اسرار على وشك الانكشاف

6

بقلمي روايه: اسرار على وشك الانكشاف

                         الكاتب_يوسف
ـــــــــــــــــــــــــــــــــــــــــــــــــــــــــــــــــــــــــــــــــــ
رجعت للبيت فتحت الباب واسمع صوتهه
طبيت
مروان: السلام عليكم
الكُل: وعليكم السلام
صعدت فوك غسلت وبدلت وحضرت ملابسي
ونزلت.
كعدت بل صاله يمهم شويه وصبينه الغده سفره انمدت على طول الصاله من ضمن الاكل جان اكو
معكرونه بل بشمل عرفتهه شهرزاد مسويتهه علمود
ريڤان كعدنه على السفره كلنه خلصنه اكل وماما كالت
ناز: ها يمه ريڤان شلونه الاكل؟
ريڤان: والله يا خاله عاشت ايدج عل هل الاكل صدك كلش طيب
ناز: الف عافيه يمه.
لمو الاكل شهرزاد وامي وريڤان. ورجعت امي وريڤان كعدو بل صاله وجابت شهرزاد الچاي واجتي للصاله
اجتي كاعد تقدملي الجاي وهمست
_ شهرزاد بعد ما اكدر اريد احجي وياهه
همست اليه وكالت
شهرزاد: ولك شبيك سيطر على مشاعرك هههههه
_امشي لج ادبسزز ههههههه
دك تلفوني فتحت خط

