في قصايد بهاج شامة رحاب

٣

ام الهنوف:- يابنت بلا عناد وقومي اجهزي ولا ابوتس بيسود عيشتس
الهنوف بدموع:- خليه يسودها هي سوداء خلقه
ام الهنوف جلست جنبها:- يابنتي غلط انتي كبرتي ماعادتس صغيره لازم تهتمين بصحتس ونفستس وش تبين الرجال يقول لابوتس
الهنوف بعصبيه:- الله يقطعه الشايب وش يبي مني انا ما اصلح له يدور غيري
ام الهنوف:- البنت مالها الا بيت زوجها وانا وابوتس مانضمن اعمارنا عشان تسذا نبي نفرح فيتس
الهنوف:- مابسامح ابوي ليش يزوجني وانا باقي ماجاء نصيبي
ام الهنوف:- يابنتي انتي نصيبتس مع هداج ولازم ترضين بالمقسوم لتس
الهنوف صدت عن امها ودموعها تنزل بقهر مسكت امها العبايه وهي تلبس بنتها اللي واضح مالها خلق للزواج كله
ام الهنوف:- امشي يلا لان طلبت سواق جارتنا ام عثمان
الهنوف بدون نفس:- طيب
ام الهنوف:- عدلي العبايه وسكريها
الهنوف عدلتها وسكرتها:- كم باقي للزواج؟
ام الهنوف:- بعد اسبوع ملكتس من هداج
الهنوف بحزن:- خلاص بتزوجه وانتم على قراركم؟
ام الهنوف بضيقه:- تهون يابنتي وعسى ان تكرهوا شيئاً وهو خيراً لكم
.
.
هداج جهز غرفة الهنوف وشراء كل الاغراض المطلوبه
عفاف بغيره:- شراء لها كل شي وحنا ياعزتي لنا
سمية بعفويه:- وانتِ وش عليتس منهم اهم شي حبيبي مو مقصر علينا
عفاف:- مالت عليتس مدري وشلون راضيه يتزوج علينا
سمية:- هو رجال ومحلله يتزوج اربعه وانا راضيه الحمدلله
عفاف:- مو منتس من عقلتس المخدي
سمية:- لا يسمعتس هداج ويعصب علينا
عفاف:- لا تشيلين هم مو سامع مشغول بتجهيزات عروسته الجديده الله يستر لا يحبها
سمية:- مالحب الا الحبيب الاول
عفاف خزتها:- لا ياقلبي هداج يحبني اكثر
سمية:- هداج ماله غناه عني
عفاف:- لانتس على نياتس ولا هو يحبني
سمية:- هههههههههه لو يحبتس ليه تزوج عليتس الثالثه؟
عفاف تقلد ضحكتها:- وتزوجتي عليتس ههههههههههه
سمية:- انا لاني كنت راضيه بس انتِ مو راضيه هههههه
عفاف:- انا مو راضيه بيني وبينتس مو عنده لان اعرف هداج يسوي اللي براسه ولا عليه من احد
.
.
<بالمدينه الدمام>
طلعت من الغرفه هي ماشيه بشويش فتحت باب المطبخ وفتحت الثلاجة خذت النوتيلا والتوست وهي تحط لها ومايمدي تحط اللقمة بفمها الا تسمع صوت احد ودخلت تحت الطاوله وشافت خالها داخل المطبخ ومعه مكالمه
حامد:- عجزت عنها ابي اعطيها ادويه تفقد وعيها اي ابي انصب عليها واخذ كل فلوسها وعندي لكم بنتها توليب راح تعجبكم
توليب مسكت فمها وهي تسمعه يخطط على امها وعليها وطلع من المطبخ وهي ماسكه النوتيلا ويدها ترجف زلقت من يدها وانكسرت وركضت لغرفتها من سمعته سمع صوت شي انكسر بالمطبخ وقفلت غرفتها انقهر وهو ماقدر يمسكها
حامد بخبث ورص على اسنانه:- ذي كل مرة تفلتين مني زي الفار بس مو كل مره تسلم الجره
توليب برعب:- الله ياخذك مستحيل تكون خال انا شفتك حسيت وراك اشياء مو طبيعيه
حامد بخوف:- ليكون سمعت اللي حصل بالمكالمه!!!!
توليب جلست بمكانها وطق الباب عليها فزت بخوف
حامد بعصبيه:- اذا مافتحتي الباب بكسره والله
توليب بلعت ريقها:- مستحيل افتح الباب روح من هنا
حامد بخبث:- امتس مو موجوده وطريقها طويل يبي لها ساعه توصل البيت وبهذي الساعه يمديني اكسر الباب عليتس واربيتس
توليب برعب:- انت وش تبي مني مستحيل افتح لك
حامد بعصبيه:- فكي الباب بلا عناد ولا بخليه ينفتح بالغصب
توليب ارتجفت برعب:- اكسره ماهمني
حامد ضحك بخبث:- الخوف واضح من صوتس هههههههه
توليب مسكت راسها وهي تحس بدوخه وعيونها بكل مكان بالغرفة وقامت:- مابفتح الباب
حامد ابعد شوي عن الباب وصار يضربه بكتفه مرة ومرتين وثلاثة والرابعة انكسر الباب وفتح عيونه....
