توقعت قلبي مسكر طلعتي مفتاح قلبي

7

صباح يوم جديد مع بطلتنا
ساره قامت و دخلت الحمام ( يكرم القارئ ) و فرشت اسنانها
وسوت سكن كير و طلعت من الحمام راحت للكبت فتحته
لبست نفنوف صباحي و نزلت تشوف البنات و تساعدهم بالريوق
و اكلوا
ساره : ياعم بكرا الحفله صح
العم عبدالعزيز: اي ان شاء الله بكرا
ساره : بابا نبي نشتري نفنوف جديد لبكرا انا والبنات
علي : حاضر فيصل يوديكم
ساره : ليش فيصل
علي : مو  فاضي بندر ومحمد عندهم محاضره
ساره : تمام اجل بروح البس
سلوى : حتى انا بجي معاج اصبري
سلمى : يلا كل وحده تروح غرفتها و تلبس
عند ساره
طلعت لها بلوزه خضرا وسيعه  وجينز شوي ضيق  لونه ازرق على اخضر
و حطت على شعرها فيونكه و مفتوح نصه و سوت ميكب خفيف بلشر و مسكرا و تنت و طلعت للبنات
سلوى لابسه بنطلون ازرق و بلوزه بيضه : يلا بنات خلصتوا ؟
سلمى لابسه جينز وبلوزه سودا ضيقه : اي خلصنا انا بنزل
ساره : افا يالخاينه نسيتيني
سلمى : افا انا انساج انسى ونفسي ولا انتي
ساره عطتها قلب بأيدها
فيصل الي كان يشوفها : ياليت تعطيني هالقلب و راح يشغل السياره
سلوى : يلا بنات تعالو نطلع
ناديه : اصبرو بنات بجي معاكم
ساره : منو عزمها هالنشبه
سلوى : اسفين مافي مكان دانه ولولوه بيجون
ناديه : عادي اقعد قدام
سلمى : وين قاعدين انا بقعد اخوي
ناديه : عادي قريب يخطبني
ساره حست بغيره : تستهبلين وين يخطبج توج بزر عمرج 13
ناديه الي عصبت و راحت
لولو ودانه جو و ركبوا
فيصل : كلكم  موجودين
سلمى : اي
و راح السوق
نزلوا و كل وحده تدور لها النفنوف الي صنع الاجلها
ساره : بنات خلصت بنطركم بالكوفي هذاك
البنات : تمام
راحت و طلبت لها سبانش لاتيه و قعدت
جا ولد سألها اذا قاعده بروحها و قالت اي عالبالها بياخذ الكرسي الا يقعد
قامت ساره : خير خير وين قاعد
الولد : يزين المعصب مافي شي انتي قلتي ماحد قاعد معاج
ساره : لا في احد
الولد : منو وفجأه يجي فيصل (الانه دقت عليه سلوى و سألها متى تخلصون و قالت شوي ونخلص بس ساره خلصت قاعده بالكوفي )
فيصل : خير وين قاعدين
الولد : انت شكو
فيصل : شنو الي انا شكر انا خطيبها
ساره انصدمت و قربت بهمس لفيصل : من متى
فيصل بهمس : اسكتي بس عشان يروح
الولد : اي واضح عليكم و راح
فيصل : سوا لج شي ؟
ساره : لا وين يسويلي ترا حنا بكوفي
فيصل سحبها للسياره واتصل على سلوى : سلوى منو خلصت تجي بروح
البيت و ارد
سلوى : لولو وسلمى
فيصل : انا برا
عند سلوى
سلوى : بنات الي خلصت تروح برا فيصل بيرد البيت و يرجع لي
سلمى : خلاص انا و لولو بنروح و راحو
وصلوا البيت و راح فيصل لسلوى ودانه
سلوى: فيصل خلصنا انت وين
فيصل : قدام باب المول
سلوى : يلا حنا جايين
ركبوا
بالطريق فيصل مشغل اغنية ياثقل الوقت من دونك ويغني معاها
سلوى بضحك : اعترف تحب احد
فيصل : اي احب
سلوى بصدمه : ماتوقعت منو هي
فيصل : بس بعلمج شوفي دانه نايمه ؟
سلوى : اي نايمه
فيصل : انا احب ساره و مو بس احبها اعشقها كل شي فيها حلو
سلوى : من صجك
فيصل : اي ليش
سلوى : خليت الكل و اخذت سوير
فيصل : بتصير لي و اناديها سارونه
سلوى : لا انت مو طبيعي تحبها و كل يوم تضايقها وين الحب
و ثاني شي هي تعتبرك اخوها شلون؟
دانه الي كانت سامعه كل شي و تسوي نفسها نايمه
دانه : طلع عاشق طلع مهتم طلع ذايب طلع مشتاق و تضحك
