هَل لي نصيبٌ في فؤادك ثابتٌ
كما لكَ عِندي في الفؤادُ نصيبٌ؟
لا تنسون التصويت والتعليق بين الفقرات♥️
______________________________________
سمر : خلص اليوم وخلصتهه اني بس اضحك طبعاً خلي اعرفكم على عائلتي
بابا شاكر عمره 60 موضف كلش حنون عليه ويحبني ويرغبلي اكثر من خواتي
امي سعاد عمره 45 ربت بيت 24 ساعه طالعه متعرف تگعد بلبيت وابد ماعدهه حنيه علينه يعني عكس ابويه بكلشي
اختي ساره عمره 22 هيه اكبرنه تدرس وملتهيه بروحه هي بمكان امي ايشي نحتاجه نروحلهه اني واختي نرجس
اخويه حيدر عمره 20 خاطب ويدرس
ويعني هو باعتبار مثل ابويه يعني احترمه وماعندي ميانه قويه ويا
اخويه علي عمره 16 يشتغل وتارك المدرسه جان دائما طالع لو يم شهم يعني ميكعد بالبيت هواي
ونجيي عليه اني سمر عمري 12 ادرس صف خامس ابتدائي واني فرفوشه وبس اضحك
واختي نرجس اخر العنقود عمره 8 هم تدرس صف ثالث هي نسخه مني يعني تشبهني وهم نفس تصرفاتي وشخصيتي واقرب شي اليه هيه بالبيت
وهاهي خلصنه وهسه نرجع للاحداث
سمر : سارهه انهضي يلا اغسلي المواعين مال العشه اني غسلت مال الغده العشه عليچ
ساره : هسه سمر لا تلحين كتلچ هسه اگوم
عفتهه وگمت رحت يم نرجس گعدت يمهه نسولف شفتهه ضايجه حاولت اضحكهه
سمر : اليوم ضايج الحلو خيرك
نرجس : لعبه ذاك اليوم شوفتجياهه اريد اشتريهه وساره گالت اني اشتريهه الچ خاف متشتريهه
سمر : ياحبيبي تدرين بساره من تحجي شي تسوي اطمني تجيبهه الچ
چنه نعسانين حيل فرشنه ونمنه 3 سوه ثاني اليوم الصبح حسيت ع ساره تگعد بيه
ساره : سمر كافي صارت ب12 كافي نوم گومي راح يجي شهم وعلاوي يردون غده هم تتغدين وياهم لو اصبلچ هسه
سمر : لا لا صبيلي استحي اكل گدامه
ساره : يلا خوش گومي غسلي وتعالي اخذي الصينيه
گمت غسلت وهستوني گعدت اكل طبو علي وشهم
اهوو شلون اكل هسه گمت اني سلمت ع شهم ورجعت گعدت بمكاني اكل
علي : سمر صبيلنه اكل اني وشهم وترتيباتج بعد
سمر : تدلل ضلعي
ضحكنه ورحت صبيتلهم غده تغدو وگعدنه شويه سولفنه صار الليل صعدو شهم وعلي فوگ ينامون لان شهم يستحي ينام جوه واحنه البنات موجودات
واحنه هم البنات يعني چنه تعبانين فرشنه وغفينه بسرعه
______________________________________
شهم : تغدينه وصار الليل صعدنه فوگ وجنت ع قراري اگول لعلي اني احب سمر فرشو النه تمددنه واني جنت صافن حاجاني علي
علي : ها خيرك شو صافن
شهم : شوف علي اريد اگلك شي بس شوف يعني لتفتهمني غلط نيتي كلهه صافيه تجاهه
علي : سولف شنو الموضوع اسمعك ان شاء الله خير
شهم : السالفه سمر علي اني احس روحي احبهه يعني وماعرف دائما افكر بيهه وگلت لازم اسولفلك واني اريد احجزه من هسه حتى اذا كبرت اخطبهه
علي : شوف شهم اول شي اني اتمنالك كل الخير واذا صدك ان شاء الله تصير القسمة بس شهم تره سمر يعني كلشي متعرف اذا ضحكت بوجهك واذا بينت هيه تحبك فلتاخذ بحجيهه بعدهه زعطوطه متعرف شنو الحب أصلاً
شهم : ماشي انسه الموضوع
اني ضليت افكر بيني وبين نفسي كلت يجوز صحيح حجي علي وجانت هيه تصرفاتهه عفويه بس اني حسيتهه تحبني غلقت الموضوع ومافتحته بعد ويا علي
______________________________________
سمر : چنه دنبدل نريد نروح لبيت خالتي ام شهم رحنه جان علي وشهم يلعبون بلي بالبيت مال خالتي
خالتي عائلته مو چبيره عدهه بس 3 ولد محمد الچبير متزوج بت خالي وعنده بنيه صغيره
وحسين الوسطاني مامتزوج عمره 20
وشهم اصغر شي وعمره 15
گعدنه سلمنه عليهم وجتمعنه كلنه بالصاله ريتاج مرت محمد كالت لشهم ليش متاخذ بت عمك هيه تحبك وبنيه حبابه وتوالمك
هي صح بت عمه كلنه نعرفها تحبه وتريده من زمان بس ماعرف شهم ابد ميقبل كارها كلش
شهم : لو تبقه اخر وحده بالحياة ماحبهه ولا اخذهه
ريتاج : ليش مو عمك يزعل
شهم : خلي يزعل اني ماحبهه هيه گوه
سمر : سدو الموضوع والدنيا صارت ليل تعشو اهلي يمهم ورجعو للبيت وضليت اني وساره يم خالتي مارجعنه وياهم گعدنه بالليل نسولف اني وساره وريتاج
ريتاج : احس شهم باله وحده مبين يحب
واحساسي يگول هاي البنيه سمر
.
.
.
.
يتبع
الكاتـبـه رانـيـة✨
أنت تقرأ
"عودة فبراير"
Romanceقصة عراقية حقيقية لقائاً بعد فراقاً مؤلماً وعيونٌ تتلاقى بعد كُثرة البكائا مشاعراً تفيضُ بعد كتمانا وحباً ينتعشُ بعد خذلانا ما هو شعورك وانتَ مجبر ع الصمود وانتَ حائراً هل تبدي من جديد و تُنسى كل الجروح ام جرح الحبيب لا يُنتسى هل ستتصافا القلوب...
