الصِـلُ الصَلِـدْ

مشهد

"الصِلُ الصَلِدْ"

نبداء بدايتٌ عميقـه بـ لـهـف و حب بايدٍ رقيقه..

تسرد بتمعنٍ و مهجَ ...يحاوطها الـ تفاصيلٌ دقيقه... عقلٌ يفكر باحداثٍ غريبه و قلبٌ ذو مشاعرٌ عميقه...

تتامل و تكتب بدقه....تحاول تصويرها و كانها حقيقه...

___________

سمعت صرخاتها و كلبي رجف شنو صار ليش هل صياح كمت بفزع مرعوبه ادك الباب حيل احاول افتحها رجفتي ما اكدر اسيطر عليها دموعي تنزل مثل الشلال :- لا لاااا افتح البااااب وينككككك الاكبرررر لكك افتحححح البابب افتحح لتهدم كلشي الاكبر لتحول كلشي ل جحيممم وينكككك شنو سويتتتت بيهاااا  لتاذيهاااا لك خلي بداخلها ولو شويه حب،احترام  لتمحي كلشييي لتهدمهااا الاكبر لتهدمهااا افتح الباااااب دا احجي وياككك صَدك راح تندمممم راح تندمممم الندم راح ياكل بيك  محد راح يسامحككك لا اني و لا هيههه لكككك افتح الباببب طلعنيييي منااااا.....

ادك بكل ما عندي من قوه... رجعت لورا من سمعت صوت القفل دخل وجهة ميتفسر عيونه عباره عن دم و الدموع ملتمه بيها شعره مبعثر وجهة محتقن بلعت ريكي اتنفس بسرعه دكات كلبي تزيد احجي بتلبك كلمات متبعثره :- ش شبيها ش شسويتلها

اتاني رده و بداخلي موجره نار ميحجي شي بس دموعه تصب من عيونه ما تحملت سكوته يحركني اكثرر كمشته من ياخته و جريته ل ناحيتي صرخت بوجه صرخه طلعت من اعماق كلبي:- شسويتتتتتت ليش تصرخ بهل شكللل احجييييييي

يحاول يحجي ميكدر كلماته كوه تطلع منه:- م...  ما ج ما جنت بوعيي

فتحت عيوني ع وسعها و صرخت بكل ما عندي من صوت:-شسويتتتتتتت......

_______

جنت اضحك واسولف ويا مها و احنا بتجاهنا للمختبر القديم :- والله ما ادري شلون اجازيج سديم ربي يوفقج و يحفضلج امج و ابوج بحق محمد و يبعد عنج كل الي ياذوج

_ كلبي تسلميلي هذا واجبي كلشي تحتاجيه اني و ماسه و حنين موجودين يمج ابد لتستحين اعتبرينا خواتج

_فدوه الجن والله من صدك خواتي

_حبيبتي

باوعتلها بابتسامه وكفت بصف باب المختبر:-هذا المختبر القديم

_ اي هذا

_بس شعجب فارغ يعني شنو السبب غيرو

فتحت الباب و اني احجي:- والله ما ادري شن....

سكتت للحضه استوعب الي دا اشوفه دقايق من الصمت،باصواتهم المقززه حسيت واحد و دمغني ع راسي كلبي نعصر من المنضر و الموقف القذر الي نحطيت بيه ابتسامتي تختفي تدريجيا، و اني احاول استوعب المنضر غمضت عيوني حيل و افتحتها شنو دا يصير معقوله؟ شلون؟ ليش؟ بهل لحضه اجه ببالي كلامه"واحد ك** ميتاملووو حاطه كل المالججج بيه بس ما يستاهللل راح يهدمجج انه اعرفف، اعرفج سديم شكد انكسرتي من اقرب الناس الججج و شكد صعب عليج ترجعين تلملمين روحج بس صدكييي اذا ما بتعتي عنو هل مرا ما راح تنكسرين هل مرا راح تخسرين روحج و كلبج كلشي بيج حلو ما راح يكون الو وجود راح اضيعينن و بوكتها ماكو احد راح يلملمج راح يكسرلج ضهرج مثل ما كسرلي ضهري مالي غايه من الى جاي احجي يولي انه جاي اكلج الى راح يصير بالمستقبل و بس... راح تجيلي بعد فتره بس ما راح اشوفج بهاي الحاله راح اشوفج جسد بلا روح " اخر كلمه كالها تتردد بمسامعي، صوت شهكه وعتني من صفنتي دار عليه و يباوع متفاجئ من دون اي خجل يصيح باسمي و يلبس بملابسه يتقرب باتجاهي احس بايد تكمش بيه و اجرني بس جسمي عباره عن جماد صدمه ما دا يستوعبها عقلي ولا اي طرف بيه وصل يمي رفع ايده يلزم ايدي و ايد اجرني حيل و تركض بيه اسمع اسمي يطلع من افواهة بقلق و خوف... من شنو خايف؟  من فضيحته؟ لو خايف عليه؟ اخاف جرح مشاعري يعني؟!... مااشوف شي من كميته الدموع الي مجمعه بعيوني تنزل مو دموع جمر على خدي كل دمعه مني تنزل احس بيها تيزاب على كلبي عباره عن جثه لازميها و يركضون بيها و هنا عرفت شنو قصده " راح اشوفج جسد بلا روح " من لا وعي مني اشوف روحي بالقاعه و اسمع اصوات مشوشه و شي منها واضحه:-استاذ دورنا بس ما لكينا الي تريده