#سقيم_الهوى٢
#بقلم_ام_مختار
#دنيا_غانم
لا تنسون التعليقات الحلوه والتفاعل
والنجمة دوسوها يا نجوم
قراءة ممتعة
التهينا بالعزاء تلث ايام ببيت عمي سيف
وابوي زعل ما قبل شلون ببيت سيف وهو الجبير عمي يعقوب كله لأن بيته جبير ويشيل الناس سكت ابوي...
امير _: اكلتِ؟
:اي بس فدوه اريد مفتاح الغرفة اريد انام شوي ميته تعب والبيت كله هوسه
طلع المفتاح وخلا بأيدي وگلي يا ويلج اذا واحد دخل للغرفة
اخذت المفتاح وطرت للغرفه وقفلتها
بارده غرفته ونظيفة نمت بفراشه ابوس بمخدته فدوه الگلبه كلشي بي ينحب
گمت الكنتوره اخجل احضنه او اتقربله استغل الفرصه واحضن بملابسه
فتحت الكنتور معلگ ملابس نسائية ابتسمت يابه ما يمل امير باوعتلهن ذوقة واحد يحب الشي الناعم والالوان ابيض وردي فاتح اصفر فاتح ومكررات خذت تشريته ورجعت للفراش وما حسيت بروحي شگد نمت ما فزيت الا على صوت الباب ع سريع گمت فتحت الباب..
_:نوم العافية حبي
:الله يعافيك
_:بيت عمي راحوا
:اهلي؟
_:اي نزلي اكلي وعلي راحتج اني اوصلج
:اي هسا ع السريع انطيته المفتاح ونزلت غسلت ولبست عباتي حتى بدون ما اكل لان ادري بأبوي هسا يظل يحجي
سلمت عليهم وطلعت
بس صعدت ويا گلي تشيرتي شجنتِ تسوين بي
:اشم عطرك بي
اتحسر "وگال" تدرين باجر توصل الغرفة
:ابوي يگول ماكو عرس عود بعد سنوية جدي
_:جم يوم واحجي وي ابوي حتي لوبعد الاربعين اخذج ونروح للامام لو تردين عرس؟
:لا مو مهم، عادي نروح الكربلا يكفي نزوج
رجعت للبيت ابوي ظل يحجي عليه
شلون تنامين بغرفته
والله جان البيت هوسه ومتروس ناس وانا ما نايمه خذيت المفتاح وقفلت الباب عليه ونمت
ثابت :ما اريدها تتكرر هاي
:حاضر
ظلينا كل خميس نروح البيت عمي نسوي الخميسات وبالاربعين رحنا للنجف من رجعنا بأسبوع عمي سيف اجه الابوي وگله ما نسوي عرس بس ناخذهم وبالامام الحسين هناك يزورون ويزوجون
ابوي ما قبل گله الناس تحجي علينا واهل العماره لو سمعوا يگولون شجاهم ولد محسن
وعمي يعقوب وافق ابوي الرأي سكت عمي سيف
يعقوب : خلي يمر ع الاقل ست اشهر وبعدها ياخذها للامام شو هيه اله ظاله
:امير بالگوه قبل بكلامهم
واتصل عليه ضايج ويسب بيهم
لا تضوج حبيبي لازم هيج يصير عمي،، انت تدري اهل العماره هاي عاداتهم بعد الميت عدهم سنه ياله الناس تفرح بعده
