وأتبعـتُ الأقـدارَّ حـتى دلـتني على أوتـارِ قـلبي

(1)

1)
-
بالديره

دخلت أمها تصحيها عشان الدوام
لميسّ:لاريَنُ ،ياا لارين يالله قومي دوام !
تقلبت على سريرها بإنزعاج
لارين:طيب الحين دقيقتين واقوم
لميسّ:يالله قومي خلي النوم اصلاً انا عارفتك تقولين دقيقه دقيقه وترجعين تكملين نوم . يالله قوميي
قامت وهي تتأفف وعيونها فيها نوم
دخلت الحمام واخذت شور سريع
وطلعت سوت شعرها ولبست مريولها الكحلي واخذت شنطتها بسرعه
ونزلت ..
تحت
كان ابوها وامها واخوانها جالسين يفطرون
لارين:صبااح الخيير
الكل:صباح النور
لميسّ:يالله كلي عشان يوصلك سلطان
سلطان اخذ قهوته وقبل مايطلع
سلطان:لارين 5 دقايق ماتطلعين رحت وخليتس !
لارين وهي تشهق:خيير ما امدا افطر حتى
فهد بضحك:كلي كلي معليتس مارح يروح ولو راح اوديس انا
ولفت على سلطان تأشر له وهو مقهور
كملت لارين أكلها بسرعه
ولبست عباتها وحطت الطرحه وطلعت للسياره
وصلها سلطان للمدرسه وتوجهه للمستشفى
-
بالمدرسه
دخلت لارين وشالت عبايتها وهي تدور صحباتها بعيونها
واول ماشافتهم توجهت لهم
أنوار:هلا بالي له الخافق يهلي
كملت شروق:من الفرحه وروحي به تهلي
وختمتها لارين وهي تضحك عليهم:اللي شفته ولو في النفس ضيقه تفرج كل همي واضمحل
أنوار:كيفتس عساك طيبه؟
لارين:بخيير ، ايه مافيه اخبار؟
شروق:وين مافيه ولا شي من اول جالسات انا وأنوار نحش بالرايح والجااي .
لارين:صح مافيه واجب ؟
أنوار:لالا ماتوقع فيه ، وان شاء الله مافيه
جلسوا شوي يسولفون لين دق جرس عشان يطلعون للفصول
بالفصل-
جلست لارين بالزاويه وقدامها شروق وجنبها أنوار
يسولفون لكن قطع سواليفهم
مها .. الغثيثه اللي يكرهونها هي وشلتها
مها:ايه علامتس لارين غاايبه امس وقبله ؟ ليكون بك شي ولا شي
لارين بكره:مافيني شي،وكمان مب شغلتس غبت او حضرت خليتس بحالتس !
مها:سمعت انس انختطبتي ؟ بس مين تعيس الحظ اللي بيخطبتس ؟
لارين بققت عيونها: شنوو؟ اقول امسكي لسانتس لاقوم العن خيررك !! ، وبعدين الكل يتمناني مب زيك يا ام الذبان !
مها:هيييي ! حدك عاد
شروق بغضب:مها تبين تسكتين ولا شلوون ؟؟
دخلت الاستاذة عليهم وهم في حاله هواش
الاستاذة مريم:بنات علامكم؟ هدوا يالله بنبدأ درس ! لا اسمع صوت وحده تهرج
بدأ الدرس ولارين ومها يتبادلون نظرات ووعيد ..
-
الريّـاض .. -القسم
كان شياطين الجن والأنس فوق راسه ، والكُل خاايّف منه ومن عصبيته ، انشدت عروقه وهو يتكلم مع الفريق
سّـعـود بغضب:كيف !! كيف يفرر منكم هاا كيف الكلب  ابن الكلب يفر وانتم ايش كنتم تسوون ؟
الفريق بخوف:والله كنا مفتحين عيوننا بس هو هرب مدري كيف ؟
سّـعـود ضرب بيده على المكتب:لاتحاول تبرر غلطك  يافريق أيهم !  ذا غلطكم ورح تعدلونه ! 3 اياام مهله تجيبون لي الكلب ،3 ايام يافريق  فااهم عليّ ؟
الفريق أيهم:ابشر طال عمرك بإذن الله رح اجيبه لك لين رجولك .
طلع من المكتب وجلس سعود هالكرسي وهو يتنفس بغضب
دق جواله وشاف الاسم جده
رد ، سعود:سّم يا خلف
ابتسم جده خلف:سّم الله عدوك ياسعود ، متى جاي؟ اشتقنا لـ سعود القلب ، وينه سعود القلب داام أنت لاهي؟
كمل سّـعـود بإبتسامه:مشتاق لك ، والشوق فيني يضُاهي ، بعد المسّاافه بين كفي وكفوفك ، الحين خمس دقاايق وماشي
ضحك جده:الله عليك، استودعتك الله
قفل من جده وهو يتنهَد بتعب
اخذ مفاتيحه واغراضه وتوجهه لسيارته رايح للديره -
-
الديره
وصل سّـعـود ووقف السياره ودخل للبيت
كان جده وجدته جالسين وحولهم عمه ياسّر
سّـعـود :السلام عليكم ورحمة الله وبركاته
الكل التفت
الجد والجده:وعليكم السلام ورحمة الله وبركاته
جدته مزون:هلا والله بـ سّعـود القلب، وينك لك يومين ماجيتنا ولا رفعت علينا سماعه؟
سّـعود وهو يبوس راس جده وراح لجدته يحضنها ويبوس راسها
سّعـود:تدرين ياجده اشغاليي ماتخلص كل ماقلت بخلص يطلع شغل
وتوجهه لعمه يبوس راسه ويسام عليه .
يّاسر:كيفك ياسّعـود؟ عسااك بخير ؟
سّعـود:الحمدلله كل شي تمام ياعمي ، انت كيفك ؟
عمه:تمام بخيير
في نص سواليفهم جات هُنااي - عمة سّعـود الصغييره
هناي بفرحه:الله الله وانا اقول ليش اسمع ضحكات أمي وابوي اثاري سّـعـود القلب موجود ؟
توجهت له وسلمت عليه
الجده:اكيد هاذا سعود القلب والروح 
هناي بغيره:علامتس تمدحينه قداامي تراني انا بنتس مب هو ، ذا حفيدتس يمه حفيدتس ، انا أولى منه ،
اخذت الجده مزون عصاتها وهي تطق ظهر هناي بشويش:ايا العوبا ،مانتب فالحه الا بـ هالهروج
اما سّعـود كان يضحك على هناي ،كونها تغاار منه لانهم يدلعونه اكثر منها، وكمان يمونون على بعض كثييير فعادي 
هناي:ايي اضحك اضحك
وشوي وبدأ يجون اغلب الاحفاد ويسولفون ..
سّعـود:يالله انا بطلع انام
دخل غرفته واخذ له دش دافي ونشف شعره وشغل التكييف وانسدح بتعب وهو يحس راسه دوامه تفكير
لكن استسلام للنوم .. 

نجمة ⭐️