توقعت قلبي مسكر طلعتي مفتاح قلبي

3

سمعو صوت من الدوانيه و استغربو الان الكل نايم راح يشوفون منو هاذا و طلع عوض بس هم عالبالهم حرامي
ساره : يبنات شكله حرامي
سلوى : زين شنسوي
سلمى : سهله نهدده و نخليه يطلع برا البيت و نصير ابطال
ساره : انتي صاحيه عالبالج بيقول خوفتوني و يطلع بيخطفج معاه
سلمى : زين ها شنسوي
سلوى : نصعد و نقول لهم في حرامي
ساره : نايمين كلهم و حتى لو قعدناهم رح نتأخر ندور الغرفه و نقعده و نفهمه الحرامي بيروح و هو سارق كلشي
سلوى : بس شرايكم نطقه
سلمى : شلون واضح عليه قوي
ساره : بناتت
سلمو و سلوى ها
ساره : جتني فكره نجيب المقلاة و نطقه على راسه مثل ماسوت ربانزل
سلمى : زين و اذا ماصار فيه شي
ساره : اسمعو الخطه انا بروح المطبخ بجيب المقلا و ادخل شوي شوي و اطقه و سلمى انتي جيبي كيس عشان تخنيقنه
سلوى وانا
ساره : اكيد ما انساج انتي سلاوي شلون انساج
انتي تشوفين اذا انتبه علينا تصارخين فهمتي ؟
اي فهمت تمام
راحو المطبخ و ساره تدور المقلا و سلمى تدور كيس و سلوى قاعد بالكرسي الي بالمطبخ
ساره : سلوى قومي دوري معانا
سلوى : ها دقيقه بروح الحمام ( يكرم القارئ )
————
بمكان ثاني عند عوض
يكلم نفسه ( يربي في صوت بالمطبخ لا يكون حرامي ) و طلع من الدوانيه اخذ عصايه و راح بشوي شوي للمطبخ و دخل و طلعت بوجه سلوى و صارخت و جت ساره بتهبده بالصحن الي يمسكه و يقول عوض منو انتو و ليش تبون تطقوني
ساره : منو انت وليش ماسك عصايه تبي تطقنا ؟
عوض : لا عالبالي حرامي ليش قاعدين للحين
ساره : مالك شغل ، و حتى حنا عالبالنا حرامي
عوض يضحك حرامي بالداونيه يتقهوى ؟ شنو هاذا الحرامي المروق
سلمى : حرامي بالمطبخ ؟ ليش جاي من بيته جوعان
عوض : يمكن
ساره : اقول اذلف خوفتنا عالبالنا حرامي و كانت حالتنا حاله يلا بنات نروح فوق ، وحنا بالدرج اتصل تلفون ساره وكان المطعم يقول انا برا قل تمام الحين يجي ، بنات المطعم برا منو يجيبه شلون نفتح الباب بيكون واضح لعمي ان الباب انفتح
سلوى : بنات عندي فكره نسوي مثل ربانزل لما تصعد امها الجبل
ساره : انتي صاحيه ؟ مارح يضبط طلبنا واجد و ثقيل مو خفيف
سلمى اي صح زين شرايكم وحد تعرف تتسلق و تجيب الطلب
ساره عجبتها الخطه و قالت خلاص انا مادامي الكبيره
سلمى و سلوى متأكده ؟
ساره : اي متأكده و مارح اضحي فيكم انتو تونزي المفضل
حضنوها و قالو يلا بسرعه لا يفصل علينا المندوب
تسلقت ساره و نزلت عن المندوب كان منصدم اخذت الطلب و قالت للبنات بنات شلون اصعد قالو تسلقي ساره : مااقدر و الي بأيدي و كان المندوب خليجي قال بساعدج حط الاكل فوق عند السور وحط ايده و طمرت ساره عند البنات و اخذت الاكل و قالت له مشكور ماقصرت قال ماسويت شي
و البنات مستانسين بينما مايدرون منو كان يراقبهم ....
——————————
توهم مستلمين طلب من كاف
الرئيس تمام خل عينك عليهم نبي .......
