"عودة فبراير"

بارت 3

اول شي اني مداركز باحداث الابطال كلش وهمَ صغار لان قصتهم حتبدي وهمَ كبار هاي الاشياء داذكرهه حتى تعرفون شلون تعرفو ع بعض واعترفو بحبهم  يعني اشياء ثانويه بعدنه مابدينه بلاحداث القوية تفاعلو حتى تستمر وتعرفون معاناتهم وشصار بحياتهم.

يا قلبُ أنتَ وعَدتني في حُبّهمْ
            صَبراً ، فحاذرْ أن تَضِيقَ وتَضْجرا

لا تنسون التصويت والتعليق ♥️.
______________________________________

ريتاج : احس شهم باله وحده مبين يحب واحساسي يكول هاي البنيه سمر

ساره : لا يمعوده شنو هذا الحجي بعدهه صغير وماعتقد باله هيه

سمر : سويت روحي الموضوع مو يمي غلست وماحجيت كلمه بس بداخلي كلت معقوله يحبني بس ماعرف شنو مشاعري يعني مخربطه وهو شهم جانت سوالفه وياي تفرق عنهم يعني من يسولف وياي نضراته وحجيه كلهن يختلفن يسولف بحنيه وعيونه من يسولف وياي احسهن مبتسمات اني ماجنت منتبهه ع تصرفاته بس من كالت ريتاج هيج ضليت افكر وحسيت فعلاً حجيهه صح
كملنه سوالف وطلعت اني للمطبخ اشرب مي وشفته كاعد بالصاله يكرز حب باوعلي وبتسم وضحكت بوجهه ورحت اجه وراي للمطبخ مال جسمه ع باب

شهم : شوكت تروحون

سمر : باوعتله وكلت هاا تطردنه شنو متريدنه نضل

شهم : لو بيدي ماخليج ترحين

سمر : ضليت صافنه بوجهه اخذت المي وشردت واني اضحك

رجعنه للبيت ولكيت امي تحجي ويا خالتي ام شهم ع عرس مال حيدر وحددو الموعد طبعاً خالتي ام شهم عدهه صالون هي الراح تسوي مرت اخويه

ضلينه اسبوع احنه نجهز البيت ونرتبه ماشفت شهم بهالسبوع بس ضل بالي بحجي ريتاج وحجايته وياي بالمطبخ

صار يوم العرس وراحت العروس من صبح لخالتي ام شهم حتى تحضرهه واكيد امي وعركاتهه الي متعودين عليهه دائماً

سعاد : ولج سمرررر عباتييي ويييين

سمر : شمدريني يمه يعني وين خليتيه انتِ مشوفينه ملتهين بالترتيب اعرف العبايه وين هسه اني

سعاد : لا تعرفين كلش زين منو يگول مامنطتهه لام يوسف اعرفجج كلش زين متهتمين بحاجتيي ابد

سمر : يمه دخيلج المره شعليهه كلشي وكلتي ماخذته ذاك اليوم الاشعه هسه العبايه هيه يعني بتلت ع عمرهه صارت جيرانه

سعاد : لا نوب ترادد

سمر : عفتهه ورحت ارتب بروحي لبست فستاني وحطيت مكياج يعني خفيف ومناسب للعرس وكويت شعري وخليتهه مفتوح واكيد يعني اني جسمي وملامحي اكبر من عمري فيعني من البس لو احط مكياج يلوگلي شويه واسمع صوت هلاهل بالبيت ونگلب البيتت كله صارت هوسه مو طبيعيه عرفت اجو العرسان نزلت اركض اهلهل وياهم واركص شفت ريتاج بت خالي وكعدنه نردح اني وياهه طبعاً ريتاج علاقتي وياهه كلش قويهه هيه صح تكبرني 9 سنوات بس جنه متفاهمين كلش

