#سقيم_الهوى١٠
:بعد عني بس اجه غيث
وكل ما اباوعله يخوزر بيه
ولدت رفل الحمد لله لكن استئصالوا بيت الرحم وهذا الشي ما ضوجهم ثنينهم صار عدهم تلاثه خير وبركة
سمعت صوت المؤذن فزيت من نومي وحدي بالغرفة فتحت الاضويه وطلعت شفت ضوا الديوانية مفتوح معقوله انا ناسيته
لأن اخير شي انظفه الديوانية واطلع بعد
فتحت الباب فزيت من ابوي گاعد بالديوانية وحاط الجگاير ويدخن وصافن ما حس عليه انا رحتله بيك شي بويه؟
_:هاا لا تعاي هنا گعدي
:گولي تريد اروح اسويلك الجاي والريوگ
_:لا ما اريد ، بويه سيماه اذا الواحد طاح بشده شنو يسوي
:استغربت ابوي ويحجي وياي ويريد رأيي ،، ماكو مشكله مالها حل مدام عدنا رب كريم واهل البيت.
_: واذا طاح بمشكلة منين ما يفرها مالها حل
:ينطي خبر الاحبابة حتى يساندوه ويجوز لأن هو مشوش ما لاگيلها حل يجوز اهله وناسه يلكولها حل
_:واذا اگلج بويه انا خسرت كلشي وانتِ بنيتي وادري بيج تحبيني
:شنو الخسرته بويه الحمد لله شو كلنا بخير وهذا البيت ساترنا وناكل نعمة فضيله بعد شنو نريد
صفگ ايدي بقوه "وگال"
حتى هذا البيت راح بويه سيماه كلشي خسرت لا ضلي بيت ولا محل ولا قطعة ارض ولا خيمة يا بويه
:تكطع كلبي وانا اشوف دموعة تنزل حضنته لا تضوج ، يولي فدوه الك المهم انت بخير لو نگعد بالشارع انت خيمتنا ولو ناكل خبز وجاي نعمة فضيله محمود مشكور،،
وانا احجي ويا سكت ابوي باوعتله بسرعة صار ازرگ و الجفوف ورمت صرخت على اهلي اول ما اجاني انور ابوووي انور ابووي
شالوا الولد وطلعوا للمستشفى
رفل خابرت اهلها وخابرت ولد عمي يعقوب....
_:گليلي شصاير شلون شفتي بهاي الحالة
:ما اعرف رفل دخلت للديوانية يگلي كلشي خسرت حتى هذا البيت خسرته ما فهمت كلامة وليش خسرهن حضنته وكتله فدوك الك لكيته ميبس بحضني ولج بس لا يموت ابوي
ياسيمن
خاف قصده خسر بالبورصة
:صفنت معقوله لا شبيج ، ابوي صار جوكر هو هيج يگول يعني من الاوائل بهذا الشي ما اتوقع هيج ....
ظلينا ننتظر الحد ما رجع انور وگال جلطة ونايم بالمستشفى ،،، للعصر الدنيا نگلبت اجولنا صحبان ابوي ومن ضمنهم خالي وكلها اطالب بفلوسها
رجع محمد
" وگلهم"
ابوي طاح واحنا كلشي ما نعرف غير تفهمونا شصاير
_:ابوك خلانا ندخل ويا بهاي العملات الرقمية وهو الضمن صاحبة وهسا صاحبة باگ فلوسنا وانهزم من العراق كله
