في قصايد بهاج شامة رحاب

١

<بالديرة الدنيا امطار وغيوم>
رحاب تركض واخوها الصغير يلحقها وكانت الدنيا أمطار وامها سكرت الباب وهي معصبه منها
عبدالرحمن :- ماما ابي حلاوي شوفي رحابوه
انعام ام رحاب:- رحاب الله يهديتس عطي اخوتس حلاوه شبلاتس تحطين عقلتس بعقله
رحاب هزت راسها بنفي:- لا ماما انا احب الحلاو وقلت له جب لي ماجاب مالي دخل هو يتحمل
عبدالرحمن:- الله يزوجتس ونفتك منتس ويجي واحد يخطفتس من عندنا
ام رحاب بعصبية:- عبدالرحمن لا أسمعك تقول تسذا ومو زين تدعي على اختك
رحاب:- ماما معليك بقعد على قلوبهم هههههههه وترا سويت شغلتس عشان ماتتعبين
ام رحاب  بإبتسامه جانبيه:- الله ينور دربتس انا ادري معي بنت ذيب الله يرحم ابوتس
رحاب أبتسمت بحزن:- امين،ماما عندنا طلبيه وبسويها وانتِ ارتاحي
ام رحاب:- وشلون برتاح وانا شايلة هم اخوانتس ودراستهم مايكفيني انتس قابلتيني عشان تساعديني بمصروفهم
رحاب باست يدها وضمتها:- اخواني لاصاروا رجاجيل راح يساعدونتس ويعوضونتس عن كل الايام اللي تعبتي فيها عشانهم
ام رحاب بادلتها الضمه:- شايله همتس البنات كملن دراستهم الا انتِ اخاف عليتس وعلى مستقبلتس ان شاء الله يجيتس رجال يعوضتس
رحاب تكره الطاري:- ماما وش تكلمنا ما ابي طاري الزواج اذا سمحتي اعفيني منه إذا تحبيني
ام رحاب ضحكت:- انا افهمتس خايفة علي وعلى اخوانتس وقلبتس علينا
رحاب قامت:- بعطي عبدالرحمن حلاوته عشان ماتضل بخاطره وبصالحه لان كنت ابي اجننه
وراحت لاخوها وهي تعطيه حلاوته وباست خده وقعدت جنبه وهي تتفرج على التلفزيون معه كان تلفزيون الديره حجمه صغير وعبدالرحمن يعلمها عن الكرتون ويضحك ببراءه وهي تضحك معه وتبوسه كل شوي
.
.
<في مدينة دمام >
قفلت غرفتها وارتجف جسدها وطاحت بالارض تبكي بإنهيار من حالها وتسمع دقات الباب وكل دقه ترجف منها
حامد بعصبية:- افتحي لاكسر الباب يا توليب
توليب بصراخ:- روح الله ياخذك انت مو خالي اكرهك
حامد بجنون:- توليب اذا مافتحتي الباب بكسره وادبتس
توليب بخوف:- تخسي روح تأدب أنت ماعندك نخوه ولا شرف!
حامد بعصبيه:- شكلك تبيني أعاملك بأسلوب ثاني
قاطعه دخول ام توليب الي منصدمه من شافته واقف عند باب بنتها توليب
ام توليب بشاير:- وش فيها توليب؟
حامد انقلب:- والله اختي بنتس ذي اشك فيها مرض عالجيها لان ما ادري ليه تخاف مني
ام توليب بشاير بعصبيه:- ذي نفس حركاتها متى تفهم انت خالها وحركاتها هذي تزعجني
حامد:- زعلت منها يرضيتس اختي تسذا
ام توليب بشاير بإحراج:- اخوي سامحني ذي مدري وش بلاها
توليب بكتمه:- ليتس ماما تعرفين ليه اكره خالي على الاقل تحسين فيني
ام توليب بشاير:- انكتمي هذا خالك ياسلقه صدق إنك ماتستحين على وجهك!
.
.
<عند بهاج وأخوه بهيج >
بالديره كان شايل العزبه ورمى حصى على اخوه بهيج على دلاخته
بهيج بعصبيه:- بهاج اقضب ارضك
بهاج ضحك:-  ههههههه وش راح تسوي هااه؟
بهيج:- انت من مسلطك علي من صبح الله خير!
