في احضان الـضّرام

بـارت 5

. بِسم الله الرحمن الرحيم .
••••••••••••••••••••••••••••••••••••••••••••••••••

رَفل ـ
كعدت الضهر ساعة 12 غسلت وبدلت ملابسي ونزلت يمهم جانو ملتمين بالصاله والولد بالشغل

قاسم: تعالي حبيبتي شبيج كالن البنيات مريضه

رفل: مابيه شي جدو بس معدتي داتخربط

قاسم: نوديج للمستشفى

رفل: لاجدو شسالفه هسه تصير زينة

قاسم: ان شاءلله بنيتي

ـ جوي الولد وحضرنه الغداء وتغدينه
ومر الوكت وجا جلال اخذ بيبي وعماتي وامي حتى يرحن ع اهل البنيه يخطبوها الـه ..
شافته بيبي وصارت تهوسله وكلهم فرحانين اله ، ابتسمت وبداخلي شي غير الابتسامه ماريده يتزوج بس هذا هم حياته وهو يختار شريك حياته ماكول غير بس الله يوفقهم ويهنيهم ويطلعه من كلبي ومن بالي ..

ـ لُجين ـ
واكفين بالصاله والفرح مالي البيت واخيرا جلال رح يتزوج الاختارها كلبـه صافنه عليه واشوفه شلون فرحان وخجلان من بيبي تهوسله، التفتت براسي وشفت رفـه احسها من ع بعضها وصايره هواي تصفن وتفكر قلقتني بهاي الايام شافتني اباوع الها ابتسمتلي وكامت صعدت فوك، اوفف يارفل شبيج بس لو تكليلي
راحن لبيت البنيه ورا مُده رجعن وجنا كاعدات كلنه بالصاله ..

لُجين: هابيبي ها بشري

سليمة: اخخ يمه ولج انطيني مَي

لُجين: شبيجن جيتن مكرمات

سليمة: رح اكوم اكسرج امشي جيبيلي سمم

لُجين: اي اي اوكفي

ـ رحت جبتلهن مي عبالك جانن بسباق وسوسو مبين ماعاجبها

سليمة: شو اني ماحبيتها للبنيه

هيا: ليش شبيها

سليمة: تتنعوص وعدها غرور ومارتاحيتلها

لُجين: اي وهسه شصار شكالو

تقوى: امها كالت نشوف ابوها وردالكم الخبر ونحدد يوم العقد وكلشي

تولـيا: عمه شلونها هي

سليمة: والله هو احلى منها

مَيسون: هههه بعد هاهيه ماطول هو اختارها

تقوى: كلبه هواها وحبها بعد حتى عيوبها ميشوفهن

منال: هو ذابح روحه عليها هههه الله يخليهم

هـيا ـ
يسألن البنات ويحجن واني بالي مو وياهن بالي يم ذيج الي تحاول متبين كسرتها ودموعها وتبين ماهامها الموضوع.

منال: هاي يمه رفه شبيج

رفل: مابيه بس تعبت شوي حصعد ارتاح

منال: روحي يمه