فاتن

البارت الخامس عشر

انا فاتن فمن انتِ؟
انا فاتن التي ضربت في اول يوم ولدت به فمن انتِ؟
انا فاتن التي تعرضت لابشع واشد انواع الاغت**ب فمن انتِ؟
انا فاتن التي طرُدت من مدرستها مظلومةُ ولم تحقق حلمها فمن انتِ؟
انا فاتن التي خسرت شقيقها فمن انتِ؟
هيا قولي لي من انتِ؟ لعلِ القاه من تشبهني.

- أعظم معاناة هي تلك التي نحتفظ بها في أعماق قلوبنا، ولا نستطيع أن نشاركها مع أحد.

بما انو نزلت البارت الصبح احب اكلكم صباح الخير 🌱💚🌝

𓆩فــ͡ـاتن𓆪

…راحت رغد وياه حسن وعمر وانا رجعت وياه سديم وامه للمستشفى ورجعت اتأمل الورد الي محاوط المكان ولمن وصلنه للمستشفى انصدمت من شفت دوريه مال شرطه محاوطه المكان وسديم حجه وياه امه مدري شنو وراحت وجرني من ايدي وراه ووكفني مسافه عن مستشفى وكال

-فاتن رايح اجيب سياره لاتتحركين منا ودربالج شيلين الشال عن وجهج

…هزيتله براسي وراح حته يجيب سياره وانا بقيت انتظره دقايق واجه وركبت وياه بسرعه ومشى وكال

-عفت امي هناك راح اوصلج للبيت وارجع

-تمام انتبه عالنفسك وعلى رهف

-ان شاء الله فاتن ان شاء الله وانتِ هم دربالج على نفسج ونامي زين

-اوكي

-اي ذكرتيني اتصلت عليه جدتي وجايه النه بس توصل افتحيلها الباب بس تأكدي ياله تفتحين الباب

-اوكي

…بقيت الطريق كله ساكته وحته من وصلنه ماحجت شي كبل نزلت وهوه نزل فتحلي الباب ومن دخلت سده وراح وانا دخلت جوا والبيت ابد موحلو وحشه لان فارغ

صعدت فوك لغرفة رهف وشفت صورها بكل زوايه من الغرفه اتأملتهن وكلت بصوت

-الحمدالله انتِ بخير ماكدر اتصور شنو ممكن يصير لاهلج اذا صارلج شي وتدرين شنو متأكده اذا جان ابوج موجود راح يخاف عليج هواي وحيكون فخور بيج لان وصلتي لهل مرحله بدراستج

…كملت كلامي وطلعتلي تراك ورحت للحمام شطفت جسمي بس وبدلت عالسريع من سمعت صوت الباب يندك حيل وبس كملت نزلت بسرعه جوا ووكفت وراه الباب وكلت

-منو

-انا جدتج رغد

…فتحتلها الباب وابتسمت بوجهه وكلت