فيصل : انتي صاحيه و ثاني شي مو كنتي نايمه
دانه : لا كنت اتصنع النوم عشان اشوف شنو تسولفون بدوني
فيصل : لا شكلج مو صاحيه
دانه : فيصل اخترت احلى و احسن البنات ساره احلى بنت انا شفتها
فيصل : اي شوفي سلوى تعلمي من اختج مو تحبطين امالي
سلوى :اوكي بس هاذي سوير تستاهل الي احسن منك
فيصل : شتقصدي يعني انا مو احسن رجال ؟
دانه : عاد بهاذي صح ساره ما شاء الله جمال و اخلاق تستاهل احسن شي
بس اهنيك على الاختيار البطل
فيصل : يعني تروحين تخطبينها لي ؟
سلوى : انتي تخطبها بدون لاتعرف مشاعرها يمكن تحب احد ثاني
فيصل :اي والله سلوى مادامج اقرب وحده لها تكفين شوفي اذا تحبني او لا
سلوى باستفزاز : ماادري اشوف
فيصل : اسوي لج كل شي تبينه لو اجيب لج قهوه يومياً
سلوى : تمممم
كملو الطريق وحط اغنيه و يغني معاها
{ ياناس شوفو الزين بعيون ساره من مثلها ياناس بالملح و الزين }
دانه : واضح تموت فيها تخيل لو ماتبيك وتحب احد ثاني
فيصل : رح اموت
وصلوا البيت و نزلو يحطون ملابسهم و نامو عشان بكرا العزيمه
بنص الليل دخلت ساره على سلوى
ساره : سلاويي الحقي
سلوى بنوم : ها شنو
ساره : دقيتي على الصالونه عشان باجر تجينا ؟
سلوى : لا
ساره : اجل منو دق
سلوى : يمكن دانه اتصلت
ساره : خلاص تمام وراحت نامت
————————
صباح يوم جديد عند بطلتنا
قامت و تسبحت و سوت سكين كير و لبست بدله حلوه للصبح وونزلت
تشوف الباقي
دخلت المطبخ شافت امها فاطمه
ساره : ماما صباح الخير
فاطمه : صباح النور
ساره : شنو تبيني اسوي
فاطمه : امم سوي الاجبان و روحي شوفي البنات اذا قعدوا
ساره : حاضر يما سوت الاجبان و هي رايحه بالدرج
شافت فيصل و توترت و واضح عليها
فيصل بنفسه سلوى لايكون قالت لها
صعدت وهو نازل
ساره زلقت ما كانت منتبهه من التوتر
فيصل مسكها من خصرها و قال انتبهي وراح
ساره الي حست بشعور ماتدري شلون
صعدت و شافت البنات يلبسون
ساره : بنات بسرعه البسو بسرعه ترا بس غدا و بعدها نتجهز للحفله
البنات : خلاص تمام نازلين
نزلو و تغدو ساره لاحظت نظرات فيصل لها و توترت و قامت
قالت خلاص انا شبعت
الخال عبدالله : وين سارونه ما اكلتي
ساره : لا انا شبعت و راحت تغسل و جا وراها فيصل و مسكها من خصرها
فيصل : صايره تتجنبيني واجد شمسوي انا
ساره : فيصل بعد و بعد قالت مالك دخل و راحت فوق لغرفتها
بنات في حلو يجنن بس هو محل لازم احد يوديني
دانه بأبتسامه : فيصل فاضي خليه يوديج تجيبينه للعزيمه
ساره : اف مافي الا هاذا المخيس
دانه بضحك: اي مافي الا المخيس
راحت قالت الامها و اتصلت على فيصل
فيصل : هلا ساره
ساره : فيصل ممكن توديني محل حلا
فيصل : زين ليش ما تطلبين
ساره : بس عندهم محل
فيصل : خلاص تمام انزلي انا بروح اشغل السياره
لبست ساره جينز و بلوزه خضرا شوي ضيقه و نزلت
و ركبت السياره ورا
فيصل : شنو تشوفيني سواق ؟ اقول اخلصي اركبي قدام
ساره : لا ماابي مرتاحه ورا
فيصل : اجل مرح احرك
ساره : افف النشبه و نزلت و ركبت قدام
فيصل : شنو الملابس هاذي
ساره : لي شفيها حلوه صح
فيصل : لا مو حلوه لا تلبسين جذي مره ثانيه
ساره: مالك شغل
وصلوا و جابوا الحلاو و راحو البيت
بالطريق فيصل مشغل اغاني عن اسم ساره و يغني معاها
ساره الي مو منتبها الاغنيه و تطالع الشارع و صلوا البيت و نزلوا فيصل
سحب ساره لمكان فاضي و حشرها بالطوفه
