نزلت ميسا وهيا تتمسك بأسوار السلم بتعب
قابلتها صفيه بالاسفل: اي يحبيبتي تعالي سلمي علي خالتك سعديه
امسكت ميسا يدها وهيا تستند عليها: تعبانه يا ماما
قلقت صفيه من شكلها: مالك يا حبيبتي في اي تاعبك
اخذت ميسا انفاسها: ولا حاجه الحمل تاعبني شويه
صفيه: طب دلوقتي حاسه نفسك كويسه ولا
ميسا: الحمدلله احسن يلا
تقدمت صفيه ومن خلفها ميسا وهيا تضع يدها فوق بطنها المنتفخ: هو عمو فيصل وعمو عثمان فين محدش قاعد فيهم
صفيه: راحو المزرعه
ميسا: ربنا معاهم
صفيه: يارب يا حبيبتي تعالي ادخلي
دخلت ميسا لترا امرأه جالسه تتحدث مع خديجه وساميه
صفيه: اهي مرات ليث يا سعديه
التفتت سعديه لها ووقفت تحتضنها وتقبلها: بسم الله ما شاء الله عليكي عسل يا زين ما اخترتي يا صفيه
صفيه: كيف القمر صح
سعديه: تعالي اقعدي جمبي اهني
جلست ميسا بجانبها بهدوء وابتسامه
خديجه: اهي هيا هاديه علي طول كدي متكلمش حد غير لما يكلمها
طبطبت سعديه علي ظهر ميسا: لا بس عسوله والله وحامل في الشهر الكام علي كدي
صفيه: في اخر السادس يعني اسبوع وهتخش عالسابع صح يا ميسا
اومأت ميسا بإبتسامه: اه اسبوع وهبقي في السابع
سعديه: وحامل في صبي ولا بنيه
صفيه: منعرفش لدلوقتي ولدي مرضيش يخليها تكشف وتعرف نوعه اي هيقول الي يجيبه ربنا حلو
سعديه: زين والله معاه حق ربنا يحفظهولك يارب
صفيه: يارب يا حبيبتي
سعديه: انا هقوم اروح عشان البنيه الي سايباها في البيت لوحدها دي وهبقي اجي تاني
صفيه: ليه بس خليكي قاعده لسا بدري
سعديه: هبقي اجي تاني بس بالله عليكي ليكم زياره عندي انتي ومرت ولدك هستناكم بكره تيجو عندي
صفيه: ان شاء الله يا حبيبتي هنجيلك والله
سعديه: بكره هستناكم تقضو اليوم عندي وانتي يا خديجه وساميه مستنياكم والعرسان خليهم ليهم يوم تاني عندي اني
خديجه: حاضر والله لنجيلك يا حبيبتي
سعديه: يلا السلام عليكم اشوفكم بكره
ودعاها النساء ودخلا للداخل: عشان اقولك انها جايه تعزمنا عنديها وانتي ممصدقاش
خديجه: انا قولت انها جايه زياره عاديه كده وخلاص
أنت تقرأ
جبروت الصعيد
Mistério / Suspenseكلــمته ســيف علــى رقــــبة أى رجــل فــما بــالك بــأمــرأه؟ لا يــوجد فــى قـامـوسه كـلمة لا او مستـــحيل ف هــو المستــحيل بــنفـسه ڪ الرعــد لا يُــقاوم ولا يُــقـهر ولا يُــــثني.