مجهول : تم رئيس و الي تبيه يصير بس يعني الحفيده المفضله له هي الهدف
الرئيس : اي بالضبط هي الهدف
——————————
عند البنات بغرفه ساره قعدو يتابعون فلم و ياكلون و يشربون
سلمى : بنات الكوكيز حده رهيب
ساره : اي يجننن
سلوى : خلاص الادمان الجديد و قعدو يضحكون ويسولفون
سلمى : انا بنام باي سارونه اشوفج باجر
سلوى : حتى انا بروح غرفتي بنام تصبحين على خير سوير
ساره : وانتي من اهله سلاوى
قامت و سوت سكن كير راحت تنام حست في احد يراقبها و توترت قامت سكرت كلشي بالغرفه بس للحين تحس بانه في احد يراقبها
تتكلم مع نفسها ( ساره مافي شي ليش احس في احد يراقبني بنزل تحت اشرب ماي )
—————————
عند بطلنا فيصل
للحين ما نام حس انه عطشان نزل تحت ياخذ ماي و دخل و شاف الملاك الي واقفه و ترجف و تشرب ماي و شعرها الطويل البني و جسمها المخصر قعد لحظات يتأملها بعدين استوعب على نفسه و قرب يمسكها يشوف شفيها و فزت خافت قال لاتخافين انا فيصل بعدين شفيج ترجفين تعبانه مريضه ؟ تبين اوديج المستشفى قالت لا مافيني شي بس احس في احد يراقبني بغرفتي
يمكن تتخيلين بعدين منو بيراقبج قالت لا في احد و مو قادره انام مع اني قويه و ما اخاف بس صج مو قادره انام و ماابي اقول للبنات و اخوفهم اعتبر نفسي اختهم الكبير و اهتم فيهم مابيهم يخافون و مايقدرون ينامون
فيصل : خلاص سارونه شرايج تروحين غرفتي تنامين فيها وانا انام بغرفتج
ساره : لا مايصير بعدين انت ما ترتاح
فيصل : شفيج انا مثل اخوج و الاخ يهتم الاخته
ساره : اقتنعت و حضنته و شكرته وراحت
اما هو كان منصدم من حضنها و حس بريحه عطرها الحلوه و شعرها عليه و كان واقف بمكانه يستوعب الحضن و ابتسم قال بنفسه ( هي لا يكون احبها لا مايصير انا قلت لها انا مثل اخوها ) و راح غرفتها ينام فيها و شافها ترتيبها الحلو و ريحة الغرفه و الفراش و نام و الابتسامه شاقه وجهه
عند ساره كانت مرتاحه بالنوم و ماحست بشي يراقبها
جا الصبح الساعه 7
قام بطلنا و هو مو مستوعب انه نام بسرير حب طفولته بس كان ينكر هاذا الحب كلم نفسه ( انا طلعت احبها لا مستحيل هي اختي و صديقتي مستحيل احبها و تذكر شكلها لما شافها بالمطبخ و ضحك ) قام راح غرفته شافها توها قعدت قالت له صباح الخير بينما هو كان يتأملها و سرحان بالملاك الي قدامه قالت مره ثانيه صباح الخيرر رد و قال صباح النور طلعت من غرفته راحت غرفتها و دخلت الحمام ( يكرم القارئ ) طلعت لبست نفنوف ابيض طويل ومخصر عليه فيونكات ورديه يجنن عليها و خلت شعرها ستريت بس اخذت منه شويه و حطت فيونكه ورديه و كان شكلها يجنن و حطت شوي ميكب بلاشر و مسكرا و حمرا طلعت من غرفتها شافت الصاله فيها العيال و البنات قالو البنات لها صباح الخير طالعه تجننين ردت عليهم صباح النور يقلبي انتو
بنات سلمى و سلوى عندكم ردو قالو لا بغرفهم قالت تمام شكراً و راحت غرفة سلوى دخلت و قالت سلاويي شافتها نايمه قعدتها و قالت بسرعه البسي قامت بسرعه و دخلت الحمام و لبست نفنوف اصفر و حطت مكياج
ساره راحت تقوم سلمى ولبست نفنوف عليه ورود بنفسجيه و حطته بشعرها ورده بنفسجيه و طلعو الثلاث للصاله و البنات قالو اوف شهالجمال
سلمى : اكيد حلوات مادام جدنا سعد
و ضحكو و العيال يطالعون جمالهم بعدين نزلو العيال و بعدهم البنات
