My Lovely Pianist

2

​နောက်​နေ့မနက်နိုးလာ​တော့ ​​ခြေ​ထောက်​တွေကအခန်းပြတင်းမှမြင်​နေ​ရ​သော ခြံတံခါးအဖြူ​လေးစီအ​လျင်အမြန်လျှောက်သွားမိသည်။
စန္ဒယားက ရှိ​နေ​သေးတာပဲ။ဟိုကောင်​လေး​ကို​တော့မ​တွေ့။

​ကျောင်းသွားရအုန်းမှာမို့ ​ရေမြန်မြန်ချိုးအဝတ်အစားလဲပြီးတာနဲ့ အိမ်တံခါး​တွေ​သေချာပိတ်ကာ ​ကျောင်းသို့သုတ်​ခြေမှီ​ပြေးရ​တော့သည်။
​
" ငါတို့်မကြာခင်အလုပ်ခွင်ကိုယ်စီဝင်ရ​တော့မှာ
အမှတ်တရဖြစ်​အောင် တစ်ခုခုလုပ်ကျမလား "

စာအုပ်ဖတ်​နေရင်းမှထိုသို့ထ​ပြောလာတဲ့ Tej ​ကြောင့်သူ​တောင် ​ကြောင်သလိုလိုဖြစ်သွားရသည်။
အထူးအဆန်းပါလား သူ့လိုလူဆီကဒီလိုစကားမျိုးကြားရ​တော့လဲ ...

" ​ဟေး Pond မင်းမျက်လုံး​တွေငါသိတယ်​နော်
ငါ့ကိုဘယ်လို​ဝေဖန်​နေတာလဲ တစ်ကယ်​တော့ငါကအမှတ်တရဖြစ်ချင်လို့ ကုသိုလ်တစ်ခုခုလုပ်ချင်တယ်​ပြောတာပါကွ "

" မသိပါဘူး မင်းမဟုတ်တာ​တွေ​လျှောက်လုပ်အုန်းမလားလို့ "

Tej က Pond တက္ကသိုလ်ပထမနှစ်​မှာစ​တွေ့ခဲ့ပြီး အခု​နောက်ဆုံးနှစ်​ရောက်တဲ့အထိ ခင်ရတဲ့တစ်ဦးတည်း​သော သူငယ်ချင်းဖြစ်သည်။သူဟာ ပုံမှန်ဆိုစကားနည်းတဲ့လူဆိုပေမဲ့ Tej နဲ့​တွေ့ရင်​တော့ သူ့ဘက်အရင်စ​နောက်၊ရန်စတာ​တွေပါလုပ်တက်သည်။

" ငါ​နေခဲ့တဲ့​​ဂေဟာမှာဒီပိတ်ရက်ကျ ပွဲ​တော်တစ်ခုလုပ်မယ်ကြားထားတယ် Hua Hin နား​​လောက်ပဲ က​လေး​တွေလဲများ​တော့ကွာ တစ်ခုခုကူလို့ရ​အောင်သွားကျမလား "

Tej ကမိဘမဲ့တစ်​ယောက်ဖြစ်ခဲ့​ပေမဲ့ သူကြီးပြင်းလာတဲ့​နေရာကို​တော့ဘယ်​တော့မှမ​မေ့သူဖြစ်သည်။
သူတို့ခင်ခဲ့ကျတဲ့သက်တမ်း ၂ နှစ်​လောက်ကြာ​တော့မှ Tej ကသူ့ကိုဖွင့်​ပြောလာခဲ့တာ။အခုလက်ရှိအတူ​နေ​နေတဲ့ မိဘ​တွေဟာသူ့မိဘအရင်း​တွေမဟုတ်​ကြောင်း၊နောက်ပြီးသူက ၁၅ နှစ်အရွယ်​လောက်မှာမွေးစားခံခဲ့ရ​ကြောင်းကို​ပေါ့။

Pond ​ခေါင်းငြိမ့်လိုက်ပြီး

" အင်း သွားတာ​ပေါ့ "