_ الو
نور: هلا هلا وغله اكلك بشرفك تعال اخذني عندي بريك 3 ساعات
_ريڤان يمنه
نور: جذبببببب
_ والله
نور: تعال اخذني هسهههههه
_ جايك بس لتنجلب
استأذنت منهم ورحت جبت نور خابرته طلعلي صعد بل سياره
نور: تحرك
رجعنه للبيت فات نور
نور: اهلا اهلا منو يمنه اليوم المثقفه
ريڤان: اجه الخبل
نور: شو ما اجيتي للجامعه لو علمود تشوفين م....
مروان: احم احم احم
نور: سوده عليه غص الولد شهرزاد من يمج مي. غير تنتبه يا خويه
الكل كام يضحك على ضحكت الوحده بس ريڤان ضحكت بخجل
ريڤان: تره شهرزاد عزمتني واجيت يمهه مو علمود اشوف احد
نور: لا تبررين افتهمج
ريڤان: روح طب غسل لو اطلع قهر الدراسه بيك
نور: اويييييييييييييييي نزول عليج بس اكو شخص هنا خلي يدير باله عليج هههههه
ركضت وره نور صعد يركض فات الغرفته وقفل الباب
نزلت جوه واسمعهم يضحكون
_ يله عيني من رخصتكم اروح على شاهين
ريڤان: تكدر توصلني للبيت اذا ماكو اي زحمه
_ يله تعاي تفضلي
سمعنه صوت من فوك يكول
نور: انوب تكول اذا ما بيهه زحمه خوب كليله احبك وخلص ريڤان طلعت تركض بره وكالت
ريڤان: انتضرك بره
صعدت فوك على نور كياره لزمته فوتته للغرفه مخليته يتنفس من الكتل
_والله متوب الف مره كتلتك. ليش هيج تسوي هسه شدكول.
نور: دكول احبك وخلص
_ ياريت والله دكول وتخلصني
نور: اقنعهه اني؟
_انته بس اكفي الشر هي تكول
نور: يله روح تنتضرك الحب بره
نزلت اركض صعدنه بل سياره وترحكت لبيتهه
استداريت عليهه وكتلهه
_ زعلتي؟
ريڤان: لا عادي تعودت على سوالفه
_ زين اكلج شصار عل ابن عمج
ريڤان: ما اعتقد ناوين على خير
_ بس خليهم يقتربون امحيهم من الوجود
وصلنه للبيت نزلتهه ورجعت للمستشفى
فتت على شاهين سلمته عليه وكعدت بصفه
_شاهين احجيلك شغله بس مدكول الاحد
شاهين: كول سرك ببير
_ اني احب وحده
شاهين: واخيرا رح اشوفك عريسسس
_ لا تستعجل. رحنه نطلب ايدهه بس ابن عمهه ناهي عليهه واني رحت الهه وعترفت بمشاعري اتجاهه وكالتلي انطيني وقت افكر
شاهين: اي انطيهه وقت تفكر هيه شنو تقرب لك؟
_ بنت عم شهم
شاهين: تريدني اضربك؟
_ليش هههه
شاهين: يعني بنيه غريبه وتريدهه تحبك بساع
_ هسه شسوي
شاهين: ابقه انتضرهه لازم تحارب علمود الحب.
_ اموت عليك وعلى سوالفك
حضنته وبادلني الحضنن
_ اروح اشوف الدكتور علمود تطلع اليوم
شاهين: واذا كلك مو اليوم اضربه بوكس على خشمه
_ ههههههههه متفقين
رحت على الدكتور وكتله
_السلام عليكم دكتور. شاهين يكدر يطلع اليوم
الدكتور: اي يكدر بس نجي نطمن عليه
_ تمام
رحت رجعت لشاهين وكتله شويه واجه الدتور جيك حالته واخذت العلاج وطلعنه صعدنه بل سياره بطريقنه لبيت شاهين
شاهين: ما اعرف شلون اتشكرك على وكفتك وياي
صحيح ما عندي اخو بس انته اخويه
_ غير شاهينو يدلل لك انته مو بس صديق انت اخو واعز من اخو
شاهين: افضالك ما انساهن
_ افديك بروحي اذا تريد
شاهين: والنعم من شاربك.
وصلته للبيت ورجعت اني للبيت طبيت البيت هدوء كلهم بغرفهم صعدت سبحت وبدلت ونمت من التعب
كعدت الصبح الساعه بل 10 غسلت ونزلت جوه لكتهم كاعدين يجهزون بل ريوك وابويه كاعد بل صاله
_ صباح الخير للجميع
الكُل: صباح النور
رحت كعدت يم بابه جابو الريوك وكعدنه ناكل
منير: شلون صار شاهين
_والله الحمدالله.
شهرزاد: انته البارحه ليش مسيطر على مشاعرك هههههههه
خصيت بل جاي وهمست الهه
_ بسيطه
شهرزاد: يمه سوده عليه غصيت بل جاي
منير: شكو بويه احجي شنو متسيطر على مشاعرك
_ عوفهه بويه هاي تمسلت جنهه اخوهه
خلصنه اكل ورن تلفوني
_ الو هلو شاهين حبيبي شلون صرت
شاهين: والله الحمدلله انته شلونك
_ والله بخير
شاهين: خابرونه صايره جريمه وحتاجينه
_ اكعد استجن بيتكم اني اروح
شاهين: هههه يله من تخلص خابرني
_ تمام.
نهيت المكالمه واستأذنت منهم وصعدت بدلت ورحت على مسرح الجريمه ضليت تقريبآ ساعتين اخذت كم معلومه وبصمات ورحت وديتهن لمركز الشرطه
وصلت للمركز نزلت سلمتهه الهم وطلعت رن التلفون باوعت على الاسم رخ ما مصدك عيوني معقوله؟
رديت
_ الو.
ريڤان: هلو مروان شلونك
_ هلو ريڤان الحمدلله انتي شلونج
ريڤان: والله الحمدلله اكلك عادي اطلب طلب؟
_ امري.
ريڤان: اريد احجي وياك
فتحت عيون من الصدمه ورديت
_ اي اي اكيد وين تحبين نلتقي
ريڤان: نفس المطعم
_ رحت اركض على السياره فتحت السياره صعدت ورحت للمطعم نزلت لكيتهه توهه واصله
نزلت اركض رحت عليهه
_ هلو ريڤان شلونج
ريڤان: الحمدلله
_ ندخل؟
ريڤان: يله
بعدنه بطريقنه نطب للمطعم حسيت بخشبه انضربت على راسي واخر كلمه سمعتهه من ريڤان ووفقدت
ريڤان: مروانننننننننننننن ....

يتبع ..