بهاج:- تحب تسولف تعال ساعدني على العزبه ندخلها
بهيج:- اشيل هذي العزبه ؟
بهاج:- اي شبلاها هذي؟
بهيج:- صاحي انت الزبده انا بروح عند ابوي مو فاضي
بهاج:- ابوي مسافر يومين ويرجع
بهيج:- مافي مفر منك!
بهاج:- اي امش ساعدني وعندي لك خبر
بهيج يحب العلوم:- دام فيها خبر ابشر
بهاج ضحك:- لو دريت كان من اول اغريتك ههههههههه
اماني طبخت وحرقت الطبخه بالمطبخ وشافت القدر محترق وسمعت اصوات اخوانها شالت القدر وهي تحطه وراء
بهاج:- هاه اماني بشرينا وش طبختي لنا
اماني بتمثيل:- تعبانه انا جيت ادور علاج
بهاج:- العلاج مو بالمطبخ خلف الله على عقلتس في غرفه خاصة هناك للعلاجات
اماني بتمثيل:- اوكيي يلاا فارقو عني
بهاج شاف الاكل وراء وضحك وهو يسكر الباب
اماني بتمثيل:- نعم شفيك قفلته
بهاج ضحك:- انتي تعبانه ولا تمثيل؟
اماني بعصبيه:- ليش بكذب يعني؟
بهاج قرب وهو يسحب القدر:- اي قلتي ماطبختي؟
بهيج كتم ضحكته:- امي لها شهر تعلمها وهي مافلحت
اماني:- تكفون لا تقولون لماما راح تعصب علي
بهاج:- شهر يالظالمه امي تعلمتس وماتعلمتي؟
اماني:- ما احب الطبخ وش أسوي ياخي!
بهاج:- الله يصلحك وتتعلمين ههههههه
بهيج:- بهاج انت قلت عندك خبر حلو يلا علمني
بهاج:- انت يموتك الفضول بعلمك
اماني:- وانا بعرف بعد
بهاج:- طيب الخبر اني راح اخطب احلام
اماني كشرت:- مالقيت الا هذي؟
بهيج بطفش:- مبروك بس هذا؟
بهاج بقهر:- بدال ماتفرحون لي هذي ردودكم؟
بهيج:- احلام ماتصلح لك
بهاج:- ليش ماتصلح لي عطني سبب؟
بهيج:- ما اعرفها بس احساسي قال ماتناسبك
بهاج:- دحدر انت واحساسك وانتِ اماني؟
اماني:- تقهرني ماغير تتدلع ومتصنعه مرررره
بهاج:- وانتِ بعد دحدري البنت حلاتها دلوعه.
اماني:- الله يعينك على ذوقك بس مو كل بنت يلوق لها الدلع!
بهاج انقهر من كلامهم وطلع وسحب عليهم وأخذ العزبه على جنب ويبي يقابل خويه نمر
.
.
نمر:- انت ليش زعلان هم اخوانك تسذا
بهاج:- بس ردودهم ماعجبتني
نمر:- يارجال توكل على الله وانا معك بقرارك وادعمك
بهاج:- ويلوموني فيك يانمر
نمر:- من يلومك اقلب الطاوله عليهم
بهاج:- وانت نمر مو ناوي تتزوج؟
نمر:- انا مالي خلق للزواج وبعد يومين بسافر برا عندي شغل بس اجي هنا كل فتره ازور أخوي الي مفشلني دايم.
بهاج:- بنات الديره واجد دور لك وحده تروح معك وتلبي طلباتك وكل شي تبيه وتصير لك كل شي
نمر:- ان شاء الله على خير الحين توني بعز شبابي.
بهاج:- والله ان ابوي ابوك كان تزوجت من زمان عمرك ٢٩ وتقول باقي وعادي عندك تضل كذا؟
نمر:- استغفرالله تخيل أصير مثل أخوي هداج وأتزوج عاد هو حالف يعدد للرابعه
بهاج بصدمه:- لا تقول يدور الثالثه؟
نمر ضحك:- هههههه ابد ابشرك قضى اموره والثالثه بالطريق ويقول بعد سنتين الرابعه وراها
بهاج:- هههههههه اخوك هذا ودي اطرده من الديره راعي مشاكل وراعي حريم ماشاءالله عليه الله يرزقني صملته
نمر:- ههههههههه اقولك مفشلني بالديره دايم انصحه يقول اذا تزوجت بترك مشاكلي مع الناس
بهاج ضحك وضل يسولف مع نمر ويخططون لزواجهم ووين ودهم يسون زواجاتهم
.
