في قصايد بهاج شامة رحاب

٦

<عند مطلق والبّدر بالديره>
نزل من سيارته وهو يشوف البيت واضح عليه قديم وله من ٤٠ سنه طق الباب وهو مو متعود يشوف بيت قديم
غرور حطت حاجبها:- مين عند الباب؟
البّدر:- انا الضابط البّدر أبوك مطلق هنا؟
غرور بخوف:- أي بس عسى خير؟
البّدر ابتسم على خوفها ونطق:- كل خير يا اختي بس بلغي أبوك إني هنا
غرور:- طيب
راحت وهي رجولها ماعاد تشيلها ودخلت عند ابوها بالمجلس
غرور:- بابا في واحد يقول إنه الضابط البّدر ويبي يشوفك
مطلق ابو حسن:- تمام قولي له يتفضل وانتِ يابنتي سوي لنا قهوه سعوديه
غرور:- ابشر
وتوجهت للمطبخ وهي تولع الغاز وبدت تسوي القهوه وهي تفكر ليه الضابط جاي وان في لغز بالموضوع
مطلق فتح الباب:- تفضل يالضابط البّدر
البّدر دخل وهو يشوف البيت:- هلا فيك يا عمي
مطلق:- تفضل بالمجلس
البّدر دخل للمجلس:- انا جيت عشان قضية ولدك حسن
مطلق:- اي انا مشتكي عليه
البّدر:- بس ياعمي هالتصرف غلط وكذا ولدك بيعاند الافضل تتفاهم معه يترك هالشي
مطلق:- والله يا الضابط تعبت منه جلدته مافاد معه تفاهمت معه مافاد الولد مو راضي يعقل ومالي الا انتم تساعدوني عليه
البّدر:- تمام ولدك يعاني من شي او ناقصه شي؟
مطلق بحزن:- كان متعلق بأمه ومن توفت انقلب حاله
البّدر:- ابشر يا عمي بحاول اساعدك عليه وبسوي اللي أقدر عليه إن شاء الله
غرور حطت القهوه قريب من الباب والبّدر وهو يسولف انتبهه لها كانت باينه والشال نزل من راسها ومن رفعت راسها على طول صد وطقت الباب
غرور:- بابا القهوه جاهزه
مطلق قام:- يلا بابا روحي داخل
البّدر تعوذ من الشيطان بينه وبين نفسه:- اعوذ بالله منك ياشيطان انا وش خلاني اشوفهاا الحمدلله ابوها وهي ما انتبهوا علي وانا اشوفها
غرور دخلت وهي تشوف ملف ومكتوب عليه "الضابط البّدر بن الوليد"
غرور بينها وبين نفسها:- ماشاءالله اسمه مررره فخم كيف شكله؟ بالاخير يطلع واحد عادي مرع بس الاسم ينقذهم
البّدر:- يلا ياعمي انا استأذن منك وان شاء الله القضيه ماشيه
مطلق:- الله يحفظك ياولدي
البّدر طلع وغرور وهي تحاول تشوفه من الشباك بس عجزت كان سريع وبسرعه طلع ورجعت بمكانها وانسدحت لانها تعبانه
.
.
<عند سلطان>
وصل للرياض ونزل من الطياره وهو يتنفس بـ حُب واخيرًا وصل للرياض لنجد العذيه طلب أوبر وحط أغراضه وراء وشاف المُتصل عليه أخوه البّدر كان مره مشتاق له
البّدر:- هلا والله بالعضيد شخبارك؟
سلطان:- هلا فيك زود انا بخير وانت؟
البّدر:- اطمنك اموري كلها زينه بس كلمتك افضفض لك
سلطان مسك ضحكته:- اكيد تفضفض من الجوال الله يرحم زمان اول تقول الو سلطان تعال بغرفتي وتسكر
البّدر:- هذا اول يوم كنت برياض بس الحين انت بعيد عننا بعدين ليه تقول كذا كأنك تلمح على شي!
سلطان حس انه قرب ينقفط:- لا وين يا اخوي بس انا اطقطق
البّدر:- يلا ان شاء الله ترجع بالسلامه عاد رياض اشتاقت لك
سلطان:- حبيبي والله، الا لا تضيع الموضوع علامك؟
البّدر:- ابك شفت لي قضيه غريبه مستوعب في رجال مشتكي على ولده ويبي يرميه بالسجن؟
سلطان بصدمه:- مستحيل اكيد تستهبل علي
البّدر:- لا يارجال ما امزح معك والله جد انا مستغرب مره
سلطان:- وش قضية ولده؟
البّدر:- اللي اعرفه ولده مفشله عند جماعته ويبي يوقفه عشان كذا شاف انه افضل حل يسجن ولده
سلطان:- اشوف السجن مو حل
البّدر:- ابوه يشوف حل مدري وش يشوف انا زي تفكيرك ما اشوفه حل ابدًا
سلطان:- الله يعين الدنيا هذي كلها قصص وكل قصه اغرب من الثانيه الله يصبرنا ويعطينا القوه
البّدر:- امين الا قول لنا يا دكتورنا مستعد تفتح لك عياده برياض؟
سلطان ابتسم:- ان شاء الله قريب وابوي وعدني ماراح يخلي شي بخاطري وبعد سنتين اكون كبرت حلمي وبتزوج ان شاء الله
البّدر:- يارجال شرايك تتزوج هالسنه قبلي دايم ادعي اقول الله يزوجك قبلي
سلطان ضحك:- مجنون هههههههه علامك تبي تتزوج اخر شي!
البّدر:- ابي اهلي يفرحون فيني فرحه خاصه عشان كذا
سلطان:- انت اغرب واحد شفته بحياتي  بعد سالفة الرجال اللي قلته لي ههههههه
بعد المكالمه قفل وبعد نص ساعه وصل لبيتهم ونزل منها وهو مشتاق لامه ولابوه مايدري وش ينتظره لبعدين
سلطان تنفس بعمق:- بعدت ٧ سنوات عن اهلي ودرست بغربه وطورت اللغات عندي وجيتهم اليوم وانا دكتور ومعي شهادتي وبفتح عياده وبرفع راس اهلي فيني
ام البّدر شهقت من شافت ولدها جاي ومعه شنطته ومعه أكياس فرحت وراحت عنده وهي تضمه وهو بادلها الضمه
ام البّدر بفرحه:- دنيتي الثاني جاء الحمدلله على سلامتك
سلطان باس يدها:- الله يسلمك انا مسوي لكم مفاجأه
أم البّدر زغرطت بفرحه وكانت وفاء تسمع الاصوات ومستغربه وراحت تصعد فوق السطح ووو
.
.

