توقعت قلبي مسكر طلعتي مفتاح قلبي

5

يوم جديد مع بطلتنا
قامت ساره و قدامها سلوى تقعدها
ساره : نعمم شتبينن
سلوى : اسمعي شرايج نقنعهم نروح شاليه نغير جو ترا بنبدأ جامعه بعد
شهر لازم نروح الحين
ساره بغرور : يلا اوكي انا بقنعهم طبعاً الاني كنت المفضله لجدي الله يرحمه
سلوى : اي عشان جذي خلصي بسرعه وانزلي
ساره : خلاص تمام  ، قامت ساره للحمام ( يكرم القارئ) غسلت وجها
فرشت اسنانها و سوت سكن كير و طلعت تلبس لبست بدله ورديه و رابطه شعرها  ونزلت ( بينما كانت ناسيه سالفتها مع المجهول )
شافت الكل موجود و استغربت راحت الابوها
العم علي : هلا سارونتي تبين شي
ساره : بابا شرايكم نروح شاليه اليوم العصر
العم علي : بس تبين هاذا خلاص تم بقول لعمج عبدالعزيز يقول للكل
و بتصل على عمال ينظفون شاليهنا
ساره بحماس : شكراً بابا بروح اقول للبنات
العم علي : يعيال ترا اليوم بنروح شاليه
سيف : ليش شنو الطاري
العم علي : بنتي تبي و اذا قالت شي تم
سيف : شكلها الدلوعه
العم  علي : ها ترا سمعتك حدك عاد ، المهم اوكي كلنا بنروح 7 سيارات
العيال اوكي بنروح نجهز الاغراض
—————————
عند البنات
ساره بحماس : بناتتت قلت الابوي نبي شاليه و قال تم اليوم العصر بسرعه جهزو اغراضكم
سلوى : برافو عليج ياسوير
ساره : سلاوي تقول شي انا بس اقول تم
سلوى : يحضي فيج بس فديتج
سلمى : بنات خلصونا اجهزو
ساره راحت غرفتها سوت جنطتها الان بيقعدون اسبوع بالشاليه
ساره : خلصت جنطتي بروح بلبس طلعت لها قميص ضيق وردي 
وجينز غامج ولبست نظاره بيضا وحطت ماسكرا و بلشر و قلوس
سوت شعرها ويفي من تحت و خلصت نزلت  شافت دانه تساعد بالاغراض راحت تساعدها
ساره : دنون تبين مساعده
دانه : اييي احتاج
ساره : ابشري بساعدج ساعدتها و خلصو
العمه عيده : سارونه روحي نادي واحد من العيال يجي يشيل
الاغراض للسياره
ساره : مافي احد غيري ؟
العمه عيده : معليه عادي وكلهم خوانج
راحت ساره لدوانيه  شافت بندر و فيصل و محمد و سلطان نادتهم قالت يعيال تعالو عمتي عيده تقول ودو الاغراض السياره
محمد : و العامله شنو وضيفتها
ساره : اقول اسكت المساكين من الصبح يشتغلون و ينظفون البيت و سور اكلك و غسلوا المواعين
بندر : خلاص يلا عيال
فيصل الي كانت عينه بساره و جمالها بالوردي  و عصب بنفس الوقت
الان كان لبسها شوي ضيق و عروق يده كانت بارزه
قامو العيال شالو الاغراض للسياره
العم محمد : اسمعو كلكم توزيع السيارات جذي سياره للعاملات
و سياره الام ناصر و الام بندر و معاها بنتها دلال و عواطف و مشعل و خالد ( السياره كبيره حيل )
و سياره لسلمى و سلوى و دانه و ساره ولولو وفيصل وبندر
سياره لمحمد وخواله فلاح و زوجته و عياله 3 و الخال عبدالله
و سياره الاعمام
وسياره لزوجه الاعمام
و سياره لبناتهم
العم محمد : بس هاذا الترتيب يلا نحرك
كلهم ركبو السيارات
عند سياره البنات سلمى و سلوى و ساره ولولو و دانه وبندر و فيصل
بندر : جاهزين ؟ في شي ناسينه عشان نحرك
البنات : لا كل سي معانا
ساره : صج بندر في بطريق الخيران قهوه ؟
بندر : لا مااتوقع ليش تبين ؟
ساره : ماادري جذي مشتهيه قهوه تكفى بندوري
بندر : بمر لج ستاربكس اوكي
