وأتبعـتُ الأقـدارَّ حـتى دلـتني على أوتـارِ قـلبي

(9)

وبدلت غرام ملابسها وطلعوا
-
وهم يمشون
غرام:أوتار وش بيصير مع جدك ؟
أوتار بتنهيدة:ماعرف يا غرام ماعررف،لا تسأليني سؤال ماعرف اجابته
غرام:خايفه؟
أوتار:على امي وابوي وا انا مايهمني ،أنا الود ودي لو اهذ لارين معي وبس واضح انها طفشت منهم !
غرام:ياروحي انتي معليك ربك يحلها وبترجعيين لـ اهلك ومع الايام جدك بيرضى بعدد!
أوتار بسخريه:يرضى؟ انتي ماتعرفينه زيين خليني ساكته،يعني انتِ عااد تدرين انه مانع الكل مني وحتى أهلي يكلموني بالدسّ! وش باقي ؟
غرام:عارفه بس انا متأكده اذا رجعنا الكل بيوقف معاك وجدك بيزعل ويعصب شهر شهرين سنه سنتين بالنهايه بيرضى !!
أوتار:خلينا من هالمووضوع وخلينا ننبسط شوي وتعللي نشتري قهوه 
وكان اوتار مدخله يدها بيد غـرام،ويتمشون بشوارع لندن
-
نرجع للديره -بعد يوم
الظهر ...
في بيّت طلال اللي رجع من الشغل ولقى بنته
هيّام:هلا والله بـ طلال ارحب
طلال بإبتسامه:هلا والله بـ هياامي الحلوه شلونتس ؟
هيام:الحمدلله ،وانت تبي شي احط لك غداء؟
طلال:لالا تسلميين،بكلمك بـ موضوع يخصك!
هيام:يخصني،سّم يبه قول ؟
طلال:شوفي يابنتي ،أنتي كبرتي الحين وعارفه انك صرتي  مناسبه للزواج ،وزي ماقلت الزواج  سنة الله ونصيب ،ونصيبك جاء
كانت تسمع لـ ابوها بدون ماتنطق حرف ..
طلال:فيه واحد من الديره جاء ابوه وكلمني انه بيخطبك لولده وكمان امه كلمت امي وانا قلت خليني اقولك ..
هيام ونبضات قلبها تتسارع بشكل مو طبيعي وتحس ان قلبها شوي وينفجر ،وهي منزله راسها من الحياء
طلال:اليوم بيجون يخطبون واذا فيه خيير بيكون نصيبك ،وصح عماتك  اليوم بيجونن معاك مارح يخلونك وحدك ،ادري يمكن تحسين بشعور غريب ان امك مو معاك بس ان شاء الله اني اعوضك عن الفقد
حضنت هيّام ابوها من كثر المشَااعر الي خالتطها ! شعور غريب علييها

طلعت غرفتها وهي ماتدري كيف تتجهز وهي قلبها عند غيره ! ماتقدر تتكلم او تصارح اي احد،حتى أوتار اللي تفهمها وتعرفها مو موجوده عشان تدافع عنها او ماتخلبهم يجبرونها .. هي زعلااانه ومعاتببه لها لكن ماتقدر بدون اخذت جوالها وهي تدق عليها
لـنُدن ..
دق جوالها من رقم سعودي ! وهي متعوده ماتتكلم مع اهلها كثير
اخذت الجوال وهي ترد ..
أوتار:هلا مين؟
هيام بصوت باكي:اوتار !
أوتار رفعت حاجبها بإستغراب هي تعرفها زين:هيام؟
هياام وزادت شهقاتها:أوتار ساعديني !!
أوتار بخوف:هياام !! فييك شي ؟
هيام:أوتار ......
قالت هيام السالفه لـ أوتار ..
-
العشاء -
جت أمجاد عمة هيام، وزوجات أعمامها يجهزونها وكانت لاريَن وأرين و إيلا موجودين
لاريَن: انا بودي المبخره لـ مجلس الرجاجيل وانتوا شوفوا لكم شغله لانهم الحين دقايق وجايين
..
تجمع كل بيت آل مطلق بستثناء سيّاف ، وسطام و سلطان
جو الخطابين لـ بيت طلال ودخلوا الرجال وكمان الحريم اللي جلسوا يسألون عن هيام وكمان الرجال يتكلمون ويسولفون
أبو الولد: يابو فيصل.. احنا جايين نطلب يد بنتكم هيام  لولدي هادي وعاد الشور شوركم
مطلق:تشرفنا بحضوركم يا ابو عادي وعاد الموافقه ترجع لـ ابو البنت اذا كان موافق او لا ! وبعدها يصير كل خيير
مرحع لـ سطام وسلطان اللي لبسوا ثيابهم بسسرعه ولكن طلع بوجههم سّياف
سّياف:بسم الله علامكم ؟ وين رايحين ؟؟؟
سّلطان:بنروح بيت عمي طلال ، ليش؟
سّياف:بيت عميي طلال ليش؟