فيصل : انتي ماتفهمين
ساره بتوتر : افهم شنو و فيصل بعد
فيصل : الاغنيه بسياره عنج ياساره ساره انا احبج و اموت فيج
ساره منصدمه
فيصل : بتقدم لج توافقين
ساره دزته و قالت ماادري جرب و شوف
فيصل الي ضحك من حركتها و استانس حس انها تبيه
وراحت للبنات فوق تحاول تنسى الي صار قعدت تنطر الصالونه
جت و نادت البنات
ساره : بناتتت الصالونه جت
دانه : تمام انا اول وحده عشان بروح اجهز الصاله و كل شي
ساره : يلا تمام تعالي
سوت الصالونه لدانه و البنات و خلصت
البنات سلمى و سلوى و دانه و لولو بغرفه ساره ( الباقي بغرفهم )
يحطون مكياج
سلوى : بنات شنو احط حمره ؟
ساره : لون نفنوفج بنفسجي صح
سلوى : اي
ساره : اجل حطي نود
سلوى : تم
ساره : زين انا شنو احط
سلمى : بيطلع الاحمر عليج حريقهه
ساره : الله حبيتت اولع المكان
كلهم ضحكو
خلصوا كلهم
ساره لابسه نفنوف اسود قصيره من قدام و من ورا طويل و شوي ضيق
ومنفوش  شوي من قدام حاطه حمرا حمره و كعب احمر و شعرها مفتوح
و سلوى نفنوف بنفسجي طويل و ضيق و في فتحه سوي عند الرجل
وشعرها مفتوح
سلمى نفنوف قصير ازرق فاتح و كعب شفاف و مسويه شعرها كبه
لولو لابسه نفنوف وردي قصير بدون اكمام و لابسه كعب قصير ابيض
دانه لابسه نفنوف ابيض طويل و مفتوح من ورا وكلهم نزلوا الا ساره
قاعده تعدل حمرتها
نزلوا و شافوا العيال قدام الدرج
البنات منصدمين
سلمى بصراخ : يعيال روحوا بننزل مو لابسين شي يسترنا
العيال الي ما استوعبوا لين ما محمد دزهم و قال ما تسمعون
البنات دخلوا و سلموا على الحريم
عند ساره الي خلصت و بتنزل و كان شكلها يجنن بمعنى الكلمه
و راحت تنزل تقدمت نزلت من الدرج و الكل انبهر من جمالها
وجمال لبسها و شكلها ناظروها الحريم بصدمه ويهمسون
منو هاذي الحلوه بنت منو شحلاتها
بينما ام فيصل ابتسمت ابتسامه لساره و قالت اي هاذي سارونه السميه
و الحريم يتهامسون عن جمال ساره
و البنات قاعدين
سلوى : شوفيهم شكلهم بيعطونج عين
ساره : مو من صجج
سلمى : اي بعدين تدخلين المستشفى مره ثانيه و توج طالعه منها من عيونهم
ساره : مرح يصير شي لا تخافون
سلوى الي و قفت و قالت لجميع الحضور : قولو م شاء الله هالبنت جمال
و اناقه و اخلاقه و تعطونها عين توها طلعت من المستشفى و تعالت  اصوات الحريم و هو يقولون  ..... ما شاء الله .... الله يحميها
.... تبارك الرحمان ..... الله لا يضرها
ابتسمت سلوى لهم
ساره : الله يفشلج فشلتيني
سلوى : ما سويت شي بس بعدين تروحين المستشفى و تخوفيني عليج
ماابي يصير مره ثانيه
ساره حضنت سلوى و قالت بعمريي سلاوي الله يخليج لي
خلصت الحفله و كل وحده راحت فراشها تنام
———————
عند فيصل الي راح لغرفة امه و ابوه يكلمهم  بموضوع
فيصل : يما و يبا
ام ناصر : هلا
فيصل : بكلمكم انتي و ابوي بموضوع
ام ناصر : مباركك
ابو ناصر : هلا يلا يلا جاي
هلا شتبين
ام ناصر : فيصل يبي يكلمنا بموضوع
فيصل : يما و يبا ابي اخطب
ام ناصر : واخيراً منو هالبنت نعرفها او لا
فيصل : تعرفونها
ابو ناصر : منو هي
فيصل : ساره
ام ناصر : سارونه مااخترت الا احسن البنات و احلاهم يولدي
ابو ناصر : اي والله خلاص باجر نروح و نخطبها
فيصل: شكراً و راح غرفته مستانس و مو مصدق و ينطر يجي اليوم الثاني
————————-
اليوم بنزل بليل بارت
باجر اخر يوم وتكتمل الروايه 💘