اسرار على وشك الانكشاف

10

بقلمي روايه: اسرار على وشك الانكشاف

الكاتب يوسف
ــــــــــــــــــــــــــــــــــــــــــــــــــــــــــــــــــــــــــــــــــ

اخذت تلفوني ورحت للمطبخ بعدهم بل غرفه يحجون جانت اكو شوي مواعين غسلتهن ورحت طلعت برتقال من الثلاجه اسوي عصير خلصته العصير اريد اروح لغرفتي بس بل غلط سمعت ابويه يكول
منير: لازم تعرف هسه صار الوقت المناسب

بعدني واكفه بنص المطبخ وقفل الباب انفتح فزيت على صوت ابويه وهو يكول

منير: بنتي تعالي عندي موضوع وياج
_ اي يابه اجيت

اخذت العصير ورحت للصاله توزعنه على التخم وبده
ابويه يحجي
منير: بويه شهرزاد عدنه موضوع مهم وياج افتحى كل حواسج وركزي ولاتتسرعين بلكلام
من تزوجت أمج جابت ولد الي هوه مروان وحملت بلثاني وكل ضنها بنيه بس طلع ولد وطبعاً لا أعتراض على حكم رب العالمين بس الله مارزقها بـ بنيه شفتها انقهرت تريد بنيه فكرت فكرت اجتني فكره اجيب بنت من الميتم والي هيه انتِ.

تجمدت بمكاني واني ممصدكه الكاعد اسمعه.

_ يابه كاعد تسون بيه مقلب؟؟
منير: لا والله بس هاي الحقيقه ما اكدر اضم عليج بعد
مكدرت اتمالك اعصابي اباوع على امي منهاره اخواني وجهم طماطه من البجي اني من الصدمه منزلت دمعه من عيني محسيت بروحي فقدت الوعي صحيت وراسي يفتر هموم الدنيه كلهه بيه ما احس براسي من الصدمه الاجتني جان كاعد يمي ابويه وعيونه حمره حجيت واني اعيط ودموعي عشره عشره
_ يابهههه الله عليكك كول كاعد تشاقهههههه يابهههه

منطق ولا كلمه بس حاط ايده على وجهه ويبجي .
صحت بأعلى صوتي
_ مرواننننننننن
اول منطقت اسمه فتح الباب وعيونه مليانه حزن سرع خطواته اتجاهي وبلهفه حضني
_ يعني ليش هيج تسون بيه خليتوني اتعلق بيكم وبعدين دكولون اني مو بنتكم ليششششششششش

ضليت اصرخ بهستريه صراخي هز المستشفى هز
مروان راح يصيح الدكتوره واني على نفس حالتي اصرخ واناشغ وارافس بمكاني فتحت الباب امي وهي تركض عليه قاطعت شهكتي واني احجي بحرگه گلب

_ ليش يمههههه ليششششش هيج تسوننننننن بيهههههههههه
ناز: يمه بس اهدي شويه لخاطري والله اني افهمج بعدين والله يمه لتحرگين گلبي عليج يمه
_ شتفهمينييييييييي تفهميني انو اني صرت يتيمهههههههههه ليششششش هيج يصير ويايييي ليششش

انفتح الباب وفاتت الدكتوره وراهه مروان اتقربت الدكتوره تريد تضربني ابره واني ارافس اجه مروان حضني حيل واسمع شهكاته مكدرت اقاوم بعد استسلمت ضربتني الابره ثواني محسيت بروحي ونمت

مروان ..
نهد حيلي من شفتهه بهيج حاله ما اكدر اشوفهه بهاي حالتهه بس والله تبقى اختي غصبن عل يرضى والمايرضى نور راح جاب مي واجه وجهه مورم ما نطق اي كلمه الصدمه جانت مألمه على الجميع
_ نور حبيبي مهما يكون تبقى اختنه ويزيد دلالهه فوك الدلال الجنه ندللهه