-
ام رحاب ماسكه عيالها وهي تمشي بالطريق ورحاب وراها وتشوف عيال الديره يناظرون فيها بإعجاب
رحاب بخوف:- يمه ذول ليش عيونهم علي
ام رحاب:- امشي رحاب قربنا نوصل
رحاب بتعب:- ماما الطريق كأنه طويل؟
ام رحاب:- اي بيت الشيخ كبير وهو بعيد عننا
رحاب بخوف:- اول مره بحياتي اسمع ان في بيت كبير
ام رحاب:- توتس صغيره ماتعرفين شي تكبرين وتفهمين
عبدالرحمن:- ماما ابي مويا عطشت
ام رحاب:- رحاب عطي اخوتس مويا
رحاب طلعت المويه:- اشرب ومنو يبغى غير عبدالرحمن؟
عبدالهادي:- وانا ابي رحاب مويا
رحاب عطته وعطت عبدالملك وشربت هي معهم
ام رحاب بتعب:- وعطيني انا بعد عطشت
كان طالع بهاج وشاف ام رحاب واقفة مع عيالها وبنتها ومع الهواء انشال الشال من راس رحاب وجاء بهاج وهو يرجعه براسها بدون لا يشوف وجها لانها كانت معطيته ظهرها وهي خافت من حست بيدين رجال يحط الشال براسها وخر عنها وهو يمشي بدون كلام لفت تطالع فيه وتشوف ظهره وسرحت
ام رحاب بعصبيه:- رحاااب وجعوه علامتس اناديتس
رحاب فزت:- اسفه ماما سرحت
ام رحاب:- يلا وصلنا عندهم نزلي الاغراض ودخليهم داخل
دخلت رحاب وهي تشوف البيت الكبير فتحت فمها من كبره
اماني جت لهم:- هلا والله ضيوفنا ابوي يقول اللي داخل هذا مكانكم تفضلوا
ام رحاب:- هلا فيتس زود اماني صح؟
اماني بإبتسامه:- اي زاد فضلتس
ام رحاب:- ماشاءالله عليتس يلا رحاب تعالي ندخل
رحاب سلمت على اماني ودخلت مع امها داخل وهي تشوف المكان وطلعت الاغراض عشان يبدون يشتغلون
اماني دخلت عليهم المشروبات والاكلات
عبدالرحمن وعبدالملك وعبدالهادي قربوا يأكلون وضحكت عليهم اماني
.
.
توليب ارتجفت برعب:- اكسره ماهمني
حامد ضحك بخبث:- الخوف واضح من صوتس هههههههه
توليب مسكت راسها وهي تحس بدوخه وعيونها بكل مكان بالغرفه وقامت:- مابفتح الباب
حامد ابعد شوي عن الباب وصار يضربه بكتفه مره ومرتين وثلاثه والرابعه انكسر الباب وفتح عيونه وهو يشوف الشباك مفتوح وتوليب متعلقه فيه والناس متجمعه وهم يشوفونها فوق وماسكه الشباك
حامد بلع ريقه بخوف:- توليب تعالي لا تطيحين انتِ ناويه تنتحرين!
توليب بكسره ودموع : ماراح أسمح لك تقرب مني لو على جثتي!
حامد خاف:- ماراح اقرب انتي تمسكي فيني لا تطيحين
توليب دموعها تطيح عشر على عشر:- لا تقرب مني الله ياخذك ماراح اسامحك كل عمري
ام توليب شافت الناس متجمعه عند شباك غرفة بنتها ودب قلبها الخوف من شافت بنتها متعلقه عند الشباك واي لحظه تطيح
ام توليب تجري ودموعها تسبقها:- بنتي بنتييي انقذولي بنتي تكفون
توليب وهي تسمع صوت امها:- ماما تعالي انقذيني
الناس كلهم يصرخون على توليب اللي رافضه مساعدة خالها ومصدومين منها
توليب بصراخ:- هذا الوصخ يبي يتحرش فيني مستحيل اخليه يقرب مني
الناس كلهم مصدومين وخالها عصب من كلامها عنه
ام توليب دخلت وهي تمد يدها لبنتها طاحت دموع توليب وهي تمسك يد أمها وأرتمت بحضنها وهي تبكي ودموعها ماوقفت
توليب بخوف:- ماما إذا تحبيني أبعدي الحقير عننا
أم توليب تمسكت فيها بخوف عليها:- طيب راح يصير اللي تبينه بس أنتِ أهدي
توليب وهي مو راضيه تنزل من حضن أمها كأنها طفله ضاعت بين غابه فيها كلب مفترس ولقت حضن أمها اللي يحميها من كل شي
.
.
<عند رحاب وأمها ببيت الشيخ عايض>
علقت البشوت على الباب وتعدهم مسحت على جبينها بتعب
ام رحاب:- بشري بنتي كم خيطتي؟
رحاب بتعب:- خيطت ٤ بشوت بس يبي لهم تعديل
ام رحاب:- الله يعطيتس العافيه ماقصرتي
رحاب:-ماما وين زوجة الشيخ ماشفتها
ام رحاب تسكتها:- اسكتي لا تسألين عنها
رحاب بفضول:- ليش مانسأل عنها هي مو زينه؟
ام رحاب وهي تخيط:- مو قصة تسذا بس هي لها مكانها الخاص وماعليها من اللي يشتغلون
رحاب قامت وتتأمل الحوش الكبير:- ماما حلمي يكون عندنا حوش كبير تسذا
ام رحاب رفعت يدها للسماء:- الله يبلغني فيتس وتتزوجين واحد غني وافرح فيتس
رحاب طيرت عيونها:- ماما مو وقته توني صغيره
ام رحاب:- لا يابنتي لا تقولين تسذا لا جاء نصيبتس ان شاءالله راح تنسين الهم كله
.
.
#في_قصايد_بهاج_شامة_رحاب