وأتبعـتُ الأقـدارَّ حـتى دلـتني على أوتـارِ قـلبي

(7)

لطيّفه اللي كانت تدعي
لطيّفه:ادخل..
دخل سّعود واول ماشافته لطيفه زاد حزنها وامتلت عيونها بالدموع
سّعود قرب من امه وحضنها:ام سّعود ماتبكي ! افا عليك تبكين ..
معليك مهمه سهله وراجع أنتِ بس دعواتك لي اني اخلص هالمهمه
لطيفه:الله يوفقك ويحفظك لي لاتنسى اذكارك 
سّعود:ابشر،تأمرين على شي انا ماشيي
لطيفه:سلامتك
طلع سّعود بعد ماودع جده وجدتهه وامه.. وركب سيارته متوجهين للمكان عشان يداهمونه ..
تحهز الكل وهم يراقبون المكان اللي ممتلي بالحراس
وفيه خمس سيارات
سّـعود:انتبهوا وحاوطوهم من كل الجهات
بدأ الكل يمشون حولهم من جميع الجهات
وبدأ الاطلاق وكان عشان مايشككونهم حاطين كاتم للصوت ويطلقون على الحراس دخل سّعود وفريقه للداخل البنايه
وكانت دورين
ونفس الشي اطلق على الحراس وطلع للدور الثاني اللي كان مليان بالحراس وفيه ثلاث اشخاص يتبادلون أسلحه..مخدرات
سّعود اطلق النار وقال بصوت عالي:المكان محاصر !! المكان محاصر سلموا انفسكم!!!
الكل التفت لهم وكان سّعود وفريقه اللي عددهم كان 14 شخص بدأو يمسكون كل اللي موجودين معدا شخص واحد شافه سّعود يهرب وجرى وراه بسرعه وشافه ينزل درج ثاني عشان يهرب راح وراه سّعود واللي كان في الكراج عشان يهرب بالسيّاره
سّعود:أنصحك انك تسلم نفسك !!
منصور بخبث وهو يطلع سلاحه بشويش:مارح استسلم وانصحك تبعد عني يا الفريق اول سّعود آل خلف
! لاتعذب قلب جدك عليك
سّعود:منصور صدقني لو تروح باطن الارض رح احفر الارض واجييك ! يعني مارح تهرب مني
وبنص كلام سّـعود اللي ماسك سَلاحه ..
طلع منصور سّلاحه بسرعه واطلق على سّعود طلقتين
سّعود اللي تنفسه صار يبطىء مسك مسدسه بسرعه وهو يشوفه يهرب وحاول يثبت المسّدس عليه بيده اللي ترجف وجسمه الطايح على الارض
اطلق طلقه طائشه اللي بدون هدف لكن لحسن الحظ وصلت لكتف منصور وطاح على الارض لكن سّـعود غااب عن الوعـي بسبب الاصابه ..
منصور هرب بسّرعه قبل مايجون العسكرر الباقييَن ..
الفريق أيهم اللي قاعد يدور لـ سّعود ولما نزل للارض وشاف سّعود طايح مصاب
أيهم:سّعود!! سّـعود رد عليَ
أيهم بصراخ:دق على الاسعاف
دق العسكري بسرعه وكان سّعود طايح بحضن أيهم اللي جو الاسعاف يشيلونه بسرعه للمستشفى
-
بالمستشفى دخل سّـعود للعمليات كون الاصابه قريبه للقلب
جلسّ أيهم وهو يمسّح على راسه ، وكيف رح يخبر أهل  سّعود
دق جوال أيـهم .. وكان العميّد طارق
العميد:أيهم كيف صارت المهمه؟؟
أيهم:صار كل شي لكن منصور هرب،
العميد:سّعود؟
أيهم:انصاب
العميد:ايشش تقول؟؟ومتى وليشش ماوصلنيي خببر ؟؟؟؟
أيهم:اطلق عليه منصور وهرب
العميد:الحين كيف وضعه طمني يافريق !
أيهم:باقي تو وصلنا المستشفى
العميد بتنهيدة:خلاص طمني شوي وانا عندك بس اول رح اكلم جده واهله واجيك ..
قفل أيهم من العميد وهو ينتظر الدكتور ..
اما العميد طلع بسّرعه متوجهه للديره يبلغهم ..

-الديرة ... - بيت خلف
كان الجد خلف وعياله كلهم مجتمعين باقي
كون الجد خلف صاحي ينتظر مكالمه من سّعود يطمنه بس وتغفو عيينه..
ياسر:ابوي روح نام صدقني سّعود طيب بإذن الله واول مايتصل بقولك بنفسي !
خلف:انا حلفت ان عيوني مايمسها النوم لين اسمع صوت سّعود ..
-
عند الحريم كانت لطّيفه جالسه مع الجدة مزون  وطيف وهناي عندهم  وحالها يحكيي
طيف بحزن:يالطيفه الله يهديك روحي نامي سّعود مافيه الا الخير
لطيفه ببكي:يا طيف قلب الام مايكذب انا حاسه بولدي به شي
هناي:تعوذي من  الشيطان لطيفه لا تزيدين نفسك هم وابوي  هم
بنص الكلام ..
دق العميّد على جوال خلف ..
اما خلف كان جالس وشاف جواله يدق
خلف:نيّاف ناولني جوالي
اعطاه نيّاف
خلف بحكم انه مو شايف الاسم زين:هلا سّعود ! كيف صرت راجع صح؟
العميد:السلام عليكم خلف،انا العميد طارق بن جابر ..
خلف بخوف:العميد؟
وقف الكل عن الكلام من سمعوا كلام خلف
خلف بخوف:شفيك داق ؟ عسى ماشر ياعمييد؟؟
العميد:خلف انا عارف ان سّعود عزيز على قلبك ، وعااارف جداً معزته بقلبك ،وكانه ولدك مو حفيدك
خلف ويده ترجف من الخوف:ياعميدد تكلم سعود فيه شي ؟
العميد بتنهيدة:سّعود انصاب في المهمه،بس ان شاء الله بخيير ! ياخلف
سّمع خلف هالكلام وباقي الجوال بيده! حفيده انصااب ؟؟
طاح الجوال من خلف اللي انخفض الضغط عنده
فز الكل بصراخ
نيّاف:ابوويي !! ابووييي

~ نجمة ⭐️ 💙