<عند ام رحاب ورحاب بالديره>
ام رحاب جلست بمكانها وهي مغطيه نفسها بالشال عشان ما أحد يشوفها وضلت تبكي ولاحظت رحاب أن أمها فيها شي
رحاب بخوف:- مامي فيتس شي؟
ام رحاب تحاول تكتم بكيتها:- لا يابنتي مافيني شي
رحاب:- طيب ناظري فيني علامتس مغطيه جمالتس عني؟
ام رحاب ابتسمت بإنكسار:- الله يجبر بخاطرتس كثر ماتجبرين بخاطري وكثر ما انتِ معي
رحاب قربت وضمتها:- احبتس ليكون الشيخ ابو بهاج ماعطاتس الراتب عشان كذا زعلتي؟
ام رحاب:- الا عطاني يابنتي
رحاب:- تمام مامي دام الراتب معنا اليوم نطلع نشتري مقاضي عشان نسوي لاخواني اكل
ام رحاب:- ان شاء الله يانظر عيوني
رحاب:- ماما انا خيطت لبيت اهل احلام فستان لاحلام
ام رحاب:- تمام يابنتي انا شوي تسذا اشوفه
رحاب قامت وهي تكمل تخيط الملابس وشالت هم أمها فجأه صارت هاديه ومغطيه وجها ابتسمت بحزن
رحاب شافت الامطار تنزل بغزاره قامت من مكانها وقربت وهي تحط يدها وابتسمت بـ حُب
رحاب ابتسمت بحزن:- جيت اسلم عليك يا بابي الله يرحمك
ام رحاب سمعتها وبكت بقهر بينها وبين نفسها:- ليتك يامطر حيي وشفت حالي عجزت اسوي كل شي انا احتاجك!
رحاب ضلت حاطه يدينها وهي تدعي لابوها والامطار امتلت بيدها مسحت على وجها بـ حُب وتخيلت ابوها يبتسم لهاا
.
.
<عند بهاج وابوه>
عايض ابو بهاج:- تعال بهاج ياولدي ابيك بموضوع
بهاج جلس جنبه:- هلا يبه امر؟
عايض ابو بهاج:- الحرمه اللي جت اليوم ام عبدالهادي عرفتها؟
بهاج:- اي يبه عرفتها اللي تخيط هي وبنتها رحاب وش فيها؟
عايض ابو بهاج:- ابيك تأخذ اليوم خضراء وفواكه لهم
بهاج بإستغراب:- ليه يبه هم محتاجين؟
عايض ابو بهاج:- بهاج ماتفهم انت تدري انا شيخ هنا ولازم اشوف اوضاع اهل الديره وش يحتاجون وش مايحتاجون!
بهاج:- اي يبه ما اختلفنا بس كلنا ندري ان ام عبدالهادي ماترضى بالصدقه ولا ترضى الا برزقتها وعندها كبرياء
عايض ابو بهاج:- طيب الحين قوم وسو اللي طلبته منك بدون تناقشني
بهاج حب رأسه:- على راسي يا يبه وابشر باللي تبيه
عايض ابو بهاج بينه وبين نفسه:- لازم اكسب ام عبدالهادي عشان تعطيني بنتها رحاب واتزوجها
بهاج راح وهو يمشي ويسلم على أهل الديره وجت عنده احلام وهي فرحانه من شافته يمشي ووو
.
.
#في_قصايد_بهاج_شامة_رحاب