صياحه جان كفيل انو يزرف طبله اذني حجيت و دموعي تنزل من عيوني حركه بكلبي شحجي قليل :-كافييي طلعني من بالككك اني ما بيوم جنت الك ولا راح اصيررر كافي تخلي تخيلات بعقلكك ارتباطي بيك من البدايه اكبر غلطط الي سويته بيه كافييي لتتوقع بيوم ارجعلك احس النار الي بكلبي ما انطفت بالعكس وجرت اكثر الي بداخلي ما ادري شلون اكدر اطلعه بيه عجزت عن تفسير الامي و كسرت كلبي عجزت شلون اخلي يبتعد عني اشمئز مجرد تفكير ارجع اله اشمئز من روحي اكتفيت بالسكوت درت وجهي عنه و اني اخطي خطواتي ل سيارتي حسيت بـ شخص يكمشني من شعري و يسحبني عليه دارني قبض ع فجي ب ايده كز ع سنونه و نطق كلماته بغضب :- والله لاندمج على كل ليله خلتيني ما انامها من دونج ل اندمج على كل يوم عشتو من دونج اندمج على كل يوم عيوني ما شافتج بيه اريد ابعده عني ما اريد اتنفس انفاسه ما اريد اتقرب منه ما اريد اشم عطره ما اريد مااا اريد من يجبرني هيج بُدي احركه و احرك روحي ادفع بيه بس شدفع ههه عباره عن حايط و ادفع بيه حط جبيني على جبيته و بنبره هادئه نطق كلماته:- ما راح اعوفج بحالج ولا لحضه لا تنسين اني خيالج الي يمشي وراج... الايام راح تكول كفيله بـ اثبات كل الي كلته راح تجين...راح ترجعين بس الندم راح يكون ماكلج من راسج لـ رجلج اني و انتي و الايام بينا..... . للكاتبه:-طيبه ا