فاتن

البارت الخامس والعشرون

- لقد سقطت في اليأس، لكنني لا أزال أؤمن بأن هناك قوة خفية تدفعنا نحو الأفضل، حتى عندما نكون في أعمق لحظات الظلام.

𓆩فــ͡ـاتن𓆪

…راح حسن لغرفته واني طلعت للحوش حته اتأكد من الباب اذا مسدودو وفجئه انطفت الكهرباء وردت اتأكد من الباب وماحس اله شخص يدفع الباب ويوكعني عالارض ومن شدة ظلام ماشفت وجهه وردت اصرخ وحط ايده على حلكي وهمس الي

-لاتخافين ماراح أذيج بس شسوي اذا الكهرباء طفت ويه جيتي

-منو انتَ

-حسن

-ياحسن

-اجيت اشوف اذا فاتن رجعت هنا

-وانت منو وشعرفك بفاتن

-اني حسن الي شفتيني اليوم كدام بيت سراج

-اها تذكرتك وشتريد مني

-كومي من الكاع بالاول حته اعرف شحاجيج

…كمت من الارض وابتعدت عنه خطوتين واجت الكهرباء وشفت وجهه وكلت

-احجي شرايد وشعندك داخل هيج مثل الحرامي للبيت

-مارايد شي بس اجيت اشوف اذا فاتن رجعت هنا بس شكلها ماراجعه لذالك اني رايح

-وشتريد من فاتن ومنين تعرفها

-شنو تحقيق

-اي تحقيق

-ترا اني ضابط لازم اني احقق وياج موانتِ

-ضابط هناك بشغلك موعليه

-هاي انتن كلجن هيج وراثه

-نعم شتقصد

-لاهيج بس اكلج لسانج موتراوالي حيل طويل ماتردين اكصره الج

-شوف لاعبالك اخاف منك والله اذا شافوك هنا خواني يلعبون بيك فلك لذالك ولي من وجهي لااصيح لاخوي

-هههه وشنو شايفتني اخاف من خوانج المهم ضعفي شوي ترا سمينه

…كال هلجمله وطلع من البيت وحسيته متقصد يشعل نار بكلبي، سديت ورا الباب ودخلت جوه وسمعت صوت من غرفة بيبي ورحت بسرعه لغرفتها ولكيتها كاعده عالارض وواكعه المزهريه والاغراض الي على الميز

-بيبي شنو صار خو ماتاذيتي

-لابنيتي بس ردت اشرب ماي ووكعن

-ولايهمج بيبي هسه اني انظف المكان تعالي كعدي خل اجيبلج ماي

-وين الكل

-نايمين

…ضطريت اجذب عليها حته ماتحاتي وكومتها وكعدتها عالسرير ورحت جبتلها ماي من المطبخ ورجعت نطيتها الماي ورجعت الغراض لمكانهن وكنست الارض عن الكزاز وكملت وكلت