.
<عند هداج>
هداج دخل بيته وجت سميه وهي تبخره وعفاف تأخذ عقاله من راسه وجلس وهو يمدد رجوله وسو له مساج كل وحده ماسكه رجل تسوي له مساج
سميه:- حبيبي اليوم مجهزه لك مرقوق
عفاف:- وانا جهزت لك محاشي
هداج براحه:- انا بالجنه ياعبدو والله انكم يا حريمي سنعات
بتزوج الثالثه قريب
عفاف بغيره:- والثالثه وش صار عليها؟
هداج:- معليكم خطبتها وبملك عليها قريب
سميه:- اكيد راح تسكن معنا ونحطها بعيوننا
هداج:- اي لو اسمعها تشتكي منكم ياويلكم مني
عفاف:- لا تشيل هم راح نعاملها مثل اختنا
هداج:- تعرفون هي عروسه جديده ولازم تسايرونها وبدلعها اول سنه وبعدها تنضم معكم وتخدمني انا هذي قوانيني
سميه:- انت تامر ياتاج راسي
هداج:- عفاف وسميه جهزوا الاكل انا رايح اغسل يدي وبجي القى السفره جاهزه
سميه وعفاف:- تبشر عطنا دقايق والسفره جاهزه
هداج ابتسم بفخر لهم:- احبكم ياحريمي
دخل للحمام الله يكرم القارئ ومسح يدينه وهو يفكر بخطيبته وفيه قهر إن الرجال ماوافق على طول وموضوع خطبته خذت وقت على ما وافقت البنت عليه وطلع من الحمام
وشاف السفره وجلس وسم بالرحمان وبداء يأكل وهو يناظر حريمه وكيف قوته وهيبته مخوفتهم وابتسم بمكر لهم
-
ابو الهنوف هادي:- هذا اخر كلام عندي وبنتس جهزيها عمرها صك٢٧وتبين اجلسها بنات الديره مايمدي يدخلون ٢٠ الا نسمع فلانه تزوجت وعلانه حامل
ام الهنوف شريفه:- يا ابو الهنوف انت تدري هداج ونعم فيه بس بنتي ماتصلح له
ابو الهنوف هادي:- وليش ماتصلح له ماخرب بنتس الا انتِ
ام الهنوف شريفه:- انت شايف عمره هو ٤٠ وبنتنا ٢٧
ابو الهنوف هادي بعصبيه:- وشفيها عادي مو ٦٠ عشان تستحين من عمره انا عمري ٥٣ وما اضمن عمري ويحق لي افرح بـ بنتي
ام الهنوف شريفه استسلمت:- خلاص شورك وهداية الله
الهنوف كانت تسمعهم وهي كاتمه بكيتها دخلت غرفتها وهي تكره ابوها وليش يبيعها على واحد متزوج ومعدد كان اقصى طموحها تأخذ واحد ملكها لحالها بس انقلب حالها إلى أردى حظ مسحت دموعها بضعف وقفت عند دريشتها بقلة حيله وكانت الامطار قويه وفيه صواعق
الهنوف نزلت دموعها:- حتى سماي بكت معي
-
ام رحاب:- عندنا دعوه لبيت الشيخ عايض
رحاب:- دعوة عرس؟
ام رحاب:- لا ابو بهاج طلبنا عشان نخيط بشوت وملابس شتويه ويعطينا مبلغ على شغلنا وانا وافقت
رحاب ابتسمت:- وناسة انا اجي معتس؟
ام رحاب:- اكيد ما أقدر بدونتس واخوانتس وين اوديهم؟
رحاب:- عادي ناخذهم معنا
ام رحاب:- اخاف مايرضون
رحاب:- نشوفهم يمكن يرضون لا شافوهم صغار
ام رحاب:- يارب عاد مايكون عندهم مانع
رحاب:- لا تشيلين هم ماما انا معك
ام رحاب تذكرت شي توصي بنتها:- رحاب اقضبي ارضتس ياويلتس تفشلينا هذا بيت الشيخ لو تسوين شي ننفضح عند الديره ونصير على كل السان
رحاب:- ابشري ماما بس عندي سؤال ليش الناس يخافون منه؟
ام رحاب:- لانه شيخ قبيلتهم انتبهي تجيبين العيد
.
.
#في_قصايد_بهاج_شامة_رحاب