فيصل بضحك : اشوف بندر بسرعه وافقت
بندر : اكيد اوافق هاذي سارونه اختي شلون ارفض لها طلب
ساره بغرور : مايقدر يرفض الاخته طلب
سلوى : على طاري القهوه حتى انا ابي
ساره : تم
بندر : وصلنا شنو تبون
ساره : سبانش لاتيه
فيصل : كل يوم ابي قهوه يعنني عشان راسج اخر شي سبانش لاتيه
ساره : اي مالك دخل
دانه : خلاص توم وجيري انا ابي امريكانو
سلوى : ابي مثل سويرر
سلمى : وانا بعد
بندر : يعني ثلاث سبانش وواحد امريكانو ؟
البنات  : اي
فيصل بأستغراب  : لولو ماتبين
بندر : لا لولوه ماتحب القهوه
لولو : صح على بندر مااحب القهوه
جت القهوه و كل واحد شرب ووصلو الشاليه
ساره : دنون تعالي نشوف الغرف
سلوى : اح خنتيني ياساره و سحبتي علي
ساره جت حضنتها و مسكتها ايدها هي و سلمى و ركضو للغرف
اختارو شفه فيها خمس غرف كل وحده لها غرفه
البنات من التعب او نقول نص البيت نام بس بطلتنا ما نامت
نزلت عند شقه خالها فلاح
ساره : خالي قاعد
فلاح : اي قاعد شلون انام و مبتلش بصقر مو راضي ينام
ساره : عادي عطني ياه و نام انا مافيني نوم
فلاح : خلاص اوكي و اعطيج مكافأة
ساره بضحك : شنو هي
فلاح : لج جت سكي لحالج ( بق البحر للي ما يعرفه )
ساره : الله صج وناسهه بحط صقوري بعيني
راحت نزلت للصاله تحت شافت بروك واحمد يلعبون مسدسات راحت قعدت عندهم و لعبت صقور بالمسدسات
جت عامله صقر و قالت شكراً مدام ساره خلاص انا مافي شغل باخذ صقر يبدل و نوم
ساره : تمام اوكي باست خده و قالت باي تصبح على خير صقوري
بروكي زعل الان كان المحبوب عند ساره و حس بغيره
ساره : شفيك بروك
مبارك : مافيني شي بس انتو كلكم صرتو تحبون صقر وانا لا
احمد : يالبلشه ورع انت ؟
ساره : اقول لا تسوي نفسك كبير حتى انت ورع عمرك 10
احمد : بس ما ابجي
ساره : حبيبي بروكي انت احلى حفيد موجود و الكل يحبك اكثر من صقر
بس عشان صقر صغير و ما يبونه يبجي يعاملونه بلطف عرفت
مبارك : حضنها و قال احبج سارونه
ساره : وانا بروكي
مبارك : خلاص اوكي رضيت بروح بنام تعبت
ساره : يلا تصبح على خير
احمد : ساره شرايج تلعبين معاي مسدسات
ساره : تم عاد انا مهاره بالمسدس
احمد : نشوف و مد لها مسدس لعبه و صارو يلعبون و احمد راح تحت
الدرج عشان يصيبها و هي ماتدري
ساره : كانت بتروح للمر الي قدام الدرج وهي تشوف يمين و يسار
الا صدمت بواحد عملاق و كبير و طاحت لما طاحت شافت احمد تحت الدرج و قالت للي صدمت فيه اسفه و ماشافت وجهه
ساره طلقت الطلقه على احمد و قالت : مسكتك اخيراً
احمد : غش مفروض انا اطقج شلون شفتيني
ساره : رجولك كانت واضحه
احمد : اف خلاص شرايج نشرب ماي وبعد شوي نكمل
ساره : لا خلاص انا تعبت بروح برا اشوف البحر
بينما جاهله الي كان يطالعها و ما تحرك من مكانه من لما صدمت فيه
و راحت بطلتنا برا تشوف البحر و تمشي عنده
فيصل من بعيد يطالعها و كان يقرب لها : يربي شسوت فيني ساره
فيصل قرب كان يبي يخوفها
بس جات رساله لساره من المجهول غيرت ملامح وجها و لفت علطول و شافت فيصل
فيصل : يما شفيج و شلون عرفتي
ساره بتوتر : لا مافي شي و ما شفتك كنت بلف ادخل البيت
فيصل شك بالموضوع: اها اوكي بس في شي الان لما شفتي ايفونج
قلب وجهج
