا: ههههههههه هاي شنو بابا قابل اول مره

كمال: اي صار هواي مماكله ويانه نسأل عليج نايمة شنو متشبعين نوم

توليـا: تدلل حبيبييي بعد كُله اكل وياكم،و
الشي الوحيد الماشبع منه هو النوم

ـ كملت ماما صلاة وجَتي سلمت ع بابا وباسها من خدها طبعاً هاي بكُل مره هيج شكد احبهم ياااالله واحب حبهم لبعض دائما ادعي احصل هيج زَوج مثل بابا بالمستقبل، حنون، وطيب، ولطيف ومسالم ماكو انقى منا ابد راح بابا يبدل واني وماما بدينه نحضر الاكل.

ـ بَـغداد

كعدنا بالحديقة وسوينه عصريه ودائما كُل ما نلتم اني والبنات نخلي بيبي تحجيلنه قُصتها هي وجدو لازم لازم 

سليمة: اني من جنت شابه بعدين بداية العشرينات جنت احب جدجن وهو هم يحبني وجنته نتشاوف وكت الزرع بالختله نخاف لاحد يشوفنه واحنا بوكتنا جان فتانه ونقل حجي ااوه ميخلصن وكال كم يوم اجيب اهلي واتقدملج لما بيوم صارت عداوة ومشكلة بين اهلي واهل جدجن علمود شغل بالفلاحه ودخلت شيوخ وفضت السالفه بس جان اكو كره بيهن اسمع من اهلي واني هنا كلت هاهيه بعد مالنه نصيب ومَر على السالفه شهر ونص واني مادري بأخبار جدجن لما بيوم جا تقدملي وابوية بسرعه رفضه وبقى يتقدملي لحد ماشرطو عليه مهر كُلش غالي جان بوكتنه ولعنده هيج يعني متمكن وهو بسرعه موافق وعاد هم قنعوا وصار كلشي ع خير

هَيا: بيبي شنو هاي شو بيها نقص مو مثل كل مرة كل مره احداث هواي

سليمة: كومي من يمي ولج هلكت لو اكوملج بالعودة

رَفل: اي بيبي صدك ليش هيج ها تضحكين علينه

لُجين: بيبي اكلج شي بس متضوجين