#سقيم_الهوى٧
#بقلم_ام_مختار
محمد
احسن ريحنا وارتاح، عفتهم ورجعت للبيت
وهذا كل الي صار وياي
"امي گالت"
احسن خلي يفكنا ابن سيف لزك فرد لزكه
"گال محمد"
وانتِ شو ساكته سيماه
:انا ادري بهذا الشي من جنا فوگ السطح گلي يعني مو بهالوضوح بس گال محد يظل طول عمره ينتظر
_:بس انتِ راضيه تنتظرين لو هم تردين ترتاحين؟
:لا خلص بعد هذا هو سويت العليه الله يوفقه بحياته
نزعت حلقتي من بعد تلث سنوات وحطيتها بعلبة الذهب وانطيتهن الامي ضميهن ووقت ما يفسخ الخطوبة انطوهن اله انا اي شي ما اريد
رجعت للغرفة جنط النيشان رفعتهن هم گلت وقت ما يفسخ انطي النيشان ظالات هيج ماله داعي
سديت باب الغرفة وطفيت الضوا ونمت بفراشي وعيوني على السگف وانا اتوعد لدموعي اذا اطيحن والله اشلع عيوني
عيب عليجن بكل مره تخذلني
واحجي وي دموعي من كل گلبي بس الظاهر ما يفيد من وحدهن نزلن ما اگدرررر شگد احاول واگول انسا بس ما جاي اگدر ، كالعادة دخلت كوثر وكعدت يمي وكل شوي تبوس راسي
ليش هيج حظي ،، ليش من ردته وكلت اعيش ويا واسويلي عائلة صغيره كلشي تبخر
ليش حتى سكوتي ضربوني عليه كلولي ما تصيرين اله وتنتظرين على الخالي بلاش وقبلت
وانتظرت وما حجيت تالي حتي على الانتظار حاسبوني ولو هو اول واحد حاسب
_:لا تقهرين بروحج مسحي دموعج وخلي يفسخ العقد وحتى لو اضطر الامر ازوجج جعفر حتى نحرك كلبه
واني دموعي يصبن ضحكت
:هههههه وانتي شلون بيج
_:هنوب اخنكج واكلهم انا اربي ولد اختي
:ههههههه عايشة خوش حياة وي خيالج
_:شسوي انتي بس تعوين واني طكت روحي اريد بس اكبر
:عيني لاتكبرين لا تستعجلين...
سبوع وعمي طلع من المستشفى وهنا صار عليه الصبح مثل الليل على العاشگ اخاف بأي لحضه يدگون الباب ويگولون خلي ننهي هالرابط
بس ما بينوا ولا اجو بس ابوي جان اله رأيي اخر
كوثر
ها بويه شو متكشخ ولابس الزي العربي وين رايح؟
.... اي اريد اروح البيت عمج ،، ها بويه محمد كملت؟
_:اي انا جاهز
"سألته امي"
وين رايح ابو محمد
..... رايح البيت سيف اريدهم يحطون حد الهاي السالفة هم صار ست اشهر من طلع من العمليه ولا اجولنا ولا فسخوا هل خطوبه ساعة السوده الوافقنا بيها
:وكفت بس افرك بأيدي ما حركت روحي ساعة اكول انتفض واحجي وساعة. اكول اخلص واريح كلبي
من هموا ورادوا يطلعون صحت لمحمد
