في احضان الـضّرام

بـارت 2

< بسم الله الرحمن الرحيم >

><><><><><><><><><><><><><><><><

رفـل: هيـا، لُجين يلا ڪومن دنحضر لاستقبال عمو كمال

هَـيا: ليش هم شوكت يجون

رفـل: جدو كال باجر ويلا كومن عاد دنحضر الهُم الغرف ونعزل البيت

لُجين: هسه هم باجر يجون شعدنه من الصبح نعزل خليها بـاليل

رفـل: ياصبح هذا عيني رح تصير بـ1 كومننن

لُجين: اوفف كمنت كمنه

ـ كامن يغسلن واني نزلت جوه دنحضر الغده وجنت بالمُطبخ ودخلو علي وجلال

جَـلال: سـَلام

رفـل: هلا

علي: ها رفـه شمَسوين غده

رفـل: ها ابو بـطن مسوين برياني وتـَشريب

علي: الله الاكله المُـفضلة

ـ كال هيج ودخل للصـالة وبـُقى بس جلال جان لازم تلفونه ومبتسم ورايح بغير عَالم

اهخ ياجلال، جلال حـُب الطفولة وحُب المُـراهقه كلت يمكن يكون حُـب عابر ويـنسي ويا الوكت بس ابد ماتوقعت رح احبه طول العُـمر وماشوف غيره، وهو كلامه وياي كُلش قليل وقليل نتشاوف بس اني اني المتعذبـه الحُب من طرف واحد كُلش صعب ويقهر ومتعرف التحبه يبادلك نَفس المشاعر لو لا او يمكن تعرف مَيبادلك بس تقنع نفسك .

ـ فزيت من تفكيري ع صوت لَجه وجان جلال طالع من المطبخ، كالت وهي تتغمز:

لُجين: هااا العاشكةةة بـمنو داتفكرين؟

رفـل: يا زربـ ـه يا عاشكة

لُجين: هههههههه

هَـيا: هاي بعدجن، يلا داينتظون الاكل رح يفحطون

لُجين: هاي عائلتنه طلعت كُلها ام بـَطن مو بس عليوي

علي: هاي منو ديحجي عليه

لُجين: اني عندك مانع

علي: هم تحجي الفاهية

لُجين: محـد غيرك الفاهي ابو بطن

علي: ماعندي بـَطن هاي انتِ عندج شوفي الرشاقة والعضلات يابه

ـ صار علي يحرك بعضلات ايده ويسويلها حركات

لُجين: فرحان بيهن هسه يطلعن نفخ هههههه

باع وعليها بصدمة وكال: لا والعباس مو نَفخ

ـ ضحكنه ع تعابير وجه وبدينه ننقل الاكل وكَعدنه نتغده ومَر اليوم عادي وجا الليل وبدينا نظف البيت ونحضر الغرف وخلصنه ورحنا كُبل للنوم

لُجين: اخخ يابه ايدي ماحس بيها

هَـيا: يمُه تكسرنا غرفتين وهيج