𝖬𝗒 𝖠𝗇𝗇𝗈𝗒𝗂𝗇𝗀 𝖥𝗂𝖺𝗇𝖼𝖾

이

┈•┈୨୧┈•┈

> ရေကုန်သွားပြီ

< ကိုယ့်ဘာသာကိုယ် ထွက်ပြီးထည့်

> လက်လှုပ်လို့မရဘူး

< ㅗ

စာကြည့်ရန်ပြင်မှ ဝင်လာသည့် မက်ဆေ့ခ်ျကြောင့် ဆောနူ လက်သီးကိုဆုပ်ကာ စာအုပ်အထပ်လိုက်ပေါ် အားနဲ့ထုချေလိုက်သည်။

မည်သို့ပင်ငြင်းငြင်း သူ၏ တစ်ခုတည်းသော ဆင်ခြေအား မျက်နှာအရည်ထူစွာ ထုတ်သုံးတတ်သည်က ပါရမီတစ်ရပ်လိုပင်။

<နှစ်ဖက်လုံးဘာလို့ကျိုးမသွားတာလဲ wae!!!?

>မင်းဆန္ဒဖြစ်နေလို့လေ ㅎㅎ

ဆောနူ ဖုန်းအား ကုတင်ပေါ်ပစ်ပေါက်လိုက်ရင်း ခြေဆောင့်ကာ ထွက်လာလိုက်သည်။ ထို့နောက် ရေတစ်ဘူးထုတ်ကာ တစ်ဖက်အခန်းသို့ ဦးတည်လိုက်၏။

"မအိပ်မချင်းခိုင်းနေလိုက်"

"အင်း"

ခေါင်းကပါ အဆစ်ညိတ်ပြပြီး ရေကရားအား မေးငေါ့ပြတာကြောင့် လက်ထဲက ရေဘူးဖြင့် ပြေးထုချင်စိတ်အား ချိုးနှိမ်ထားလိုက်ရသည်။

အဲ့မှာ လူပါးဝနေလိုက် !

ရေဘူးထဲမှရေအား ကရားထဲပြောင်းထည့်ပေးပြီး ပြန်လှည့်ထွက်ဖို့ ပြင်သည့်အခါ နောက်ပါးမှအသံက ထွက်ပေါ်လာပြန်၏။

"ငြီးစီစီဖြစ်နေတယ် ရေပတ်တိုက်ပေး"

ဆောနူ ဘာမှမပြောပဲ မျက်နှာထားတည်တင်းစွာ လှည့်ကြည့်လိုက်တော့..

"လက်လှုပ်လို့မရဘူး"

မေးငေါ့ကာ ခပ်ပြတ်ပြတ်ပြောလာသည်မှာ 'မင်းဘာတတ်နိုင်ဦးမှာလဲ'ဟူသည့် သဘောဆောင်နေသယောင်။

လက်ထဲမှ ရေဘူးခွံအား ကျစ်ကျစ်ပါအောင်ဆုပ်လိုက်ရင်း ကုတင်ခေါင်းရင်းအား ကျောမှီထိုင်နေသူနား လျှောက်သွားလိုက်ပြီး..

"တစ်ချက်လောက်တော့ ပေးရိုက်လိုက်"

ဘုန်း!ဘုန်း!ဘုန်း!