ريتاج : لج اوفف متت حر السياره مابيهه تبريد واني منا حامل

سمر : ههههههه ولج ياحر ياحمل ركصي حبيبتي خلي البيبي يتحرك شويه

ريتاج : ههههه خرب يومج تموتين ع الركص

سمر : اني هواي احب الركص ويعني اعرف اركص فضلينه نركص لحد ما هلكنه طبو علي وشهم جانو كاشخين كلش شافني شهم وباوعلي من فوك ليجوه حسيت بنضراته نعجب بشكلي
ضلينه ملتهين بالعرس لحد ماخلص وراحو العرسان لغرفتهم خلص اليوم

ورجعت المدارس ضلينه ملتهين بالدراسه

وشهم صار ميجي علينه كل اسبوعين مره لو مرات شهر ميجي بس جان كلما يجي يقريني لان هو كلش ذكي بالدراسه بس اني صفر مطفيه رغم هو بطل من صارت احداث 2007 بس رجع ورجع شغفه بالدراسه

من نتعب نباوع اني ويا فلم الرساله علمود التاريخ البي يساعدنه بدراستنه ضلينه لحد ماوصلنه لنصف السنه وبطلت اني

لان جان ماعندي شغف بالدراسه وكسوله كلش ماحبهه وشهم كيف ماعرف ليش جان ميريدني اروح للمدرسه ضلينه ع هاي الحاله سنتين كبرنه وابد مابينلي شي بعد ولا حجه كلمه يبين حبه بس جانت نضرااته واضحه
______________________________________

شهم : خلصت متحاناتي واجت عطله اخر السنه بهاي السنتين كطعت مو مثل قبل اوصل لبيت خالتي
لان شديت حيلي بالدراسه ومن اخر مره حجيت ويا علي علمود سمر مافتحت الموضوع بعد ويا بس اني بعدني احبهه واريدهه وبعده مابرد گلبي عليهه من اشوف عيونهه وضعي ينتهي وخاصتاً هاي السنتين كبرت هيه وصارت احلى سوالفه اركز بيهن كلمه كلمه ماطلعت من بالي ابد بلعكس حبي ديزيد مينقص

حسيت روحي شتاقيتلهه خابرت علي وكتله راح اجي عليكم گلي اني بلشغل روح انتَ قبلي واني اجي وراك اني هم صدك رحت دگيت الباب طلعتلي سمر

شهم : هلاو سمر شلونچ

سمر : هلا شهم تفضل

شهم : فتحتلي الباب وطبيت البيت هدوء سألته وين اهلج لعد گالت ماكو احد كلهه بالدوام

طبيت للاستقبال كعدت ع التخم وهي ضلت تلم بالفراشات

سمر : اكلك شهم ليش متريد بنت عمك

شهم : فاجئتني بسؤالهه بس جاوبتهه
ماريدهه ماحبهه ماكدر اتقبلهه

سمر : خاف يزوجك ابوك گوه

شهم : لا ميزوجني ابويه اذا ماريدهه

سمر : خطيه هيه تره تحبك

شهم : لعد اني شنو ذنبي ماحبهه واخذهه

سمر : لعد تحب منو

شهم : احبج انتِ

______________________________________

سمر : صدمني من كال هيج لان ماتوقعتهه راح يعترفلي بهذا الوقت بس اني فرحت لان جنت هم احبهه

سمر : اني هم احبك

باوعلي وحسيت بي فرح من سمع جاوبي
______________________________________

شهم : حسيت روحي فرحان ومصدوم بنفس الوقت الشي الي اتمنى اخيراً صار الي

بعدني مامتخطي صدمتي وطب رجل خالتي شاكر گلي عمو گوم جيبلنه خبز

باوعتله وكلت بگلبي تدلل هسه وين تريدني حتى للمريخ اروحلك

شهم : صار عمي

رحت واني الطريق كله افكر بكلمتهه اني هم احبك

اخذت الخبز واني اضحك الطريق كله ماجنت ادري شضامتلنه الحياة من معانات.
.
.
.
يتبع