في صباح اليوم التاني صحيت ميسا وقامت اخدت شاور ولبست عبايه بيضه رقيقه وطرحه بيضه كانت ملاك بيهم وجهزت لبس ليث الي مكون من عبايه بيضه وملابس داخليه زي ما قالتلها صفيه امبارح
ميسا قربت من ليث الي كان نايم بعمق هيا متعرفش جه امتي ولا نام جمبها امتي لأنها نامت من التعب
قربت من السرير وهيا مش عارفه تناديه ب اي هزت كتفه براحه وخوف لما فتح عيونه بصلها وقام اتجه للحمام من غير ما يتكلم اخد شاور وخرج يشوف هيلبس اي
ميسا كانت قاعده مستنياه يخرج: اا اللبس اهو
التفت ليث ليها وقعد يبصلها شويه واخد اللبس وبدأ يلبس خلص ووقف قدام المرايه يمشط شعره وهيا كانت واقفه وراه: اسمعي الي هقولهولك كويس عشان مش هعيده تاني ومحبش اني اعيده تاني لأن كلمتي مبتتقالش مرتين امي تسمعي كلامها وحاضر ونعم بس لو حد سألك من البنات حصل اي قولي اي حاجه بتحصل بين زوجين غير كده مسمعش انك قولتي اي حاجه تانيه وتنزلي زيك زي الكرسي رقص ومسخره مش عاوز والحاجه الاخيره هيا انا وكلمتي.. لو متسمعتش مش هيطلع عليكي نهار سمعتي
ميسا بخوف من هيبته ورزانته المخيفه: ح حاضر
نزل ليث بعد ما حط من عطره الفخم ولبس ساعته وهيا نزلت وراه
كانت صالة القصر مليانه حريم ومستنين العروسه تنزل عشان يباركولها (ودي حاجه اسمها الصباحيه يا بنات سمعت عنها برضو انها موجوده في الصعيد)
صفيه وقفت علي مقدمة السلم وهيا بتبص لأبنها بسعادة أم...
ليث باس ايدها وراسها وميسا عملت نفس الشئ: حبايبي كيف البدر مع بعض تعالي يا عروسه اقعدي مرات ابني اهي يا جماعه الي مشافهاش يشوف كيف البدر المنور
ميسا ابتسمت بخجل من كلام صفيه والنساء الي قعدو يتكلموا اد اي هيا جميله ومنهم الي متابع بصمت وغيظ وطبعا دول عارفينهم مين
عليا خرجت من المطبخ وفي ايدها صواني حلويات هيا والبنات وبتوزع علي النسوان
شهد وهيا بتشد ميسا: تعالي يا عروسه نرقص
ميسا بخوف: ل لا مش هينفع
شهد بإستغراب: ليه كده هو انتي مبتعرفيش ترقصي
ميسا بنفي: لا اصل انا تعبانه ومش قادره اقف
شهد بتفهم: خلاص ماشي اتفرجي عليا بقي انا والتونز هنولع الدنيا ازاي
ميسا ابتسمت بتوتر: مماشي
صفيه وخديجه: يلا يا نسوان كله عالأكل مش عايزه واحده تروح وهيا مأكلتش
بدأ النساء بالتجمع بداخل غرفه كبيره جدا موضوع بها الكثير من السفر والكراسي الملكيه
جلست ميسا بتوتر وهيا تشاهد مغادرة الجميع دقائق وحضرت خديجه: يلا يا بنتي جوزك مستنيكي اطلعي كده كفايه عليكي
أنت تقرأ
جبروت الصعيد
Gizem / Gerilimكلــمته ســيف علــى رقــــبة أى رجــل فــما بــالك بــأمــرأه؟ لا يــوجد فــى قـامـوسه كـلمة لا او مستـــحيل ف هــو المستــحيل بــنفـسه ڪ الرعــد لا يُــقاوم ولا يُــقـهر ولا يُــــثني.