#سقيم_الهوى٩
#بقلم_ام_مختار
#دنيا_غانم
بنوتات كل ما جاي اگدر انشرللكم انا مو بأيدي هو بكيفة لحضه يجي النت وساعات يختفي
فـ فجأه تلوكني ناشره كل البارتات واخلص ههههههه
حنين
ضحى بت خالته
:ويمتى الخطوبة
_:هذا الاسبوع
:الله يسعده ، هذا هو كلش كافي ست سنوات ماكو رجال ينتطر اكثر
_:بس انتِ جاي تنتظرين ولو اجتلج خطابة اطيحين على رجلين ابوي حتى يسد الموضوع
:وانا كلت ماكو رجال ينتظر انا مو رجال
عفتهم وطلعت ورى البيت يم اولاد بزونتي
حتى هيه راحت وعافتني بقوا بس اولادها يمي مداريتهم واحبهم على حبها
اجالي محمد كعد يمي
"گال"
ها كلولج
ما گدرت اسكت ظليت اشهگ مثل الطفل
:صح مقهورة بس هذا هو هذا حقة بعد قابل شگد ينتظر الله يسعده
"گلي"
كتلج من زمان خلي ننهي هالعقد بعدين تتوجعين
شبيدي ،، من سمعت يردون يخطب له حاجيت ابوي ونزلت على رجله والله كتله خليها بس تزوج ماكو بعد ابوي وانتِ اعلم
:ما يحتاج محمد هيه من البداية ما تصير احنا هذا الانتظار كله نضحك بي على روحنا انا انتظرت والا هو انتظر ما يتغير شي...
"گلي"
جا لا تبجين وعلي من اشوفج تبجين جن ياخذون روحي مني ويردوها
والله اطلكج منه وادورلج واحد يشبها وازوجج اله حتى اسمه اغيره اسمي الج امير
:ههههه
_:ايي اريدج هيج اضحكين
:باسني من راسي وحطني بحضنه وكعد يلاعب بزازيني
" وكل شوي يگلي"
مو عندج احفاد مو عيب عليج تردين الولد ينتظرج واحفادج بطولج
:الله يسعده
اگولها والحسرات تتواله بحنجرتي ما ادري اذا صدگ اتمناله السعادة ...
رجعت الغرفتي فرشت وگلت للبنات خلوني بس انام ولو نمت لحد تحوس اريد انام عليكم الله لحد يجيسني
حطيت راسي على المخده واول شي تخيلته شلون يبوسها من راسها ،، صعب شي الك يروح الغيرك تتمنى روحي هسا اگوم واروح يمهم واكلهم انا رايحتله مو بكيفكم تبعدوني عنه
بس صعبه يا كثر ما هي صعبه يا كثر وجعي بروحي
ظليت اتخيل ودموعي اصب الحد ما نمت...
رفل
فزيت الصبح طلعت للطرمة ما لگيت سيماه
توقعت ما الگاها خاصه بعد ما عرفت هسا تحبس روحها بالغرفة
فتحت الباب عليهن كلهن نايمات سديت الباب و كمت انا غسلت الطرمة وحطيت البزازينها اكل وماي وسويت الريوگ العمي الي بس شافني گال جا وين سيماه
جاوبته زوجة انور
نايمه امس راسها وجعها وما كدرت تنام من وكت
اسوياك جاي عمي؟
