#سقيم_الهوى١
حنين : يمتى توصلون
رسل _:هسا طلعنا بالليل نوصل ولج مشوقة اشوف فرحة إمير
:ما مصدگ امير الصبح اتصل عليها يكلها صدگ باجر تصيرين بأسمي
.... والله متعنيه من العماره البغداد الخاطر اشوف فرحتهم
:يلاا لا اطولون مشتاقين الخالة
.... مسافة الطريق
حنين :ماما خالة جاية بالطريق شنو سيماه وين
سيماه :هنا انا باوعتلي
"وگالت"
هذا شنو؟؟
: هاي خمره علمود وجهي لا يطكك فدوه حنين حضريلنا عصير وكيك امير جاي
الام
شعنده جاي العاشق الولهان
:هههههه يريد يجيب الكيك والعصير
"گالت"
تقنعيني امير جاي الخاطر الكيك والعصير
حنين : يمتى امير سواله سالفة لو ما الخاطر يشوف عيون سيماه الخابصنه بيهن
:يمه لا تخجلوني فدوه
اندك الباب ع سريع ركضت غسلت وجهي و لبست حجابي وطلعت
أمير _: هلا برزق الله
:فدوه على كيفك ابوي بالديوانية لا يسمعك
_:شحال لو ما انا ابن اخو
:ميخالف يزعل ما يقبل تعرف بي
_: انا الاعرفة هذا هو كدامي بس ما عنده شوارب شلعت كلبي هدية الها الحد ما سمعت جلمة الموافقة
:امير والله مو هيج جنت خايفة من الزواج بس من شفت اميري ميت عليه ما گدرت بعد ارفض
_:شعلتي شيب اميرج بس فدوه الهاي العيون..
:هذا كله الكيك والعصير لو بعد اكو
_:لا هذا كله وجبت زايد هم وانطيت الامي تجيب الماي وتجمده يمها وباجر يجيبوا وياهم من اطلعون للصالون وهااا من هسا اگول سما لا تحطين هواي مكياج شي بسيط
:ان شاء الله
طلعتله امي سلمت عليه وكللها عمه باجر اريدكم تلحفوها الولد كلهم راح يزفونا من الصالون ما اريد واحد يلمح ظلها ومو بس تلبسنها بنطرون وترفعن بدلتها انتبهن
... يا يمه علي كيفك وياها
:اولاََ اسمي سيماه
وثانياََ..!!! شبيك امير صافن
_: كملي شتردين
:وين صافن؟؟
_:صافن بهالعيون شدعوه هيج مسلبات حالي كملي
:نسيتني والله
لزمني و وباسني من راسي خليني امشي مودعه بالله وال بيت نبيه،، طلع امير واني طايره بكلماته ابوي كعد من نومه معصب وضايج امي كالت طفن الديجي هسا ياكل ويسبح ويطلع وشغلنه مالنا خلكه
البنات طفنه،، اباوع البيت يلمع واني كل شوي اباوع للمراية ما مصدگه باجر اصير اله بالرغم من اربع سنين يخطب واني اخاف منه و ارفض والسبب لأن اطول مني بهواي و عيونه مكحلة من الله اخاف منهن مو بس انا كل الجهال واني جنت جاهله ١٦ سنه من خطبني وهو ٢٦ وانا ابجي واكول البابا شبيك يخطبني وويكلتني عمه تگول يخطف الجهال
وهمه يضحكون عليه لأن جانوا يخوفون الجهال بي يكلولهم هسا يجي امير وياخذكم همه ينامون
وانا فاهيه وفقيره واصدگ. ولو شفته انهزم ما اظل بالمكان الهو بي اخاف يلزمني
اخير مره خطبني خابرته من تلفون ابوي وانا ارجف