سّطام:بيخطبون هياام
وقف لـ ثواني يستوعب اللي يقولووه، يخطبون ميين ؟؟، بيخطبون محبوبته! ،حُب الطفول اللي حرم على نفسه مايقربها لين مايكون نفسه ويجيها بالحلال !!،والحين بتنخطب هو لو احد يعرف عن مدى حُبه لها؟ بس حب له  غيير محد يقدر يوصف حب سيّاف لـ هيامه ، هو تعدى كل مراحل الحُب ،هو وصل لـمرحله الهيام ،، لهياامه ، لا ودّ ولا غرام ولا عشق بل هيّام ، يهيم في عيونها البنيه ورموشها الناعسّه ، ولا في شعرها الاسّود ،هو حافطها حفظ من راسها لـ رجولها عارف كل اللي تحبه  واللي تكرهه !! ،لكن يسمع انها بتتزوج يعني بتروح من يده؟ تجمع كل غضب الارض بداخله عيونه من شده الغضب صارت ماتشوف غير درب واحد وهو درب معشوقته ، توجهه وعروقه طالعه واللي علطول عرفوا انه عصب

سّلطان:سّياف اهدى ،لاتسوي شي تندم علييه، انت تدري عن جدي
حاولو يمسكون بالغصب لكن ماحد يقدر يمنعه
دخل بيت عمه وهو يردد بصوت عالي خل كل اهل الديره يسمعونه
سّياف بغضب:والله محد ياخذها غييري!!،البنتت ليي فاهميين هياام لي وبس والله ماياخذها مخلوق !!
دخل بيت عمه طلال وهو مايفكر الا بهيامه
دخل والغضب محتريه وهو يصارخ بنفس الكلام وسطام وسلطان ورااه دخل بسرعه لمجلس الرجال اللي كانو يسمعون الصراخخ بس مايعرفون وينه
دخل عليها سّياف ووجهه احمر وماليه الغضب
فهد بخوف:سّياف علامك فيك شي احد  صارله شي ؟
سّياف بوجه عمه وهو ماعد يعرف احد :هيّـاام ليي!! والله مايخذها غييري ولو اخذها هاذا اوو غييره!!! والله لذبحه!
فهد وقف بخوف:سياف تعوذ من الشيطان
حاول سلطان هو وسطام وفهد يطلعون سياف لكن ماقدروا

مطلق بغضب:سّياف اقضب لسانك ! واطلع!
سّياف:ماني طالع ياجدي قلت لكم هياام والله مايخذها غيييري
هادي بغضب:اسمع احنا جايين نخطب سواءً رضيت أو لا والبنت قريباً رح تصير زوجتي ! 
اما سّاف اللي زاد غضبه وهو يتردد بماسمعه كلمة زوجتي !
سّياف وصل لـحده وووقف قدام هادي وحكم قبضته عليه وقدم لعنده
سّياف:والله ،ثم والله لو باقي تنطق اسمها ولا كلمة زوجتي قسماً بالله واللي رفع السّموات والارض لـ اذبحك هنا !
لكن اللي فاجئهم اكثر وقفوف فيصل اللي سحب سّياف ووقف جنبه وقال
فيصل:أنا وولد عمي ! عالغريب ،مدام سّياف ولد عمي وانا اثق فيه وهو مدام يحب هيام مارح ياخذها الا سيّاف وكلنا ندري ان البنت مالها الا ولد عمها ، وسواءً خطبت او ماخطبت انا كنت رح ارفض .

~نجمة ⭐️💙