سقيم الهوى

الجزء الرابع

#سقيم_الهوى٤

#دنيا_غانم
#ام_مختار

: فزيت للصوت بس هو گعد يمي وذب فوگ راسه ماي

محمد
اشه الماي بارد

:ايي

_:ادري بيج ضايجة بس تعايشي حتى لا الوجع ياكل بروحج

:والله حاولت بس صعبه ، انهزم من اوجاعي
الكم اسولف وياكم شوي ارتاح.

_: من رفل گالت كدام الكل اني ما اكدر اتقبل محمد يا حسيت الدنيا شلون عصرت بيه عصر
حسيت بحجاياتها دكن بكلبي واول ايام ما بلعتهن بعدين گلت انا اعرف روحي شنو وهيه تعرف روحها شنو وهذا الاهم وشوي شوي هسا صار كلشي عادي وطبيعي ما بيني وبينها غير الطفل اروح اشوفه لو اجيبه وانتهت

:مشكلتك انت من طرف
اني مشكلتي الطرف الثاني هو الي كاسرني

_:ادري بس اهون عليج بحجيي

:تدري البنات كلولي انهزم للعمارة

_:ايي هسا يزوجله عمايرجية وانتِ اظلين اصفكين الراح بالراح

: فدوه اسم الله محمد تجيني تهون عليه بحجيك وفجأه تذبلي كلمة توجعني

_:بعدين تگولين ما بقن بس كلماتج الوجعني يصبرني ترى مو حلو فجأه تنصدم لازم واحد يتمهدله الوجع

:اووو  ثاري رفل تاركة وجع ما ينسي

_:ماكو وجع ما ينسي بس اكو وجع يترك اثر وهيه تركت اثر

:تحبها؟؟

_:هههههههه، شنو طفلة كاعدة وتصبين عليج ماي گووومي يلا

:مدلي ايده ابتسمت وگمت سبحان الله شگد مشاعر الزلم تختلف على النسوان محمد صار اكثر من خمس  سنين من طلك رفل بس ما نساها وبعده يحبها بس ما نحس عليه ولا يبين عليه وحتى من نجتمع ما نشوف هذا الشي بعيونه
عكسنا فضيحة بكلشي

عصر ثاني يوم محمد جاب الكيكة واجن صديقات كوثر بغرفتنا وسديت الباب اجه ابوي وسمع هوستهم صاح شصاير؟

"امي كلتله"
كوثر جاي تحتفل وي صديقاتها

"گلها"
خلصيلي الهوسه بسرعة مالي خلگ

"جاوبته من ورى خشمها"
اي البيت جبير وروح خلي البنيه فرحانه وي صويحباتها لا اطلعنا وتونسنا وابيتنا ما تخلينا متونسات

:انا وسناء سدينا حلگ امي ندري بي ما يسكت وهسا يغسل حالنا وكوثر ويانا

الاب
انت انت ولج العاشگه هاي سوالفج انتِ سويتيلها العيد ميلاد

:لا والله انتوا منطيها فلوس كلت يعني قابلين وانا بس رتبتلها الطاوله وحطيتها بغرفتنا حتى انت لا ادوخ

الاب
ثاني مره لا تصرفين بكيفج خاطر ما اطبكج وي امج

:امي هزت بأيدها ومشت وهو صعد للطابق الثاني شوي ونزل گال راحوا ترى دخت