فاتن

البارت الرابع والعشرون

°•

‏لن يترُكُوكَ
حتى لو اعتزلتَ في بيتِكَ
وأغلقتَ عليكَ بابَكَ
طالما ضوءُ الحقِّ ينفذُ من شُبَّاكِ بيتِكَ
فأنتَ تهدِيدٌ يجب أنْ يزُول !

🖤🍂

𓆩فــ͡ـاتن𓆪

حسن: فاطمه اختج مواختج من امج هيه بت خالتنه

...كال هلجمله حسن بسرعه بدون مايفكر والكوب الي بأيد فاتن وكع بالارض من صدمتها وكبل تغيرت ملامح وجهه وكالت

فاتن: شنو قصدك بهلكلام شون يعني

رهف: حسن شبيك جفص

حسن: عالاقل احسن منكم باقين بس مصفنين وماتحجون

فاتن: فهموني شكو

...طلعت تلفوني وطلعت صورة رساله الي صورتها وانطيتها التلفون وكلت واني منزله براسي بصوت مليان حزن

-اقري رساله وراح تفهمين شنو نقصد

...خذت رساله مني وقرتها وتغيرت تعابير وجهه وياه كل جمله تقراها وبس كملت قرايت رساله نزلت دموعها وكالت

فاتن: يعني فاطمه اختي بس من الاب

-اي حبيبتي لذالك هيه ماشبهج بتصرفاتها

فاتن: وهيه تعرف بهالشي

رهف: اي تعرف واليوم اجت تكول هذا البيت من حقي اني اكعد بي والمشكله امي مطاوعتها لان بت اختها

فاتن: تمام

-بس هيج ماراح تحجين شي ثاني

فاتن: شنو احجي مثلا منتظرين مني انهار وابجي مثل كل مره لااني ماعدت فاتن القديمه صح اني جنت قبل اكول ليش ابوي يفرق بيني وبين فاطمه بس هسه عرفت السبب

حسن: ابوج جان يحب خالتي وخالتي هم تحبه

فاتن: اي وبالاخير امي الي تورطت بهالشي

سديم: فاتن

سراج: وصلت واخيراً

فاتن: ليش دزيت عليه تدري بيه ماريد اشوفه

سراج: والله ماتوقعنه تتصرفين هيج بهالبرود

سديم: فاتن اني اجيت بس اطمن عليج واروح

فاتن: وهسه طمنت تكدر تروح

سديم: يلا امشن بنات

سراج: شربو شي قبل لاترحون دام هاي اول مره تجون لبيتي

سديم: اني شاك بشغلك محد يكدر يجيب مثل هالبيت بس الي ......

سراج: لاتكمل فهمتك بس للاسف موالي بالك وهسه يلا نزلو جوا شربولكم شي وبعدين تكدرون ترحون