اسرار على وشك الانكشاف

1

بقلمي روايه: اسرار على وشك الانكشاف.

الكاتب_يوسف

من أول نظرة حيل تعلقت بيك
عشگتك ما سألتك حاب ما حاب
خُصة البيتكم لمن تعنيت
بديت اصرف شبابي بعتبة الباب

_____________________________________

رحت اتمشى باحدى شوارع بغداد متجه للبيت واستغربت من شفت ابن عمي حمزه
مروان: حمزه شدسوي هنا؟
حمزه: رايح للكوفي
مروان: يله امشينه
رحنه للكوفي وجانو الشباب مجتمعين هناك
مروان: السلام عليكم
الكُل: وعليكم السلام
كعدنه اني وحمزه يمهم ضلينه نسولف ونضحك واخذتنه السوالف وكا حسينه الا الساعه بلوحده بليل

مروان: يله شباب من رخصتكم عفتهم وطلعت هسه الحنينه ضل بالهه عليه

شهرزاد ..

بعدنه دنحجي وندك الباب طفرت افتحه ولكيت مروان كمزت بحضنه بادلني الحضن يضحك
مروان: مشتاقلج كلبه
شهرزاد: اني هم
طبينه اني ويا
ناز: هله هله بشمعه البيت نور البيت يعيون امك
مروان: عمري ونفسي من الدنيه بنورج يروح الروح

مروان باس امي من راسهى وصعد لغرفته حسيته متوتر او خايف من شي

صعدت لغرفته دكيت الباب

مروان: تفضل

شهرزاد: تاكل شي اجيبلك شي؟

مروان: لا حبيبتي شبعان.

شهرزاد: شبيك شو احسك متوتر او خايف من شي

مروان: لا حبيبي ما بيه شي بس جنت بلشغل بمسرح جريمه بس جانت كلش معقده الكاتل جان حذر ممبقي شي عليه شكد اني خبرتي بشغلي قويه بس جانت كلش معقده باجر ان شاءلله الكالهه حل

شهرزاد: لعد شكد شغلك متعب

مروان: كاعد تشوفين كل هاي الصعوبات بس اعشق شغلي من جنت صغير واني احلم اصير محقق جنائي

شهرزاد: يله عيني اروح انام نعست

مروان: نوم العوافي تصبحين على خير

شهرزاد: وانت من اهلو حبيبي

مروان..

كعدت الصبح طبيت سبحت وطلعت بدلت ونزلت جوه
_ good morning

شهرزاد: good morning عيوني

ناز: شنو يمه معنى good morning؟

مروان: ههه مهناهه صباح الخير يمه.