~بارت 23 هو ثلاث بارتات في انستا،35،36،37.~
البـارت الخمسه والثلاثون ...
اليـوم الثـاني
شقه الشباب
نش حمد من وقت وتلبس وطلع يتمشى ويكلم أبوه وياخذ له كوفي دام الشباب راقدين
حمد وهو داخل الكوفي
حمد : هلا ابويه شحالك وشحال امي
بو حمد : بخير الحمدالله
حمد : كلمت امي ولا
بوحمد : كيف يا ولدي اكلمها ما يستوي
حمد : عيل شعرفك
بو حمد : أمك كلمت وحده من عماتك تتخبر عنك
حمد : عسها بخير
بو حمد : والله تقول شوي تعبانه وودها تشوفك
حمد : من شو
بو حمد : ما اعرف والله ما قالت حق عمتك قالت إذا حمد موجود خله يمرني وعاد قالت الها انك برع تدرس ومن هالسوالف
حمد : بحاول ان شاء الله أتواصل ويها وبشوف إذا اقدر اي عقب فتره عندي كمن شغله ابا أخلصها ف البلاد بعد
بو حمد : زين تسوي
تم يكلم أبوه
شقه البـنات
قامو وتلبسو وخطفن ع بعض وطلعن
حمده : بنات نسير ناخذ لنا شي نشربه قبل لا نسير
عوشه : ترا هناك شي بعد بس قبل ابا اسير لور بينا ف خاطري نعال
حصه : هي منزلين كولكشن يديد
عوشه : خلنا ناخذ لنا شي ونسير عيل
حمده : يلا انزين ع لأقل اسد يوعي
عوشه : بنات تبون
حصه : هي عادي
سارو واحد من الكوفيات الي ع طريجهم
دخلو
حصه : شو تبون بنات
شما : الطلب المعتاد
عوشه وحمده : حتا نحن
طلبو كلهم وطلعو وبقت حصه داخل تتريا
خذت الاوردر وهي توها طالعه من الكوفي
حمد وهو مستعيل يا بيطلع من الكوفي والا يلطمها وينجب كله عليها وطاح
حصه : خير ان شاء الله ما تشوف
حمد وهو مب مركز ف ويها : اسمحيلي اختي
حصه : ع شو أسمحلك تستهبل ولا
حمد انتبه انه يعرف صوتها : حصهه
حصه : خير جبيته على تراك
حمد : فالج طيب الحين بطلب لج غيرهن ...
