وأتبعـتُ الأقـدارَّ حـتى دلـتني على أوتـارِ قـلبي

(13)

وقاموا لارين وأنوار وشروق ، ينزلون يشترون
واخذوا فلوسهم وطلباتهم ونزلوا يشترون وكانت الساحه فاضييه ونزلوا اشتروا كل شي
لاريَن:جووي! الحين تجي احلى سواليف ولعب ،أنوار جبتي اللعبه؟؟
أنوار:ايي اكيد
لارين:كويسس
طلعوا للفصل واعطوهم اغراضهم واما هم سحبوا كراسيهم عند الزاويه وطلعت شروق مفرش صغير وحطو الشبسات والعصيرات وكل شي وجابت انوار اللعبه ولعبوا ومره يسولفون ليين انتهت الحصتين ورحعوا اماكنهم
الظهر ، وقت الخرجه -
طلع اغلب البنات من المدرسه وباقي اللي ينتظرون باص المدرسه واللي ينتظرون أهاليهم وكل شوي ينقصون ليين مابقي غيير لاريَن اللي تنتظر سيّاف ،الساعه 12:59 بقى لاريَن تنتظر سيّاف بعد مادقت عليه من  جوال المرشدة ومارد والاغلب راح مابقى غيير لاريَن والمديرة لطيفه
نزلت لطيفة للساحه بعد مادقت على ولدها - سّعود يجي لها بما انه صار زين ،
لطيّفه بإستغراب:لاريَن يابنتي وش تسوين هنا؟
لاريَن:والله باقي اخوي ماجاء
لطيفه:وتبين تقعديين وحدك تعالي معاي ارجعك الحين الحارس بيقفل المدرسة
لاريَن بنفي:لالا بنتظر اخوي الحين يجي  انتظره
لطيّفه:يابنت الحلال تعالي معي مارح اخطفك بوصلك
حتى قرب بيتكم عشان عامل المدرسه بيقفلها تعالي
وبعد أصرار من لطيّفه رضت لاريَن
لبست عبايتها وسوت لثمتها زين واخذت شنطتها وحطتها على كتفها وطلعت وكان ينتظر امه بالـ BMW   
طلعت أمه ولكن وراها بنت ثانييه وهنا كشر لان كل بنات الديره معجبين فيه وتذكر موقفه لما وحده اهلها ما راحو لها وكذالك خذتها لطيفه وكانت حركاتها تقرف ،وتتدلع وتنعم صوتها ومن بعدها سّـعود كرهه كل بنات الديره ،ركبت وراء سّعود
وهي ماسكه شنطتها وبتموت من التوتر لاول مره تركب بسياره شخص غريب! غيير اهلها وخايفه احد يشووفها وهي راكبه معه وجدها يذبحها وبينهم كمان عداوة يعني لاريَن احفري قبرتس بيدتس الثنتين
كان طول الطريق يناظر فيها استغرب كيف هي غيير عنهم؟ ليش ماسوت اللي سووه كان يناظر عيونها اللي نازله على شنطتها ومن نظراته ليدها اللي ترجف عرف انها خايفه ومتوتره وأبتسم بداخله ،حتى هو استغرب من ابتسامته ليش ؟ بس ماهتم للموضوع وسأل أمه بهدوء
سّـعود:بنت من؟
لطيّفه:بنت فهد آل مطلق
سّعود زفر بهدوء وعرف انها بنت فهد وتذكر ابوه وكل شي لكن عشان اهلها ما يفهمون غلط او شي وقفها وراء بيتهم بالضبط ومن وراء كان فيه بس حوش وبس
نزلت لاريَن واخذت شنطتها وتوجهت للبيت وهي بتنفجر،وتعرف انها اول مابتشوف سيّاف بتطعنه
دخلت البيت واهلها يتغدون وفزوا لانهم يحسبونها
مع سيّاف
لارين بقهر:وين التبنن سيّافف!!!!
فهد:وشبك؟
لاريَن ودموعها خلاص قربت تنزل بس مسكتها:تدري انه مخليييني وماجاء ليي ؟ وقعدت مطوله بالمدرسه ولكن تذكرت انها رجعت مع المديره ،بلعت ريقها بتوتر
فهد بإستغراب:ميين رجعك ؟
لاريَن بتوتر:رجعت مع أنوار حتى هي اخوها تأخر عليها وماكان فيه احد وانجبرت اروح معاها !
فهد بغضب:اوريه سيّاف !! كيف يخليك وحدك ومايرد بعد وانا حسبتك معه ،ليش مادقيتي علي
لارين:مدري حسبت سيّاف بيجي وانتضرت قلت يمكن يجي !
طلعت فوق ورمت شنطتها بغضب وبدلت ملابسها واخذت شور سرييع عشان الحرر واخذت جوالها تسجل لـ أنوار
لاريَن:أنواري اسمعي انا تأخر علي سياف ورجعت مع المديرة تمام قولي لـ اخوك  اني جيت معكم عشاان
اذا ابوي سأله ! تمام تكفييين
ردت عليها أنوار بعد دقيقتين وهي تقولها تمام بقوله
نزلت لاريَن تحت وتغدت ورجعت نامت وهي تتوعد سيّاف عشان تسطره..
الساعه 6 المغرب كانت حالة استنفار في بيت خلف البنات متجمعيين بغرفه هناي ويتصلحون ويتزينون والحريم في المطبخ يسوون القهوة والشاهي للرجاجيل
العيال يجهزون الحوش ويشروفوون عليه
هناي:بنات وين الماسكرا؟؟
توق:بنات بسرعه وحده تسوي لي ايلاينر ولا بنهاااار!!
وعد:تعالي توق اسويلتس
توق:الله يسعدتس وعودي!
ندى بغرور:يوه انتوا تسون من ميكب قدييم ! الناس الحين يستخدمون ماركه
ناظرو لها البنات بنظرت استغراب
وسُلاف اللي تفشلت من اختها
هناي تركت اللي بيدها وقامت تتوجه لندى اللي واقفه
هناي وهي تدف كتف ندى بـ اصبعها!
هناي:احمدي ربك يا ندى ،احنا نقدر نجيب ماركات او غيرهه يعني  ،كمان لاتنسيين ولفت على سُلاف
هناي : معليش سُلاف بس ،اخوي زياد مدلع ندى عشان يمكن ماحست بشعور الام لكن يبدو انه فرط في تربيتك لدرجة صرتي عمياء ماتدرين الصح من الغلط ! وانا من الحيين اقوللك من الحين  لاتسويين شي او تقولين كلام انتِ مو قده !!!
اما سُلاف اللي حزنت شوي بس بنفس الوقت عمتها صح كلامها احياناً يكون فيه تفريط في التربية لدرجة الابناء يغلطون لكن بدون حسّ ليين يجي اليوم اللي يعضون اصابع الندم ،الندم ماينحسّ الا بالنهاية وقت الحسّاب ، مفروض نعرف انو مانشد ولا نرخي لاننا اذا رخينا ماعاد  نقدر نشد مره ثانيه،وكمان اذا شدينا عليهم مانقدر نرجع هم زي أول عشان كذا احنا دين وسط لا شّد ولا ترخيه ، التربية عمرها ماكانت سّهله على الام او الاب لكن بـ فراق الام يحاول الاب يعطي  عياله كل  شي عشان مايزعلون من فراق امهم لكن احياناً  ،من كثر الدلع والدلال يتغير تصرفاتهم ،زيك بالضبط يا ندى !
ندى شمقت بعيونها وسفهت الكل وطلعت من عندهم
وعد : عجيبها ذي البنت مستحيل تتغير

نجمة ⭐️