اسرار على وشك الانكشاف

8

قلمي روايه: اسرار على وشك الانكشاف

                         الكاتب_يوسف
ـــــــــــــــــــــــــــــــــــــــــــــــــــــــــــــــــــــــــــــــــــــــ

طلعت عليه لكيت جايب السياره مالتي وصعدت
شاهين: اليوم نتويهم توييييي
_ وحك ربك اليوم ميفلت من ايدي.

خابرت ريڤان.

_ هلو ريڤان شلونج
ريڤان: الحمدلله وانتَ
_ الحمدلله. اكلج وين بيت ابن عمج احمد
ريڤان: مروان بداعتي عوف لا تسوي مشاكل
_ كلشي ما اسوي بس اتفاهم وياه
وصفتلي البيت مالتهم. ورحنه دكينه الباب وطلع
هو شافنه يريد ينهزم كمشته من ياخته ونزلت عليه ضرب مخليته شاهين يكتله علمود ميكول اثنين على واحد
_ ولك يا عار الزلم انته هم حاسب نفسك زلمهههه من تغدر هاي شيسموهاااا زلمه لو مرههه
لزمته مخليته يتنفس كتل بكتل طلع ابوه والزلم ال بل بيت كلها طلعت اجه ابوه وخرني من عنده بلكوه
ابو احمد: انته شنو تمد ايدك على ابني؟
_ هههه عمو ضكتني كلش ليش متلبسه شال وتكعده بل بيت؟
ابو احمد: لا تجاوز لا اكسر راسك افتهمت؟

_ ما اتجاوز على واحد غثههههه الزبده اني وريڤان طلعنه للمطعم اريد احجي وياهه بموضوع. وابنك الخنيثه غدرني وضربني بحديده على راسي

ابو احمد: ولك انتَ شو متستحي شنو طلعت ويه بنت اخويه للمطعم شنو تقربلك

_ باوع حجينه ريڤان ريڤان ما تصير لزلمه غيري ما طول اني عايش

ابو احمد: باوع لك تره لحد الان محترمك

_ هههههه ضحكتني احمد اذا يتقرب ل ريڤان او يمس شعره من عدها او يفكر يتزوجها تلكه جثته كدام بابكم

احمد: وانته مصدك ريڤان تقبل بيك

_ هههه نشوف ريڤان اليه غصباً عن اليرضى وال ما يرضى
استداريت على شاهين وكتله

_ يله حبيبي امشي نروح لا ارتكب بيهم جريمه ثنينهم
وصلنه للسياره واباوع عليهم وابو احمد يشيل بروحهه ويركعها صعدنه السياره ورحنه على بيت ريڤان دكيت الباب وطلع ابوهه
_ نكدر ندخل

ابو ريڤان: اي بويه تفضلو
دخلنه جوه كعدنه وكتله

_ عمي جايك احجي وياك
ابو ريڤان: تفضل ابني احجي
_ اني رايد بنتك ريڤان على سنه الله ورسوله

ابو ريڤان: مو كتلك ابن عمها ناهي عليها

_ عمي شنو ابن عمهه ناهي عليهه شنو هاي السوالف
يعني شخص بنتك ما رايدته تجبرهاا؟ اسأل بنتك وكوللها المن تريدين احمد لو مروان وهيه تجاوب اذا اختارت احمد وجهي بعد متشوفونه واذا اختارتني نحدد موعد نجي نخطب