ساره بتوتر اكثر : ها لا مافي شي بس ( جت ببالها رفيجتها ) رفيجتي للحين ما قعدت من الغيبوبه و راحت علطول
ساره فتحت تلفونها مره ثانيه شافت الرساله و كبجرتها كانت مكبجره كل شي يرسله لها
كان مصورها هي و بالبحر و مبين فيصل وراها و كانت
( عالبالج رح اخليج ؟ مستحيل ) قعدت تبجي لين ما نامت
———————————
بالصبح قعدو كل البيت و سوو ريوق
عند بطلتنا
قامت من النوم تحاول تنسى الموضوع دخلت الحمام ( يكرم القارئ )
غسلت وجها و فرشت و سوا سكن كير طلعت لبست نفنوف اصفر و سوت تسريحه بشعرها و حطت فيونكه صغيره لونها اصفر و طلعت تشوف البنات ما لقتهم و شافت فيصل سألته وين البنات
فيصل : البنات تحت يسوون الريوق توهم
ساره : اها اجل بروح اساعدهم نزلت
دخلت المطبخ بنوتات صباح الخير
البنات : صباح النور
ساره : سلاوي شنو اسوي
سلوى : امم سوي الكرك
ساره : تم راحت تسوي الكرك و حرقت نفسها بالغلط
سلمى : سارونه انتبهي راحت ركض تمسح ايدها بماي و سلوى جابت ثلج
سلوى : سوير لازم تنتبهين
ساره : تمام عادي بس شويه و كملت تبي تسوي الكرك
سلوى : لا سارونه روحي ارتاحي ايدج تحرقج بعدين انا بسويه
ساره : حبيبتي سلاوي شكراً
سلوى : ماسويت شي سوير
راحت سلوى ترتب طاولة الطعام و حطو الاكل و الكل قعد
الخال عبدالله : سارونه شفيها ايدج
ساره : كنت اسوي الكرك و احترقت بالغلط
علي : مره ثانيه دربالج سارونتي
ساره : حاضر يبا
الخال فلاح : ترا اليوم بنركب جت سكي كل واحد معاها احد
الا سارونه لها واحد بروحها
كلهم : ليش
ساره بغرور : وعدني وشالت شعرها من وجها
فيصل يضحك على طريقه غرورها
كلهم ضحكو
فلاح : الساعه 5 كلنا برا عند البحر عشان نركب اوكي ؟
كلهم اوكي
————————————
جت الساعه 5 و البنات كلهم لبسو بدل بدال النفانيف
وناطرين الخال فلاح يجيب لهم جت سكي
جابهم وو وزعهم
ساره بروحها
فيصل و بندر
محمد و احمد
سلوى و دانه
لولو و سلمى
عايشه و اسماء
سلطان و وليد
و الباقي مايبون
عند ساره و هي بالبحر بروحها
الحين لو ضعت شنو بسوي و تضحك على نفسها
———————————
الهدف بروحها ارمي عليها ؟
الرئيس : اي و خلها تغرق
حاضر
——————————-
ساره وهي مستانسه ألأ فجأة تسمع طلقت مسدس على رجلها و ماقدرت تتحرك و كانت منهاره و غرقت الانه بعد طلق على جت سكي
سمعو العيال طلقه و عالبالهم واحده طلقها حق وناسه وجذي جت الساعه 7
الانهم اتفقو الساعه 7 يجون للشاليه كلهم جو ماعدا ساره سلوى راحت تدورها
سلوى : بناتت شفتو ساره ؟
البنات : لا ماشفناها
سلوى : تتوقعون صار لها شي
سلمى : يبنت خل نقول لخالي ركضو للخال فلاح
سلمى : خالي فلاح ساره ما جت يمكن ضيعت عادي تروح تشوفها
راح الخال دور ما لقاها و خافو اكثر و اتصلوا بالشرطه و جو الشرطه يدورون بالبحر شافوها غارقه و رجلها مصابه
الخال فلاح : لا مستحيل منو يطلق نار عليها
سلطان : ياخال حنا سمعنا صوت نار بس توقعنا بس جذي للوناسه
عصب الخال وودوها المستشفى و الكل متوتر كان بالمستشفى امها و ابوها و بندر و فلاح و فيصل متوترين ينطرون رد الدكتور الا يسمعون صوت الدكاتره ينادون دكاتره اكثر لين ما امتلت غرفه ساره دكاتره و طلع لهم الدكتور و قال بنتكم .........

التكمله بعد بكرا ...