عمتهم مشاعل نادت البنات و قالت بنات ترا اليوم كلنا العيال و البنات بسفره وحده قالو البنات افف ساره : عمه لازم كلنا بسفره ؟ العمه مشاعل : لازم يقلبي و كل وحده تسوي طبق سلمى انا بسوي سلطه سلوى انا بسوي شوربه لذيذهه ساره وانا بسوي جيز كيك لبعد الغدا ولولو ماتعرف راحت ترتب السفره و الاغراض و الصحون مع نوف
دخلو العيال المطبخ قالو متى تخلصون غدا جوعانين
ساره : يالمشافيح الغدا الساعه 1:30 شوفو الحين الساعه 12:36
لؤي : حنا مو مشافيح جوعانينن
ساره : فرقت يعني
فيصل : المهم خلكم شنو مسوين
سلوى انا سلطه سلمى انا شوربه ساره انا تاكو لبعد الغدا خالتي ساره و عمتي مشاعل مسوين عيش و لحم و دانه مسوي كرات بطاط
فيصل : شكله الاكل اليوم حلّوه خاصتاً التاكو الاني احبه يويلج ياساره اذا ما ضبطتيه
ساره : كل شي اسويه اضبطه معليك رح تاكل وانت مرتاح
فيصل : اي نشوف
الخاله ساره : مدام ساره مسويته اكيد حلو
بعد نص ساعه جهز الاكل
كلهم راحو طاوله الطعام و العاملات جابو الاكل حطوه بالطاولة
فاطمه : سارون روحي نادي ابوج و العيال كلهم
ساره : حاضر يمه
راحت ساره وكانت تركض و دعمت بشخص طويل و عملاق فالت اسفه و ماانتبهت منو هو و راحت تنادي العيال و الرجال
فيصل الي منصدم من الجسم الصغير الي دعم فيه و استوعب انها ساره و ابتسم و هو يضحك كل هاذا و ينكر حبها
كلهم اجتمعو بطاوله الطعام
اكلو و فيصل الي كانت عينه على ساره و يقول حتى و هي تاكل حلوه
ساره حست بنظرات فيصل و فيصل حس بنفسه و بعد نضراته
خلصو اكلو و راحو يتقهوون و ساره كانت مسوي جيز كيك ودتها لهم
و قالت بنفسها ( اذا ماعجبتهم بقول لهم من مطعم اذا عجبتهم بقول انا مسويتها ) و تضحك على نفسها اول مادخلت قالت هاذي جيزكيك انا مسويتها فضحت نفسها و حطتها و قصتها و اكلوها
الخال عبدالله: تسلم ايدج يبنت اختي و ضحك
ساره : خالي الكيكه فيها شي ليش تضحك ضحكه مريبه
الخال عبدالله: بالعكس حيل حلوه
ساره : شكراً
طلعو البنات راحو الصاله و مفروض كل العيال طالعين
نوف بنات شرايكم احط اغنيه مصريه
البنات قدامم
نوف حطت الاغنيه
حلا يالخايسه نوف الاغنيه وصخه و تضحك
نوف : احلى اغنيه مصريه هاذي
ساره : اي والله هاذي احلى اغنيه مصريه
اسماء : تعرفين ترقصين عليها
نوف : لا
ساره : عندي راحت ساره تشغل الاغنيه و ربطت شال بخصرها و صارت تهز و قامت سلوى معاه و الباقي يضحكون و يغنون مع الاغنيه و علت ساره صوتها و هي تقول
" اه لو لعبت يازهر و تبدلت الاحوال و ركبت اول موجه في
في سكة الاموال اه لو لعبت يازهر و تبدلت الاحوال و ركبت
اول موجه في سكة الاحوال"
و الكل يضحك راحت ساره عند المسجل غيرت الاغنيه و مايدرون عن الاشخاص الي يسمعوهم و هم يغنون:
علت صوتها ساره و هي تغني الاغنيه
" اللي باعني برحتو كان بتاع مصلحتو اللي باعني برحتو كان بتاع مصلحتو عالم اوباش هبيعكم كاش واللي جرحني جرحتو عيال ولاد
لئيمه عملت ليهم قيمه عيال ولاد لئيمه "
و ضحكو البنات

عند العيال كانو توهم راجعين تعبانين و هم صاعدين الدرج سمعو صوت البنات و الاغاني راحو يشوفون شنو في شافو البنات يغنون و يرقصون وفيصل الي طاحت عينه على ساره و يشوفها شلون تهز بكل مهاره استوعب على نفسه و اخذ العيال و راحو طول الوقت كانت ساره جايبه راسه