"عودة فبراير"

بارت 1

2010
ماراح اكلكم مثل كل بطلة تكوم على زقزقة العصافير وهاي الاحلام الوردية بالعكس

سعاد : سمررر گوميييي متسمعيننن الباااب لو تغلسينن

سمر : ماما صدگ تحچين يعني حرام الواحدد ينامم براحته يومم واحد عوفيني براحتي بس يوممم

سعاد : دگومي گومي شوفي منو خاف اخوچ اجه گومي فتحيهه

سمر : اهووو گايمه
طلعت للباب واني متعصبه وضايجه من تصرفات امي
والباب تفلشت هذا ياهمج يدگ هيچ منوو منوو

علي : فتحيي الباببب يمعودهه
سمر : ولگبر اكو واحد يدگ هيچ فتحت الباب واني صوتي يلعلع يعني علاوي شبيك تدگ مثل المخبل احچي ويا وجت عيني ع شهم ابن خالتي اني هنا كل وضعي تخربط اباوع ع روحي طالعه بجامه النوم وكفشتي گابه باوعتله بابتسامه شو هذا صافن بوجهي شبيهه اليوم العالم وياي

علي : دوخريي لطشتي بلباب خلي نفوت

دفعني وطب للبيت گبر لازم يفشلني طبو ثنينهم للاستقبال شهم ابن خالتي صارله 5 سنين مايجي علينه گطع جيته وهاي اول مره اشوفه حتى سلام ماسلم عود ثگيل عشتوو علاقته ويا علي اخويه كلش قويه اقرب صديق اله شهم طبيت عليهم لگيتهم يباوعون ع التلفزيون ونايمين ع مخده وحده اني شويه يعني چنت احب اشاقه رحت ع شهم وغمضت عيونه

سمر : منو اني ؟
ضل شهم ساكت وخر ايدي ورفع راسه وباوعلي اني طكيتهه بضحكه هو ضل صافن ع ضحكتي واني اضحك كل قوتي طبعاً اني ضحكتي فضيحه صاح ااخويه الثاني بيه

حيدر : سمر صوتچ تأدبي
سكتت اني وشهم مانطه ردة فعل بس بتسم كلت اوي هذا شبي بارد عفتهم وطبيت للغرفه صاحتلي ساره اختي

سارة : سمر عيب لبسي شال متستحين انتِ صغير هو ومطلعه شعرچ گدامه

سمر : اي صغير تره عمره 15 ؟

ساره : واذا 15 انتِ 12 تره ومكلفه امشي لبسي بسرعه

سمعت كلامه اني ورحت لبست شال ورجعت گعدت يمهم شو هذوله كلهم گامو يباعولي ويضحكون لان عود لبست الشال اني هم ضليت اضحك وياهم راحت عيني ع شهم لگيته مبتسم ومستغرب

______________________________________

شهم : اجاني علي ابن خالتي كعدني من نوم يريدني اروح ويا

علي : گوم شهم گوم يمعود ماضل وكت

كمت ويا اني وبلكوه مفتح عيوني نعسان

شهم : شتريدد علي متشوفني منطمر ماروح عوفني استحي

علي : من شنووو تستحي هي خالتك تره وانتَ مو غريب دگوم شهم لا تسوي هاي السوالف

شهم : گوم امري لله
گمت ويا غسلت وبدلت ورحنه ع بيتهم وصلنه وضل هو يدگ بلباب محد يفتح شويه واسمع وحده صوتهه يلعلع ودردم ع علي فتحتلنه الباب ضليت صافن عليهه وع كفشتهه احنه ماعدنه هيج اني خوات ماعندي بس اخوان 3 وماعدنه وحده تفتح الباب ضلت تحجي هي وعلي واني بالي مو يمهم صافن عليهه وع حجيهه طبينه جوه وكعدنه ب

لاستقبال نباوع تلفزيون اني وعلي اني مندمج بلفلم
واحس واحد غمض عيوني وسمعت صوتهه تگلي منو اني رفعت راسي وباوعت بعيونهه وهي ضحكت صفنت بضحكتهه ضحكتهه حلوه وملامحه من قريب بعد احلى ضليت صافن عليهه ومبتسم ع ضحكتهه
اخوهه حيدر صاح بيهه لان صوتهه عالي وخرت عني وراحت للغرفه

رجعت لابسه حجاب خبلتني هاي البنيه مدافتهمه فبتسمت عليهه تعشينه يمهم وضلت اليوم كله هي بس تضحك وتشاقه ونضراتنه كل شويه تتلاگه ملامحهه بريئه وجريئه بنفس الوقت صح اني عمري صغير بس عقلي اكبر من عمري جنت واعي كلش رجعت لبيتنه وعلي اجه وياي ضلينه يومين مارحنه ع بيتهم وبهاي اليومين عندي رغبه كلش قويه ومتلهف اروح واشوفهه ماعرف شنو جانت مشاعري بس تفكيري كله يمهه اجه علي گلي تعال وياي للبيت اني ماقبلت بس العكس اني جنت متاني حتى يگلي بس بعت عليه ثكل اريد اروح واشوفهه ضل يلح عليه لحد ما قبلت ورحنه اني ويا لبيتهم

وهم ضلينه ضحك وسوالف بس ماصارت مواقف بيناتنه بس نضحك ونضرات وره هاي الروحه ضليت شهر اني بين اروح الهم وعلاوي يجي علينه
بس طول هاي الفتره سمر متروح من بالي ابد عقلي نشغل بيهه وبتفاصيلهه وحسيت روحي اني احبهه فقررت احچي لاخوه وطبعاً عادي لان علاقتي ويا قويه ويدري بيه اني ماراح اذيهه بشي وفعلاً اني ماجنت رايد اذيهه بلعكس جنت اريد احجزهه من هسه علما تكبر واخطبهه فمره رحت ويا علاوي لبيتهم صعدنه فوگ لسطح وقررت اعترفله انو اني رايدهه واحبهه بس چان جواب اخوهه صدمه بالنسبه الي

يتبع

شتتوقعون جواب علي؟

صوتو وعلقو وانطوني رأيكم بلقصه وتوقعاتكم♥️.
.
.
.
.

الكاتبة رانـيـة✨