اسرار على وشك الانكشاف

4

بقلمي روايه: اسرار على وشك الانكشاف

                       الكاتب_يوسف

          {لا تنسون التصويت بين الفقرات}
 

     _________________________________

وصلنه وشفنه واحد واكف يم بابهم عرفته ابن عمهه اجه علينه تقرب وكال

احمد: وين جنتي ومن هذوله..

مروان: من هذوله شنو ما عاجبينك

_ اول شي محد حاجي وياك ثاني شي من اوجهلك الكلام يله تجاوب

اخذ ريڤان من اديهه وهزهه هز

احمد: كاعد اكول منو هذوله

اجيت عنهه وخرته منهه وكتله

_ باوع لك اخر مره تمد ايدك عليهه واذا فكرت ومديتهه اكسرهه واموتك افتهمت لو اعيدددد

احمد: متخوف جلبي

كمزت عليه وضربته ضرب عل وجهه عل بطنه بوكسيات وين ميوجعه وريڤان وشهرزاد يريدون اوخر عنه

ريڤان: الله يخليك كافييييي

سمعتهه ووخرت عنه راسآ

_ ريڤان فوتي جوه لغرفتج واقفلي الباب واذا حسيتي هذا الخيسه يريد يطخ شعره من راسج
بس خابريني او خابري شهرزاد دقايق واني يمج

انطيتهه رقمي وفاتت تركض جوه واني لازم هذا الخيسه مر وقت اكيد هسه راحت لغرفتهه دفعته وكع بلكاع وكتله

_ تنبيهه اخيرررر

اخذت شهرزاد وصعدنه بل سياره وبطريقنه للبيت

شهرزاد: والله يا مروان اذا هسه ريڤان  محبتك اتفل بوجهي

_ لعد اني شريد. بس اكلج شغله

شهرزاد: كول

_ انتي جوهرتي تعرفين شنو جوهرتي. يعني اني جنت احتمال اكتل روحي اذا تزوجت هذا ابن الكلب احمد

شهرزاد: والله يا مروان اول ما رجعنه انته صعدت فوك اني لحكتك لكيت نايم فنزلت خابرت ريڤان وكتلهه شكو شنو السالفه وكالتلي هذا الخايس ابن عمي ناهي عليه بس لو امووووت ما ازوجه لو يدفنوني جوه التراب خلصت وكلتلهه شنو رأيج بمروان كالت هو شاب حلو وانيق وتعبان على نفسه
خلصت وكتلهه تره هو يحبج ورايدج على سنه الله ورسوله

_ ليش كتيلهه يحبج

شهرزاد: هسه غير يكعد براد بيت وذا كتلهه احبج غير انته تبادر لو تريد ريڤان تبادر

_ كملي كملي

شهرزاد: اي وبعدهه خابرتهه والبقيه صارت كدامك
هسه انتَ احجيلي بل تفصيل

_ من نرجع والله احجيلج هسه عوفيني فرحان

شهرزاد: اذا تنسى بعد ما احجي وياك