البـارت الـحادي عشـر ...
عدى الـويكند ع خير
اول يــوم دراسـي ف الجــامعه
6:30
شما : حصه يلا قومي لا نتأخر اول يوم
حصه وهي بعدها راقده : خمس دقايق بس
شما: قومي نشي عن ما تتكفخين بسرعه
حصه : يلا بنش محد يداوم اول يوم ترا بلاج متحمسه
شما: قومي وانتي ساكته احسن عاساس نتريق بعد و بعد تقول منو يداوم اول يوم ترا جامعه هب مدرسه
حصه : زين
بدو يتجهزون
ف شقه الشباب
عبدالله وهو يصارخ : حممدان أنا مب موعنك من الصبح ليش ما نشيت
حمدان : سير وع علي وحمد وسعيد بلاك علي أنا بس
عبدالله : يسلمون عليك علي و سعيد سارو كلاساتهم تبدّا من وقت إذا ما كان عندك علم وحمد يتسبح قاعد مش نفس بعض الناس متسدحين
حمدان: خلاص بنش اطلع
عبدالله : والله ان سرت ورديت وشفتك منسدح يويلك
حمدان : خلاص زين
قام يتجهز عساس يسيرون الجامعه ويشوفون كيف النظام والحصص ومن هالاشياء ...
ع طلعت البنات من الشقه طلعو الشباب
حصه : ياربي لا يارب ما يركبون
شما : ليش
حصه : بقولج عقب
والبنات توهن راكبات اللفت وكان بيسكر حط حمدان ايده يفتح باب اللفت لا يسكر
حمدان : تسمحون لنا
شما : حياكم
حمدان : ربي يحيج ، اكيد سايرين الجامعه ولا
شما : هي والله
حمدان : تعرفون حد ولا
شما: لا والله اول مره
حمدان : ترا نحن نفسكم ما نعرف شي ولا حد بعد بس تبون مساعد عندنا عبدالله بيودينا الجامعه إذا بتسيرون وينا بيخلص وياكم كل شي ترا صح عبدالله
عبدالله وهو ف خاطره يكفخه : هي اكيد
حصه تكلمت وهي متنرفزه : والله ها طيب منكم بس احس انه ماله داعي بندبر امورنا روحنا
حمدان : ع راحتكم عيل
وصل اللفت وكل واحد طلع ف طريجه ...
