توقعت قلبي مسكر طلعتي مفتاح قلبي

4

يوم جديد مع ابطالنا
بغرفه فيصل جاه اتصال قعده من النوم
فيصل : الوو منو
نواف : افا فيصل خنت العشره و نسيتني
فيصل : مانسيت احد بس توني قاعد
نواف : اضحك معاك يرجال ، شرايك تجيني المخيم انت و محمد و بندر
فيصل : ان شاء الله بس على الساعه كم
نواف : على المغرب جذي
فيصل عصب : على المغرب و تتصل الحين و تقعدني لييشش؟؟؟!
نواف : هد شدراني عشان اعرف اذا بتجي
فيصل : خلاص رح نجي انا و العيال باي
نواف : تمام بس اسمع.......سكر فيصل المكالمه بوجه
———————-
عند غرف البنات الساعه 3 العصر
بنات بسرعه خلصو لازم ننزل كل البيت تحت يبونا نتجمع
ساره لابسه جينز و بلوزه سودا شوي ضيقه و مسويها شعرها ذيل حصان و لابسه اكسسوارات: يلا اوكي
سلوى بنات البس جينز ولا بنطلون عادي
ساره : البسي جينز
سلمى : انا بعد البس جينز ولا بنطلون
ساره : لا البسي جينز عشان نكون حنا الثلاثه لابسين نفس الشي بس لون البلوزه تختلف
سلمى : تمام بلبس بلوزه صفرا
سلوى : وانا بيضا
ساره : يلا بسرعه خلصو
نزلنا انا و البنات الثلاثه و شفنا دنون حضناها و قالت ساره ها عطلتي
دانه :  اي اخيراً عطلت اشتقت لكم
ساره : نحتاجج من اليوم تنسقين لخواتج كل شوي يغيرون الملابس
دانه : خواتي و اعرفهم  و ضحكو
كلهم يسولفون و مستانسين
العم ناصر : صج يبنات شنو حلمكم تصيرون
ساره : حلمي اصير احسن دكتور بالكويت
ناصر : ان شاء الله
سلوى : حلمي اصير محاميه
سلمى : وانا ان شاء الله طياره
كلهم ضحكو قالت شنو الي يضحك
قال سيف وهو يضحك طياره مره وحده !!
سلمى : انت شكو ولو اصير طياره مالك دخل
سيف : اي يصير خير
صارت الاصوات عاليه و كله ضحك و وناسه فجأة بنص الضحك
توصل رساله لساره  انه يراقبها و دز صور و هم بالصاله ماردت عليه اتصل و شافت ساره تلفونها سكرت التلفون و راحت تشوف منو المتصل
دخلت على الرسايل و شافت الرساله و صورهم و كانت مبتسمه فجأة صارت زعلانه نص الموجودين لاحضو انها لما مسكت التلفون تغير
وجها و اول ناس لاحضو سلوى و فيصل و بندر
ساره استأذنت قالت دقيقه بشوف شي وارجع قالو اوكي و هم مستغربين
سلوى ما كانت تعرف تلحقها او تنطرها  و تشوف شفيها
عند ساره طلعت و هي تبجي راحت غرفتها تشوف الرسايل زين و سألته
انت منو و ليش تراقبني رسل لها مالج دخل انا منو بس اعلمج اني اراقبج
خافت و عطته بلوك حلولت تمسح وجها و تعدل المسكرا و البلشر عشان ما يبين انها بجت بس كان واضح عينه صارت حمرا شوي ووجها ابيض و احمر واضح انها بجت نزلت و سألوها شفيج ساره بجيتي و كانت متوتره الكل ينطر منها الرد  ردت ساره قالت رفيجتي المسكينه امها و ابوها و اخوها سوو حادث و هي بالمستشفى بغيبوبه من الصدمه ( كله تأليف منها )
قالو حرام مسكينه
الا سلوى شكت بالموضوع سألت ساره
ساره انتي متأكده سبب بجيج رفيجتج ؟
ساره توترت و قالت لا مثل شنو
سلوى شكت حيل بس مشت الموضوع
————-
بالمغرب
فيصل : بندرر محمدد خلصتو يلا نواف ينطرنا برا
بندر : شفيكم مستعجلين اصبرو
محمد : اي والله كأن ورانا عرس اصبرو الصبر زين
فيصل : الولد ينطرنا براا انا بروح له و بقول انتو تأخرتو
بندر و محمد : يالكلبه يويلك انطرنا سحب عليهم فيصل و راح عند نواف
الي ينطرهم برا
نواف : هلا والله بفيصل
فيصل : هلا فيك
نواف : علومك شخبارك
فيصل : كله تمام بس اخر فتره حسيت نفسي طحت بالغرام
نواف : اوو حركات فيصل منو تعيسه الحظ
طقه فيصل
شفيك فهمتني صح اقصد منو سعيده الحظ
جو محمد و بندر و حركو للبر بالطريق حط فيصل اغنيه سارق القلب و كان
كل تفكيره ساره الي سرقت عقله و قلبه  و شافه نواف يهوجس و عرف انه يهوجس فيها و قال بضحك  يعيال في في واحد قلبه مسروق لوحده ما درت عنه تتوقعون منو و محمد و بندر يطالعون فيصل الي واضح يهوجس ببنت
وقال محمد راعي الهوى مفضوح و ضحكو و فيصل ما فهم عليهم
وصلو البر و نزلو يحطون العزبه و يجهزون الجاي و القهوه و محمد كان قاعد بالسياره و نزل لهم و هو يمشي لف شماعه على خصره ويمشي لهم وهو يغني
" عم بحلم قلبي برجال طفران و درويش الحال
يعيشني بأوضه صغيره ما فيها غير حصيره
و ما بدي فراطه ولا مال خلي الغيري الفراطه"
نواف : وين قاعدين يولد ارفع علوم المرجله
بندر : فطس ضحك بس الصراحه لايقه الاغنيه عليج
فيصل : اي اجل اسمك محمد او هيفاء وهبي 2
بندر : اخخ يرجال جبتها
محمد : اضحكو عادي الاغنيه عاجبتني المهم صج فيصل وانا اخوك
في وحده من البنات تحبها ؟
فيصل: ها لا واذا في بتكون برا العايله
بندر : اها اجل برا العايله
فيصل : اي يرجال
نواف : المهم يعيال متى تبون نرجع الحين الساعه 3 الفجر
بندر : اوف مر الوقت بسرعه
فيصل : اي والله مر الوقت بسرعه ما حسينا
قامو العيال شالو كل الاغراض وودوها سياره نواف الان كلهم جو بسياره وحده
وصلو البيت و كل واحد تعبان راحو لغرفهم و نامو
———————-
البارت الجاي باجر مع السلامه