لا الدارُ داري، ولا الرفاق رفاقي، ولا المكَان يعرفُني، عبثت بديار لست أملكها.
𓆩فــ͡ـاتن𓆪
كمت حته اطلع من الغرفه واجاني مسج جديد من صديقتي فتحته حته اشوفه وانصدمت من الي شفته
شفت صور وفيديو لفاتن منتشر عالنت ومن صدمتي رجليه حسيتهن تجمدن وصرخت بأعلى صوتي والكل اجه يركض باتجاهي واولهم سديم
سديم: شكو شبيج ليش صرختي رغد شبيج
...ماكدرت احجي وانطيته تلفون حته يشوف وياريتني ماشوفته رئسن عيونه نكلبن حمر وشراين ايده بينن وباوعلي بنظره تخوف وكال
سديم: منو دزلج هذا الفيديو
-صديقتي
...جر نفس بقوه وعاط بيه وكال
سديم: شسمها
...من كثر ماخفت ماعرفت شون انطق بأسمها حسيت حلكي نشل بس من عاط بيه مرة ثانيه كلت بسرعه
-ساره
سراج: سديم لاتتهور
...حط تلفون بجيبه وباوع بعيون الكل بنظرة مرعبه وبعدين نزل من درج بسرعه بحيث سواه بايتين وسراج وعمر راحو وراه واني ركضت وراهم ومن فتح سديم الباب جان حسن ستوه راجع عالبيت كبل لزمته من ايده وكتله
-حسن روح وياهم وكلي كلشي يصير وياكم
حسن: خوش
...مالحكت افهمه شنو صاير لان ياله يلحك يروح وراهم
هيام: وشنو جنتو منتظرين من هيج وحده وهسه راح تورط اخوانج وياها
-يماا لاتحجين على البنيه هيج هم راح تحجين هيج عليه انا ورهف لو صاير ويانه نفس الموقف
بيبي سكنه: هيام بس لاتحجين على البنيه هيج
هيام: ماوصيكم ابقو دافعو الها بالاخير تنكشف على حقيقتها واصلا انتم ماتعرفون شي بس اخوكم سديم رغم يعرف مصر يساعدها
-وشنو هوه الشي الي محد يعرفه بس انتِ واخوي
هيام: لاتدخلين شي مايخصج ونصي صوتج لاتكعد اختج
-بالاخير كلشي راح نعرف شكد ماضميتي هالسر عنه راح ينكشف
...كلتلها هل جمله وصعدت فوك لغرفة رهف وبس فتحت الباب وشفتها نايمه حسيت اريد احضنها وابوسها ماتخيلت شنو ممكن يصير لوخسرتها
سديت الباب شوي شوي ورحت لغرفتي كعدت شوي افكر وقررت اروح لصديقتي ساره ف كمت بسرعه طلعتلي كاب وشال ولبستهن ونزلت جوه دورت على ماما بغرفتها وبلمطبخ ومالكيتها ورحت لغرفة بيبي وسمعتها تحجي بصوت خافت ردت اسمعها بس كلت بكلبي، حرام التجسس
دكيت الباب ودخلت للغرفه وكلت
-يماا اني رايحه لصديقتي شوي واجي
أنت تقرأ
فاتن
General Fictionهل سمعتُ يوماًً بهوس الانتقام؟ هناك في ثنايا الظلام طفلة لم يتجاوز عمرها العشرين عام تعرضت لاشد انواع الألم خداع اغتصاب انتقام حتى انها اصبحت مهوسة بالانتقام بقلمي ..وتر روايتي الثانيه وليست الاخيره ....
