ဂုဏ်မြင့်သူရယ် (ဘာသာပြန်)

12

Unicode

ဂုဏ်မြင့်သူရယ်

အပိုင်း ၁၂

အိပ်ခန်းအတွင်းတွင်-

ယဲ့အန်းသည် နောက်ဆုံးစကားနှစ်ခွန်းကို ဖတ်ရှုပြီးနောက် ရေတစ်ငုံသောက်လိုက်သည်။ သူမ၏ အသက်ရှုသံအောက်တွင် ညည်းညူရင်း “ဒါက ဘယ်လိုမျိုး တေးသရုပ်ဖော် ဒိုင်ယာလော့မျိုးလဲ”

သူမ နားကြပ်ကို ချိန်ညှိပြီး ပြန်ဖွင့်သည့်ခလုတ်ကို နှိပ်လိုက်သည်။ အမှားရှာရန် နားထောင်ဖို့ ကြိုးစားနေစဥ် အလယ်တန်းတံခါးက ရုတ်တရက် ပွင့်သွားခဲ့သည်။

လှုပ်ရှားမှုသည် အတော်အတန်ကျယ်လောင်သည်။ အသံကို ယဲ့အန်း ကြားလိုက်သောအခါ သူမ လှည့်ကြည့်လိုက်ရာ၊ရှဲ့ရှောသည် အိမ်ထောင်ရေးဖောက်ပြန်မှုကိုလက်ပူးလက်ကျပ်မိသကဲ့သို့ ခက်ထန်သောအမူအရာဖြင့် တံခါးဝတွင် ရပ်နေသည်။

နားကြပ်များတွင်၊ သူမအသံသွင်းထားသော စကားစုများကို ပြန်ဖွင့်ထားသည် -

“…ငါ့ဗိုက်ထဲကကလေးက နင့်ကလေးမဟုတ်ဘူး နင်နဲ့လည်း မဆိုင်ဘူး။ ငါ့ကိုလာမရှာပါနဲ့တော့!"

ယဲ့အန်း - “……………………”

…အဲဒါကြီးက ဆိုးရွားလိုက်တာ။

လေထုသည် အေးခဲသွားသည်။

ယဲ့အန်းသည် ထိုလူ၏ နက်မှောင်သောအမူအရာကို စိုက်ကြည့်နေသည်။ သူမ ခေါင်းကို မိုးကြိုးထိမှန်သွားသလို ခံစားလိုက်ရပြီး ရင်တွင်း၌ ပူလောင်နေခဲ့သည်။

သူမ ပါးစပ်ကို ခက်ခက်ခဲခဲ ဖွင့်လိုက်သည်။

"ရှင်တို့ နှစ်ယောက်လုံး ဆွေးနွေးပြီးပြီလား"

     ……

တိတ်ဆိတ်နေသော အခန်းထဲတွင် အပ်ပြုတ်ကျသံကိုပင် ကြားနိုင်လောက်သည်။

ရှဲ့ရှောက စကားတစ်ခွန်းမှ မပြောဘဲ ရပ်နေကာ သူ့အမူအရာက မှုန်ကုပ်နေသည်။ သူ့ခန္ဓာကိုယ်က အမှန်တကယ်လှည့်စားခံလိုက်ရသကဲ့သို့ အေးစက်သောလေထုကို ထုတ်လွှတ်လိုက်သည်။

အရှက်တရားမှ ရုန်းထွက်ရန် အချိန်အတော်ယူလိုက်ရသည်။ ရှင်းပြရန် သူမကိုယ်သူမ ကြိုးစား၍ တွန်းအားပေးလိုက်ရသည်။"ကျွန်မက အသံသွင်းနေတာပါ၊ ဒီစကားစုက ဇာတ်ညွှန်းထဲမှာပါတာ..."